|
توضيح
بسم الله الرحمن الرحيم
طبعا مستغربين اللهجه اللي بتكلم بيها لإنكم متعودين مني زي ما إنتو فاكرين إن أنا شخص مش محترم ومش حلومكم على ده بس عايز أوضح لكم كل اللي بيحصل وبعدين الإداره ليها الحق في إنها ترفضني من المنتدى ولا لا ومش حزعل الموضوع إن أنا طبعاً العضو حـــســام اللي الإداره بتقول إن أنا مش محترم وليها حق قبل أي حاجه إنتم عارفين إن أنا عمري ماغلطت في حد اللي حصل هو إن أنا عندي روتر ومدي وصله لبعض الأفراد وبعد ما تعرفت على موقعكم كان أحيانا بعضهم اللي في ثانويه عامه زي بيجو عندي ويقعدو معايا على الكمبيوتر وطبعا عرفتهم على الموقع وطلبت منهم يسجلو .وأثناء كده وجدت باب قسم جرس الفسحه إتقفل فعملت الموضوع وحصل الإستفتاء وبالضبط في نفس هذا اليوم الويندوز عندي وقع ورحت نت عشان أشارك لقيت عضويتي متشاله النهارده ركبت ويندوز وعرفت الموضوع والكلام القذر اللي أصحابي دخلو وعملوه وعلى فكره هما2 بس مش 6وكان نفسي تراسلوني على الإيميل لما دا حصل ودلوقتي بعد ما عرفت إن أصحابي هما اللي ضيعو عضويتي زعلت بس بعد شويه جم صالحوني وإعتذرو وعايز أقول لكم إنهم حيسجلو معانا قريب ..لو إداره المنتدى رافضه كده أنا ممكن أسيب المنتدى وبجد مش حخش تاني عايز بقى أقول في الآخر نصيحه بلاش تدي عضويتك في أي منتدى لأي حد حتى لو كان صاحبك لإن ده ممكن يعمل مشاكل وطبعا الإداره عارفه إن عضويتي متكتبش منها أي كلام قذر |
ايوة حلو اوي عاوزين التوضيح ....اتفضل .....
|
إتفضل حضرتك إتكلم |
بص يا حسام...احنا معاك للاخر..دلوقتي انتا بتقول انك عرفت ان اصحابك عملوا فيك الفصل دة...ماشي طيب دلوقتي كل المواضيع الي كانوا بيعملوها على حسب كلامك كانت بتتحذف اول باول...... طيب عرفت منين حوار 6 اشخاص والحاجات دي...ومعلش يعني انا هاقولك حاجة لو فعلا اصحابك هما الي عملوا كدة آسف انا ما اعتقدش ان هما ممكن يتاسفوا ابدا... واششمعنا مسكوا احمد رضا ومصطفى بس في الاول ....معلش لو كنت انتا مظلوم بس احتنا معذورين اكتر منك
|
الموضوع كله إتحكى لي وكانو معايا وأحمد رضا بيناقشني في موضوع جرس الفسحه وحكو لي عنك شفت الرسايل الخاصه اللي جايل لهم
|
اقتباس:
وأهلاً بيك إنت وصحابك معانا فى المنتدى إن الله حليم غفور ربنا سبحانه وتعالى بيغفر إحنا مش هنغفر والحساب يوم الحساب وربنا يهدى كل من سوله نفسه له بإشهار الكلمات البزيئه الرزيله على صفحات المنتدى ونرجو من الله المغفره وأنا عنفسى موافق على رجوع عضويتك ليه بس مقدرش غير لما مجلش الإداره يوافق معايا على كده وتقدر تشارك بالعضويه دى على ما يقررو وأهلاً بيك مره تانيه معانا |
اقتباس:
خلاص يا خالد حصل خير وفى إنتظار رد أحمد رضا وإن شاء الله يكون مسامح |
اقتباس:
|
شكرا لمحمد لاسادات أنا أهم حاجه تكون بس مصدق إن أنا معملش كده أنا متهمنيش العضويه زي ما تهمني أنكم تصدقو مش عايز أقعد وأنتم مش مصدقين ممكن أمشي أحسن لو مش مصدقين
|
اقتباس:
حسام اه غلط لما ادى عضويته لاصحابه بس مين فينا مابيغلطش وانا عن نفسى موافقه على رجوعك المنتدى بس بصراحه خايفه من تسجيل اصحابك :( يلا نهايته ... ربنا يهدينا جميعا:D ومنور حسام منتداك مره تانيه |
اقتباس:
|
مش حرد لإني إتكلمت بما فيه الكفايه
|
اقتباس:
|
اقتباس:
مكذبش عليك أنا مش مصدق أو بمعنى أصح مقدرش أصدق بس من الواضح إنك إنسان محترم وإنت الى تقدر تثبت ده أو العكس مع مرور الوقت حضرتك هتثبتلنا العكس بتصرفاتك وردودك وتفاعلك معانا واللى فيه الخير يقدمه ربنا |
لو أنا اللي شتمت طيب حاجي أعتذر تاني ليه ال‘ضاء هنا عارفين إن أنا مش دي طريقة كلامي ومهما كان حيحصل عمري مكنت حشتم ممكن أرفض حاجه بس مش ممكن أشتم وإنشاء الله حتتأكدو لما أصحابي يسجلو معاكم ويقولو لكم
|
| جميع الأوقات بتوقيت GMT +2. الساعة الآن 07:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.