واحدة مخنوقة جدا ومش متفائلة من سنة ثالثة .ياترى انا بس ولا فى حد زيى . ردو عليا بليز
 

السلام عليكم ازيكم عاملين اية يارب تكونو بخير وقضيتو عيد سعيد اولا احب اعرفكم بنفسى طالبة داخلة سنة تالتة ثانوى جبت فى سنة تانية 98.8 واخدت المركز الرابع على مدرستى الحمد لله وهاكمل علمى علوم طبعا كلوكو بتقولو اية المشكلة ؟المشكلة ان انا حاسة ان مجموعى دة وسط المجاميع عبارة عن 80% وكل اللى باشوفهم عمالين يقولو شدو حيلكم السنة الجايية السنةدى الامتحانات جت سهلة والسنة الجاية انتو ها<تتنفخو>:oيعنى مفيش اى حد ادانى اى تفاؤل انى اجيب نفس المجموع واعلى السنة الجايية ان شاء الله انا طبعا واثقة فى ربنا وان انا ذاكرت كتير وربنا اللى بعلم فعلشان كدة ادانى الدرجة دى مش حكاية ان الامتحانات كانت سهلة وانا واثقة بردو ان السنة الجاية لو هتبقى صعبة او سهلة هتبقى كدة عليا وعلى الكل بس مش عارفة لية انا متدايقة انى هبدا دروسى من بكرة وهارجع تانى ابتدى الشوط من اولة وهارجع تانى للمعسكر اللى انا كنت عاملاة وهارجع للضغط النفسى اللى كان بيبهدل الواحد وهارجع تااااااااانى من اول وجديد :angry2: يعنى والله حاجة تزهق اما اعيد كل اللى انا عملتة من الاول وحاسة ان انا ملحقتش الاجازة اللى عدت اسرع من البرق يادب كنا محلصين يوم 28 وماستريحناشو لا عرفنا ناخد نفسنا غير اما النتيجة طلعت يوم 17 وبعدين جة رمصان ومشاغلة وعزايمة ونبص نلاقى نفسنا هانرجع للدروس من تانى بس وياعالم هتيجى النتيجة فى الاخر عاملة ازاى :confused:ياترى حد حاسس بنفس احساسى دة ولا دول شوية اكتئاب:( وهيعدو ولا اية بالله عليكو باوصي كل اللى قرا موضوعى يرد عليا ويدعيلى كتييييييير وهو بيصلى وجزاكم الله كل خير:bosyht9:

فعلا يا ساره انا جبت فى تانية 99% و عندى نفس الاحساس ده ... وعشان كده لسه مبدأتش دروس وهبدأ التلات الجاى وربنا يسهل...

والله انا نفس الاحساس بس حاسة نفسي انا بقيت فاشلة بجد لانى فى تانية بدات مذاكرة من الاول فى تالتة نهائى عكس 2
انا جبت فى تانية 96.3 وكنت احياء

بس هل ياترى عندكو الحالة دى بتزيد ولا بتقل

انا عندى الحاله دى ساعات بتزيد خوف ورعب وساعات بتقل تفاؤل انا جبت 96%

انا مش بحس انا بشم بس

الحكاية مش ناقصه رخامه وهزار يا عم الشمام انتى

انا شمام يا بطيخه:angry2:

ماشى

انا مش بهزر ع فكره

انا لما ابقى جايب 99.3 والاقى على مستوى مصر حوالى 2000 واحد جايبين اعلى منى و حوالى 4000 واحد جايب زيى عايزنى احس ايه بعد كده ف ام البلد دى!!!!!!!!!!!!!!!!

يا راجل داللى جايب ال 205 السنادى 19 واحد يا نهار ازرق لا وكلهم علمى كمان يعنى كده معروفه من دلوقتى مين الاوائل على الجمهوريه السنادى:d

عايز ايه تانى

لو حسيت بحاجه فى البلد دى تبقى sensitive انما لو شميت تبقى sensible:o:o

عايز ايه تانى بقى اكتر من كده؟؟؟؟؟؟؟؟:angry2:

مش هرد على واحد زييك...شمام....مجبتش حاجه من عندى ...انت اللى بتقول انا بشم!!!!!!!!!!!!!!

مانا توقعت منك كده بردو

اممممم

طيب

انا مش قصدى بشم بودره ياعم البطيخ الاقرع انت

قصدى متهياقلى واضح بس بردو هوضحهولك اكتر يمكن تفهم

فى البلد دى من كتر الغلب حاسه الاحساس انعدمت وبالتالى الواحد عشان يحس باللى بيحصل حواليه لازم يستخدم حاسه تانيه بدل اللى باظت

انا بقى بستخدم الشم

كده تمام واللا ابسطهالك اكتر:006et4:

ايه ده؟؟؟؟؟؟؟؟؟؟؟؟؟
دا انا المفروض انتحر باه انا جبت 93%
يبقى انا كده ضعت ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مع الف سلامه

متنسيش تبعتيلى دعوه عشان اخلص الورق بسرعه بسرعه وانتقل للدار الاخره:d

انت مدرسه ايه يا احمد