|
تبرعت للصومال بفضل الله تعالى
http://amueg.com/UserFiles/File/%D8%...9%87%D8%A7.jpg
ذهبت اليوم إلى بنك مصر للتبرع للصومال ولا أعرف أى شئ أو رقم الحساب اللى المفروض اتبرع عليه ومش فاتح حساب فى البنك. سألت واحد فى البنك عايز اتبرع للصومال فشاورلى على شباك ولما رحت طلبت منى الموظفة المبلغ اللى هتبرع بيه وكتبت إيصال ودفعت فى الخزينة فى أقل من دقيقتين مع إن البنك كان مليان ناس وعدد كبير منتظر دوره لكن سبحان الله تيسير كبير وأخذت نسخة مختومة من الإيصال. التبرع كان لحساب لجنة الإغاثة الإنسانية (الصومال) ورقم الحساب 141/240/16564 عايز أقول يا جماعة إن التبرع ده واجب علينا وإجراءاته سهلة جداً عكس ما كنت متوقع (أى فرع لبنك مصر) أو غيره من البنوك، تبرعنا بأى مبلغ حتى لو شايفينه تافه هينقذ روح إنسان (ومن أحياها فكأنما أحيا الناس جميعاً) وهتحس بإحساس داخلى جميل وربنا يتقبل ربنا يفك أزمتهم ويشفى مرضاهم ويذهب عنهم الحزن والبلاء آمين. |
|
جزاك الله خيراً وجعله فى ميزان حسناتك
|
اقتباس:
|
انا اتبرعت ب5 رسائل من على الموبيل هو دة اللى قدرت اعمله علشان معرفتش اروح البنك وبضم صوتى للاستاذ محمد وبدعو الناس كلها تتبرع للصومال لان فعلا واجب علينا كلنا
|
اقتباس:
جزاكى الله كل خير وان شاء الله فى ميزان حسناتك الفكرة ان الناس دى محتاجة أى شئ أى شئ عشان تعيش وربنا يوفق الجميع لفعل الخير |
جزاك الله خيرا وجعله الله فى موازين حسناتك
|
اقتباس:
|
جزاك الله كل خير
بصراحه انا كنت عايزه اعرف اتبرع ازاي فشكرا لحضرتك علي فكرة البنك بس انا مكسوفة لان المبلغ اللي هقدر اتبرع بيه صغير جدا ممكن نتولي اقل حاجه ممكن اتبرع بيها كام علشان بصراحه بتحرج اوي؟ ياريت حضرتك ترد عليا |
اقتباس:
مفيش حاجة اسمها مبلغ صغير او قليل للتبرع ولو انتى شايفاه كدة فهو غير كدة خالص لان الناس هناك محتاجين اللقمة الناشفة اللى احنا بنرميها فى الزبالة، واكيد تبرعنا مش هيكون اقل من شق التمرة اللى اوصانا بها الحبيب صلى الله عليه وسلم، والبنك مش محدد مبلغ معين نبدأ بيه التبرع لأ ممكن تتبرعى من أول 5 جنيه الى ما شاء الله ومفيش كسوف خالص وربنا يتقبل منك ان شاء الله. |
| جميع الأوقات بتوقيت GMT +2. الساعة الآن 07:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.