لاشك ان المعلم هو مشعل الهداية فى المجتمع ولاشك ان دوره العظيم المنوط به مرهون على قيامه بهذا الدور فعليا وكما نحن نطالب بحقنا اليوم ونقف حائط صد امام تجاهلنا الدائم والمستمر من الحكومات المتعاقبة حتى بعد الثورة العظيمة الا اننا يجب ان نقول اننا لابد ان ننظر ما علينا ايضا تجاه مجتمعنا وابنائنا الطلاب وفى هذا الموضوع مفتح انتقاد المجتمع لبعض تصرفاتنا والرد عليها بموضوعية وشفافية صادقة مع النفس فلسنا ملائكة فوق النقد فانا اطلب من جميع الزملاء ان يدلوا بدلوهم فى هذا الامر فى صراجة ومصداقية وشفافية


النقد الاول

الاسم : الثواب على قدر المشقة انا خبير بوزارة العدل وفعلا قد يصل المرتب الى خمسة عشر الف جنيه شهريا لكن ده بعد تعب ومشقة خلال الشهر مش مجرد ساعتين ونزوغ من المدرسة يا افاضل يا معلمين انا باصرف ربع مرتبى عيكم فى الدروس الخصوصية ومستعد اتنازل عن خمسة الاف جنيه شهريا من مرتبى لو اشتغلتوا بضمير فى الفصل ورحمتونا من الدروس خصوصية.

المشاركة الأصلية كتبت بواسطة عامر محمد عامر (المشاركة 3933896) يا سياده الخبير لولا المعلم لما استطعت ان تكتب هذه الرساله لتنقده ثم ان مواعيد العمل من الثامنه الاربع حتى الساعه الثانيه ونصف فكيف تكون ساعتين وخلاص معاك ان فيه معلمين معندهمش ضمير ودول قله زى ما فيه فى المصلحه عندك ولا ايه لو انت بتقضى ساعتين وخلاص وتأخد عليهم 15 الف يبقى المدرس مظلموم لأنه مرتبه بعد 20 سنه لم يصل الف جنيه وبعدين 90% من المدرسين لا يعطى دروس خصوصيه وبعدين فيه مدرسين ارياف ميعرفوش الا مرتبهم بس وان كان بيدى مجموعه فى المدرسه لا تغنى ولا تثمن من جوع وبعدين يا سياده الخبير قولى ايه التعب فى شغلك كفايه انك بتتعامل مع ناس كبيره فاهمه فى مكتبك المكيف مش تلاميذ عمال تهاتى ونبح فى صوتك طول النهار أنت معلم انت تبنى مستقبل مصر نحن من علمنا القاضى معنى كلمه عدل نحن من علمنا الطبيب معنى كلمه رحمه يكفينا شرفا أن رسوا الله قال بعثت معلما

رسالة إلي المعلم بواسطة: محمد الشرقاوي بتاريخ: الثلاثاء، 6 سبتمبر 2011 - 13:23 ياريت طالما بتدوروا علي حقكوا تاخدوا حقوا بالكامل بس بالاحترام والذوق وياريت قصاد كدة تبطلوا تدوا للطلاب دروس خصوصية سواء بالرضا او بإجبار الطالب عشان أوليا الامور يعرفوا يعيشوا ماهو ولي الامر ميدفعش للدرس الواحد بالميت قوي 100 ج ودا في الشرقية طبعا برة الشرقية أغلي وأضرب ال 100 في 6 دروس مثلا شهريا دا بالميت برضوا يبقي 600 ج يعني لو الاب عندوا عيليين في دراسة محتاج 1200 ج هيفضل ليهم اية ياكلوا وانا باعتبر صراحة المال دة مال حرام وانت مستمتع بية ياريت ...... ياريت بالله عليكوا .... تتقوا الله في القرش اللي بيدخل جيوبكم وبطونكم وبطون عيالكم ... أتقوا الله وبطلوا أفتري