كم واحد هيشارك وكم واحد مش هيشارك
 

حتى نذهب يوم 9-10 ونحن نعلم اننا كثرة وكلنا ايد واحدة

واللى يكتب انه هيشارك وميشاركش كلنا ندعى انه يجزيه ربنا فى ولاده وفى ماله

قول الحق يمكن نعرف نلحق نفسنا ونزيد الهمة اكتر انت فى زمن الحرية ولو مش هتشارك قول

وهذا الاستطلاع سرى يعنى محدش هيعرف تصويتك بس هنعرف الحقيقة ونلحق نشوف حل لان ده يوم مصيرى

ربنا معانا والمهمة سهلة لو اتحدنا ان شاء الله

وخلى بالكوا لازم مشاركتنا تبقى فعالة


الى الان النسبة جميلة

اولا مصداقية الناس اللى قالت انها معانا ومش هتشارك وان شاء الله يغيروا رأيهم لغاية يوم السبت
ولعل المانع خير

ثانيا نسبة اللى خدوا قرار المشاركة الذى يتفوق عن الذين لن يشاركوا

فلو اخذنا تلك النسب كعينة من المعلمين فهذه نسبة اكثر من رائعة

استمروا فى التصويت وبالامانة

انا مش هشارك
لان مصر مش هينصلح حالها ولا بمليون ثورة
والايام بيننا

طب حاول ويكفيك شرف المحاولة
" من رأى منكم منكرا ........ "

انت نسيت كلام مصطفى كامل

لا يأس مع الحياة ولا حياة مع اليأس

لو كان مصطفى كامل قال زيك ويأس كنا عشنا ازاى

ومتقليش ان فى انسان بيعيش وهو يأس

اليأس لازم نحوله لطاقة نرفع بيه سبب اليأس ده دورنا فى الدنيا

ولا تنسى قول رسولنا الكريم صلى الله عليه وسلم " اهل مصر فى رباط الى يوم القيامة"

يعنى ده قدرنا احنا عمرنا مهنخلى مصر جنة لان الجنة يوم القيامة

فمتقولش هينصلح حالها لان الدنيا لازم يبقى فيها تعب

قال تعالى " ولقد خلقنا الانسان فى كبد"

لكن شوف حالنا زمان ووصلنا لايه تعرف اننا بينصلح حالنا لكن مش هتبقى جنة

لو اجدادنا ايام الاحتلال الانجليزى مطلعوش ثورة 19 مش كان هيبقى فى فرق للاسوء

بس بطلوعهم وافتخارنا كلنا بذلك وهم كمان ساعد على خروج الانجليز وتقليل شوكتهم حتى رحلوا

ياريت الاقى مشاركة ليك تقول انك هتيجى لان دى هتبسطنا كلنا

لا تقلقو وااكد لكم انها ستكون اكبر وقفه فى تاريخ مصر للمعلمين
وسيكون نتيجتها هائله
وغير متوقعة

ان شاء الله

النسبة نزلت بعد ما كانت 75%

اصبحت 70%

وذلك بسبب كثرة من هم متضامنين ولكن لا يستطيعون المشاركة

ارجوا ان يذكر لنا احدهم العوائق من عدم المشاركة قد نجد لها حلا

مجلس الدولة يقر بتردى الاوضاع المالية للعاملين بالتعليم
مجلس الدولة يطالب "التعليم" بتنظيم امتحانات الثانوية بشكل محكم

الأربعاء، 7 سبتمبر 2011 - 15:36
http://www.youm7.com/images/NewsPics...2011182101.jpg د. أحمد جمال موسى وزير التعليم
كتب محمد أسعد
http://www.youm7.com/images/graphics/igoogle.gif
ناشدت المحكمة التأديبية لمستوى الإدارة العليا، برئاسة المستشار توفيق الشحات، نائب رئيس مجلس الدولة، وزارة التربية والتعليم بوضع نظام محكم ودقيق والاستعانة بكافة الخبرات فى جميع المجالات لوضع وتنظيم عملية امتحانات الثانوية العامة، وأن الحاجة أصبحت ماسة وعاجلة وملحة لإعادة دارسة وتقييم نظام الالتحاق بالجامعات المصرية وفق مجموع الدرجات فقط دون النظر لأى مواهب أو قدرات يتحلى بها الطالب وأيا كانت رغباته لإيجاد نظام بديل يسمح باكتشاف المواهب ويراعى قدرات الطلاب ورغباتهم.

جاء ذلك خلال الحكم الذى أصدرته المحكمة اليوم، فى قضية تسريب امتحانات الثانوية العامة التى وقعت أحداثها عام 2008 بمحافظة المنيا بفصل 4 من العاملين بوزارة التربية والتعليم ووقف آخر عن العمل لمدة 6 أشهر واللوم لاثنين آخرين ومجازاة 73 بالخصم من الأجر وتغريم 28 آخرين وبراءة 135 من المحالين.

وذكرت المحكمة فى حيثيات حكمها أنه استبان لها عشوائية تنظيم امتحانات الثانوية العامة عام 2008 فى جميع مراحلها، على الرغم من أهمية امتحانات الثانوية العامة لما تمثله من علامة فارقة فى كل بيت مصرى يتطلع إلى مستقبل أبنائه، كما أن تردى الأوضاع المالية للعاملين بوزارة التربية والتعليم كان عاملا فاعلا ضمن عوامل عدم انتظام وإحكام الرقابة على العملية التنظيمية للامتحانات.

وأشارت المحكمة إلى أن عملية تسريب الامتحانات بمعرفة رئيس لجنة سير الامتحانات بمدرسة أبناء الثورة ببنى مزار وبمشاركة مجموعة من ضعاف النفوس كان وفق مخطط إجرامى شارك فيه أحد أعضاء مجلس الشعب من أجل ابنته التى تؤدى الامتحان.

للامانه انا صوت بالمشاركه ولكن مش متاكد ظروفى هتسمح ولاايه بس فى جميع الاحوال معاكم

بس كن حريص على المشاركة فده اهم معركة فى حياتنا يعنى لو الظروف قهرية فقط احنا هنقوم بالمهمة بس لو تقدر ومجتش يبقى حرام عليك ده مصيرنا واهم منعطف فى مسيرتنا


للاسف النسبة نزلت بقت 68%

هى نسبة كويسة لو تحققت مثل تلك العينة بس بالنسبة لعدد المشاركات فهى نسبة مخيفة

يا جماعة ياريت تقدروا اكتر المرحلة دى واليوم ده بالذات لان الوزير بيتحدانا وممكن يحط علينا بعد كده

أنا نازل و جاى من كفر الشيخ مجموعتنا معاها أتوبيسين 30 راكب الواحد و مدرسى الاخوان 2 أتوبيس 50 راكب لدينا معلومات عن 4 أتوبيسات من دسوق 3 من مطوبس 4 من بيلا 3 من قلين و التجمع للكل فى كفر الشيخ أمام مديرية التربية و التعليم الساعة 7 صباحا للانطلاق للقاهرة كوحدة واحدة و ربنا يسهل بس الى أنا متأكد منة أن مجموعتى مطلعة 2 أتوبيس كما قلت و الله الموفق و لو حصل مشاكل هنيجى برضة

انا معلمة وهشارك فى التظاهرة وفى معلمات كتير زمايلى هيشاركوا

وعيب اوى اللى مش هيشارك من الرجالة وعايزينا نجبلهم حقوقهم وهم قاعدين فى البيوت


وفى تصويت انا عملته فى نفس القسم لمعرفة كم معلمة هتشارك بالنسبة للمعلمين وعايزة كل المعلمات تدخل تشارك علشان نكون دايما جنبا الى جنب مع المعلمين الرجالة لان احنا كمان لينا حقوق لينا ولاولدنا زعيب اوى الرجالة اللى مش هتشارك

اختكم
منال محمد

القاهرة