|
طباخ السم بيتذوقه
طباخ السم بيتذوقه الجملة دى فى حياتنا بسمعها كتير وهى مثل مصرى صميم معناه ان اللى فى مكان او وظيفة او قائم على امر له نصيب الاسد فيه ناخد امثله شوف ياسيدى لما مدرس بيعمل جدول حصص المدرسة تلاقى جدوله مميز بحيث لا فى الاول ولا فى الاخر يعنى يكون مثلا كل يوم الحصة الثانية والثالثة اما أخيرة لا طبعا ده هو اللى بيضع الجدول ياخد الاخيرة مينفعشى طبعا وحتى ان اشتكتى لادارة المدرسة يقولك ايه يعنى يا ابلة طباخ السم بيدوئه طبعا هنا مش مشكله الأبله عندها اولاد فى الحضانة بيخروج الساعة 2 من الحضانه يستنى الام فى الشارع لان عندها الحصة الثامنه مثال تانى قى فرن العيش المدعم البلدى بيكون العيش مفرود وكبير وجميل لصاحب الفرن والعمال الحبايب واصحاب المصالح وبتوع التموين اما باقى الناس فعليه العوض لا منظر ولا وزن ولا طعم ياترى الثورة هتغير الناس فعلا ولا كلام وشعارات فقط ياترى كل واحد هياخد حقه وحقه فقط ويسيب حق غيره ولا يستحله لنفسه لان مفيش حد بيحسبه |
ان شاء الله كل حاجة هتتغير
وفعلا موضوع متميز جزاكى الله خيرا |
صدقينى اختى الفاضلة
ثورة وبدون ثورة دى حاجات بتبقى داخل الانسان نفسه اما عن طريق وازع دينى او تربية صالحة او تقليد لقدوة حسنة مشكورة للموضوع |
حضرتك بتقلبى المواجع بتاعت المدرسة
انا عشان لسة مدرس صغير بيطحنونى فى شغل المدرسة بمعنى الكلمة وبيدونى الحصص الاخيرة معظمها بالرغم انى مادة علمية (كيميا ) وبيدونى اشرافين يومين مش يوم واحد جنب جدولى الكبير ولو اشتكيت يقولى احنا يا اما خدنا وياما عملنا والقصص الفاشلة دية وكمان كل ما اخد على مدرسة كانوا بينقلونى مدرسة تانى ويقولى انت لسة خفيف وشاب (كرهونى فى كلة شاب دية ) ههههههههههههه وبالنسبة للجدول فية ناس معندهاش ضمير بتخدم على بعض فية والحصص الاحتياطى برضو يبقى جدولى كبير ويدونى احتياطى وناس منهم معندهومش غير حصتين ولا حاجة فى اليوم ويكسلوا يدوهم معرفش امتى هنبقى مدرسين عندنا ضمير مش عارف |
اقتباس:
ياريت يا مروة نتغير للاحسن واسعدنى مرورك الكريم |
اقتباس:
أختى الايمان كلامك صحيح ان الله لا يغير ما بقوم حتى يغيرو ما بانفسهم تحياتى لكى واسعدنى مرور ك العطر |
اقتباس:
معظمنا كنا مثلك بس على فكرة اللى بيشتغل بيطحنوه واللى بستهبل بيسبوه ويبعدو عنه عشان ميعملشى لهم مشاكل فيه مدرسين عندها ضمير كتير بس بتتعب نفسيا لما تلاقى فى النهايه بتتساوى فى الحكومه والمدرس الكفء يتساوى مع غيره شكرا على المرور وربنا يوفقك والشغل مش بيتعب لكن المشاكل هى اللى بتتعب |
لو كل واحد بدء بنفسه يبقى ان شاء الله حالنا هينعدل
|
للأسف يا أم أمل
الطباخ بيطبخ لنفسة الحلو وبيطبخ لغيرة السم . موضوعك فوق الرائع يا أم أمل جزاكم الله خيرا. |
اقتباس:
أختى العزيزه جهاد أنتى محقة فى كلامك ومرورك شرف ووسام ليا |
الطباع لا تتغير بقيام الثورات وان تغيرت فهي تحتاج الي سنوات طويلة
ما تقولينه يحدث منذ سنوات وسنوات ولا اعتقد انه سيتغير |
اقتباس:
شكرا لمرور حضرتك وممكن يكون كلام حضرتك سليم بس أنا عندى أمل أننا نسيب المحسوبيه |
شكراً استاذة / أم أمل على مواضيعك الجميلة كالعادة فى انتظار كل جديد من حضرتك تحياتى |
جزاكم الله خيرا للمرور
|
| جميع الأوقات بتوقيت GMT +2. الساعة الآن 10:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.