ارجو الافاده
 

يا ريت حد يعرفنى كل المعلومات عن الاقسام دى وايه افضلهم وفى وجهة نظرك ايه هو احسن قس م فى الهندسه وايه مبرراتك؟؟؟؟؟؟؟؟؟؟؟؟؟؟؟؟؟؟

*ميكانيكا باور
*كهربا باور
*انشاء سفن
*بترول القاهره
*اتصالات
*طيران
*مساحه



وسمعت ان طالب الهندسه جاب تقدير عالى زى الامتياز فى اعدادى وهندسة بترول وتعدين السويس محتاجه طلبه ممكن الواحد يحولها بس ايه الظروف التحويل وهو بفلوس ولا لا ؟؟؟؟؟؟؟؟؟؟؟؟؟؟؟

وشكرا ليكم كلكم

مهندس محمد عبدالعظيم
اعدادى فى هندسة طنطا
:giljotiiniug3:

منتظر ردودكم فى اسرع وقت وشكرا لكم

والله وانا نفسى اعرف اجابة اسئلتك دى كلها ضرورى ياريت حد يجيبنا لو سمحتم وجزاكم الله خيرا كثيرا

بص يا معلم

ماقدرش أعمم وأقولك إيه هو أحسن قسم في الهندسة لإنه في الأول والآخر أنا شايف إنهم كلهم علي الورق كده واحد مايفرقوش حاجة عن بعض ولكن الفرق بيبقي عندك إنت وإنت إللي تقدر تخلي الحاجة إللي إنت حاببها أحسن قسم علي الأقل ليك وتتبسط بيها إن شاء الله

بيكون حسب ميولك لسكة معينة كدراسة وإحتراف و رؤيتك إنت لمستقبلك بعد التخرج من القسم بتاعك يعني هتدور علي الفلوس ولا هتنحت في الصخر ومش هتفرق معاك طالما حابب دراستك والأرزاق بيد الله سبحانه وتعالي في الأول والآخر طبعاً

ولكن الحاجة الوحيدة إللي أقدر أقولها هي إن فيه أقسام بتبقي متشعبة أوي ومجالاتها كتير وممتعة لو حبيت دراستها زي الميكانيكا والكهربا
وبتطلع مهندس جايب الزتونة من الآخر يعني ومتسألنيش يعني إيه :d

عموماً أحسن قسم هتلاقيه جواك إنت بس الأول خد فكرة عن كل الأقسام حتي إللي مش شايف نفسك فيها أوي وإحكم بعد إعدادي وده رأيي المتواضع

وربنا يوفقك ويوفقنا في القسم الأحسن لكل واحد ويكرمنا فيه يارب

وآسف لو فيه كلام مش واضح عشان مهيس شوية :blush:

متشكر على الاهتمام Eng. Ahmed Said Hamed
بس قول وجهة نظرك علشان اكون ملم بكل المعلومات عن كليتى وانا فى الاخر هاخد بوجهة نظرى انا حابب اعرف وجهات النظر مره تانيه

أنا قولتها علي فكرة :022yb4:

أنا وجهة نظري إن مفيش حاجة إسمها أحسن قسم بشكل عام، بس أنا ممكن أقولك مثلاً أنا ميال لأنهي قسم أو شايف نفسي ف إيه وبالتالي ده هيكون أحسن قسم ليا وهبقي منحاز ليه أكيد

يعني إنت ممكن تقول ميولك إيه في الدراسة وإيه طبيعة الشغل إللي تحبها وأنا ممكن أقولك وجهة نظري إيه أحسن قسم ليك .. فاهمني ؟

لكن لو حابب التعميم بقي ومش فارقة معاك يبقي المدني أو الميكانيكا أعتقد هما أساس ميول طلبة الهندسة إللي داخلينها لميولهم في شغل التصميم وهيكلة الأشياء و الخيال والرسم والإبداع وف نفس الوقت شغلهم لو وفقك ربنا تمام جداً ما شاء الله

طيب يا هندسه ايه رايك فى الهندسه الالمانيه؟؟؟؟؟

لو مكانك هدوس وش من غير تفكير ..

كفاية إنك لو تفوقت ممكن تسافر ألمانيا وأعتقد من أول سنة كمان وتتدرب هناك وتكتسب خبرة رهيبة من بلد الماكينات من قبل حتي ما تتخرج وده هيتقلك أوي إن شاء الله في حياتك العلمية والعملية