المستشار مرتضى منصور للتعليم شارك برأيك
 

لا يوجد سوى ان يكون المستشار مرتضى منصور وزيراً للتعليم علشان ده قاضى وهيجيب حقوقنا المنهوبة اللى مش قادر يجيبها الدلوعة جمال الدين موسى او (الدرويش) الاخوانى ماذا لو تم عمل توكيل او تفويض للمستشار مرتضى بتولى وزارة التعليم ونرفعه للمجلس العسكرى وخدوا بالكم مفيش مجلس وزراء فى مصر كل ده لعب عيال رئيس الجمهورية حاليا هو المشير طنطاوى شارك برأيك توافق على ان يكون المستشار وزيرا للتعليم؟

الله عليك
تبقي كملت خراااااااااااااااااااااااب

والله كفايه انه راجل محترم لا فساد ولا نساء ولا مخدرات
بصراحه راجل محترم

انت أكيد بتهرج ده لو مفيش غيره يبقى جمال الدين بالنسبة له ملاك

لما يخلص قضيته والاتهام الموجه له بقتل الثوار ويخلص خراب الزمالك نبقى نجيبه يكمل على التعليم

ياراجل حرام عليك ده منافق

مرتضى منصور
ده بيتعامل فى كل حاجه ياما بلطجة او سجن ده هتبقى مهزلة لو مسك
وتانى حاجه مليون مره قولنا عاوزين وزير كان معلم وعارف معاناة المعلمين

والله تبقي كملت خراب مالطا
وساعتها لو اي مدرس طالب بحقه في علاوة وله ترقيه نلاقيه بسرعه رد وقال
الس دي بتاعتك عندي هتسكت وله اقدمها للشءوون القانونية ههههههههههه

طبعا ارفض ان يكون وزير للتعليم لكن ممكن المستشار مرتضى منصور يرفع لنا قضية لناخذ حقوقنا وسوف نسانده فى الدعاية للرياسة

مرتضى منصور مين يا عم هى ناقصه خراب وشويه كده يطلع واحد يقولنا عايزين حسن شحاته ولا عادل امام ياعم من الاخر كده عايزين وزير يتصف بالاتى :
1- وطنى حقيقى وليس بالشهرة ( يعنى له اعمال وطنيه واضحة )
2- شخص محترم يسعى للاصلاح
3- استاذ تربوى من داخل كليات التربية ( وكليات التربية من الاسكندرية حتى اسوان مليانه اساتذة تربوية تصلح لهذه المسئولية )
4- يؤمن بقضية المعلم
5- ذو شخصية مستقلة يعنى ينفذ ما يقول وليس ينفذ ما يملى عليه