مرتب المعلم المساعد 870 جنيها
 

معذرة علي هذا العنوان حيث انه مختلف مع محتوي الموضوع ولكن هذا ما قاله المسئول في لقائه مع المذيعة ريم ماجد هل الكذب وصل لهذا الحد وهل المعلم أصبح لعبة بأيديهم لهذه الدرجة أنا ألاحظ أن الوزارة تتفنن في استفزاز المعلمين بتصريحات المسئولين المكذوبة ودور كل معلم من الآن هو محاولة إظهار الصورة الحقيقية لما يحدث للمعلم في الاعلام بكل صوره مثلما حدث اليوم من عضوي النقابة المستقلة لأن الجميع يأخذ عنا صورة مغلوطة ويجب إظهار الحقيقة
ما ألاحظه الآن ان الثورة لم تصل للتعليم ولن تصل إلا بجهود المعلمين أنفسهم ما حك ظهرك مثل ظفرك

:romarioxp6:وفروا جهدكم ليوم 10 الله يبارك فيكم

خليهم يقولوا اللي عايزينه هما كده بيشحنوا الناس زيادة عايزك تطلع كل الغيظ ده يوم الوقفة 10-9

والله قعادهم فى الوزارة ده حرام

ولازم تكون مطالبنا يوم 10-9 هو تنظيف الوزارة من الفاسدين

وكمان مش مصدق ان المدرس مش بيقف امن !!!!! وبيقوله هات لى اسم المدرسة اللى بتقعد المدرس امن على البوابة !!!! واضح انهم مش معانا خالص

يجب على كل معلم ان يعرف ان ما نطالب به هو حق مشروع

وواجب علينا ان نطالب به بكل الطرق المشروعه

وبأذن الله نحصل على حقوقنا ما دمنا مؤمنين به

كل شئ في ايدينا واحنا نقدر نعمل حجات كتير إذا كان البريد اعتصامهم جاب نتيجة وزودوهم مع العلم ان اعدادهم لا تقارن بالنسبة لعدد المعلمين

انا عاوز اعرف كل اللى بيدير الوزارة دكترة جامعه ليه وعمرهم مادخلوا فصل ولا اتعامل مع طالب
كل سياستهم فاشله وبيدوا اوامر وهما مش عارفين هتتنفذ ازاى
والدكتور التانى بيقول انا استاذ مناهج ودى منطقتى والمعلم عليه 4/5 الموضوع
ياعم هى دى مناهج ياخدها طفل فى عزبة فى قرية ولا انت مش فاهم اساسا طبيعه الطلاب اللى فى مصر ورايحلى بره تعمل دراسات وتطبقها علينا وعاطى للمدرس شغل اداريات عاوز وقت ضعف حصصه 3 مرات وتقولى المدرس عليه 4/5 الموضوع
سيادة الدكتور مش عارف ان من اسس تطبيق منهج تجربته على عينات عشوائية من الطلاب من مختلف البيئات المصرية قبل مايعممه
مش الطلاب بالمعلمين مايعرفوش المنهج الا بعد الدراسة بشهر

الى متى الضحك على عقول الناس البعيد عن المعلمين بيصدق الكلام دة
لكن ابشرو جريدة المعلمين قادمة اول عدد يوم السبت

مبرووووك الجريدة

لماذا المعلمون سيقفون أمام مجلس الوزراء 10/9/2011

http://www.youtube.com/watch?v=koPNk...eature=related