بوابة الثانوية العامة المصرية

يا شمس كل زمان .. يا فجر بيشقشق
يا نهر نبعه حنان .. وحدة ما تتفرق
يا حارسة للأديان .. يا حلم و اتحقق
لو كنت مالشجعان .. لجلك أكون أجرئ

أجمل ما فيكى الدفا .. و المجد مخلوقلك
نيلك سلاسل صفا .. فى الحضن مرسوملك
الجهل بيكى اختفى .. و العلم محقوقلك
مالينى ليكى الوفا .. و لسة مديونلك

عدى عليكى عصور .. واقفة بتتحدى
جبال بتبقى صخور .. وانتى ما تتهدى
بتقيدى شمعة نور .. و انتى بتتوضى
بدعى أكون منصور .. مجدك ده من مجدى

المستحيل كسرّته .. فوق العشر مرات
و الصعب فسرّته .. يا لغز فى الحضارات
و عاديكى خسرّته .. أكبر ما فيه ذرات
و المجد مصرّته .. يا أم السبع قارات