ملحوظة لطلاب حاسبات القاهرة الجدد
بسم الله الرحمن الرحيم السلام عليكم و رحمة الله و بركاته أنا طالب رايح سنة أولى حاسبات القاهرة إن شاء الله و لما رحت أقدم قابلت ناس من أسرة 180 درجة و قالوا لنا نملا أبليكيشن كده عشان يبقوا يبلغونا عشان يعملوا انترفيو أو مقابلة حاجة زي كده دردشة للتعارف و كمان فيه يوم أو أربعة هيتقابل فيها الطلاب الجدد مع طلاب قدام عشان يعرفوهم على الكلية أو كده فلو ماكنتش قابلت أسرة 180 درجة و حابب الموضوع ده أهيه نمرتهم 0160530746 و ليهم بيج في الفيس بوك http://www.facebook.com/pages/180-Da...11458758940632 و ملحوظة هامة جداً جداً جداً : الموضوع ده مش تبع الجامعة ولا الكلية ولا شئون الطلبة. الموضوع ده عاملاه أسرة 180 درجة يعني مش رسمي يعني لو ماجتش ولا كلمتهم مفيش أي مشكلة خالص، تقديمك في الكلية عادي جداً و مالوش أي علاقة بده، يعني ماتتوترش خالص لو حتى مارحتش و لو فيه أي معلومة ذكرتها غلط يا ريت حد يصحح لي أصلي مش متأكد أوي السلام عليكم و رحمة الله و بركاته |
شكرا على المعلومة
بس انا فى حاسبات الفيوم هل ممكن استفيد باى شكل من الاسرة دى ولا دة لطلبة القاهرة بس؟؟؟ (اعتقد ان مفيش حاجة زى كدة فى الفيوم) |
الصراحة معنديش أي فكرة
و الكلام ده تقريباً مالوش بفيوم و قاهرة أظن الموضوع كله إن الطلبة دول عايزين يعملوا كده مش أكتر يعني ماظنش هتلاقي الكلام ده في كلية هندسة القاهرة مثلاً دي كجرد صدفة طلبة حبوا يعملوا حاجة فعملوها |
معلش انا تقلت عليك بس حضرتك مجوبتش على سوالى بردة
ازاى ممكن اتستفيد منهم وانا مش فى القاهرة ؟؟؟ ولا مش ممكن اصلا؟؟ |
اممم برده معنديش فكرة الصراحة أصلي مش تبع الأسرة
حضرتك أظن ممكن تسألهم على الصفحة بتاعتهم أو تكلمهم و تسألهم لو عاملين أي حاجة مشتركة مع الجامعات التانية و معلش أنا عندي سؤال إيه حكاية eng في أسماء كتيرة؟ اختصار ل engineer ؟ |
اه فعلا eng اختصار ل engineer
|
جميع الأوقات بتوقيت GMT +2. الساعة الآن 12:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.