تغير المسمى الوظيفى لمعلمى اسكندرية
 

انا من محافظة الاسكندرية عايز اعرف حد غير المسمى الوظيفى ولو غير المسمى الوظيفى عمل اية

وانا كمان ياريت حد يفيدنا في الموضوع ده

هو حضرتك استاذ اسلام خميس الششتاوى ؟؟؟؟

هو النشره وصلت العامريه وبيقولوا اسالوا في المديريه بس بند العجز والزياده مخليهم ولكنهم سمعوا حاجه فياريت نجمع نفسنا بعد العيد ان شاء الله ومروح سوى ان شاللله للمحافظ

انا كمان اريد تغيير المسمى و النشره وصلت فعلا المدرسة بس محدش عارف ايه هي الاجراءات لو حد عنده معلومه يفيدنا

ايوة انا استاذ اسلام خميس ششتاوى وحضرتك مين

لسه مفيش اى خبر لحد الان بس سمعت من صحابى بالنسبة للعربى ان موجه اللغة العربية قال ان فى عجز باعدادى والى بابتدائى هيوزعوه اعدادى

المهم منتنقلش بعيد

انا تربيه اساسي وسمعت ان اخرنا المرحله الاعداديه ممكن اغير المسمي الوظيفي

ايوة ياجماعة انا قدمت طلب فى وكالة الوزارة بابيس

الخطوات

هتروح وكالة الوزارة وتكتب طلب وتقدمه باسم السيد وكيل اول الوزارة

مضمون الطلب

السيد / وكيل اول الوزارة

تحية طيبة وبعد

نرجو من سيادتكم التكرم بالموافقة على نقلى من المرحلة الابتدائية الى الاعدادية

علما انى لعمل مدرسا لمادة .......... فى مدرسة ................ التابعة لادارة .........

وانى حاصل على مؤهل ................................

وتفضلوا بقبول فائق الاحترام

مقدمه لسيادتكم / .................................
الوظيفة / ..........................................
المؤهل / ..............................................
المدرسة / ...........................................
الادارة / .........................................


وطبعا هتقدم الطلب لسكرتيرة وكيل الوزارة فى الدور الاول ووكيل الوزارة هيمضيه

وبعد كدة هتاخد الطلب وتطلع الدور الرابع مكتب المدير العام وتسلمه وهتديلك رقم بالطلب وهتسجله عندها

وهتقولك ابقى تعالى اسأل عليه بعد اسبوعين

طبعا يرفق مع الطلب المستندات التى تؤيد ذللك شهادة المؤهل دبلومة اى اوراق مثل ذلك وياسلام لو خطاب من الموجه بعدم الممانعة

هى دى الاجراءات كاملة وعلى فكرة فى ناس كتير قدمت لان السكرتيرة قالت لى كل دى ناس مقدمة الابتدائى هيبقى فاضى


وبالتوفيق للجميع

استاذ alskndry عيد سعيد على حضرتك هو حضرتك مادة ايه و هل حضرتك جبت موافقه من التوجيه فعلا و هل سهل ولا صعب

اخيرا في حد من الاسكندرية اتكلم
صباح الخييييييييييييييييييييييييييييييييييييييييييييييي ر
كنتم فين قبل ما يطلع القرار ....ليه ما شفناش حد فيكم مرة واحدة قدام الوزارة
عموما ربنا معانا

اخواني الكرام : ارجو منكم جميعا التواصل على الجروب ده

facebook.com/groups/alex.teacher/

احنا ان شاء الله متجمعين "كلنا" بعد العيد و معانا موافقة الشرقية و كفر الشيخ و مصممين على الموافقة بالمثل - ارجو الانضمام علشان نكون عدد كبير و نضغط عليهم علشان سرعة الموافقة
ملحوظة هامة : المؤهل يجب ان يكون تربية عــــــــــــــــــام و ليس تربية اساسي

عيد سعيد ممكن حضرتك تضعي لنا صورة موافقة الشرقيه اذا سمحتي