مرتب المعلم المساعد 870 جنيها
 

معذرة علي هذا العنوان حيث انه مختلف مع محتوي الموضوع ولكن هذا ما قاله المسئول في لقائه مع المذيعة ريم ماجد هل الكذب وصل لهذا الحد وهل المعلم أصبح لعبة بأيديهم لهذه الدرجة أنا ألاحظ أن الوزارة تتفنن في استفزاز المعلمين بتصريحات المسئولين المكذوبة ودور كل معلم من الآن هو محاولة إظهار الصورة الحقيقية لما يحدث للمعلم في الاعلام بكل صوره مثلما حدث اليوم من عضوي النقابة المستقلة لأن الجميع يأخذ عنا صورة مغلوطة ويجب إظهار الحقيقة
ما ألاحظه الآن ان الثورة لم تصل للتعليم ولن تصل إلا بجهود المعلمين أنفسهم ما حك ظهرك مثل ظفرك

حسبنا الله ونعم الوكيل
اصلا هذه قناة نجيب سويرس للفتنة وكذلك المذيعة اللي شكلها ميطمنش

بعد الارباح
 

بعد المعلم المساع يقبض يحت 350 في البنك يستنه عليهم 40 سنة هتبق 870 علي فكرة ريم ماجد من اكثر القنوات و المذيعات اللي بدافع عن المعلم

العيب مش على المذيعه ولا مساعدى الوزير العيب على المدرسين كان لازم الرد يكون اقوى ويكون معاهم معلومات كفايه

حضرتك فاهم غلط همه يمكن يكونو قصدهم 870 قبل الخصم بعد الخصم 450 ههههههههههههههههه يا جماعه لازم نحرق المدارس علشن الناس تحس بينا هههههههههههههههه بس البلد مش نقصانا اصلي انتو متعرفوش اني احنا المعلمين عاله علي المجتمع وعبء كبير والله العظيم واحد معلم قالي الكلام ده انا مش عايز احبطكم بس في فئه مرتاحه ماديا ومعاهم مشاريع وفي ناس بتدي دروس خصوصيه ومرتاحه ماديا لاسف مش هينضمو ليكم وانا اهو بعلنها علي الرعم من كده انا هشارك في المظاهرات ومش هسيب حقي لاني لاسف وله معايه مشروع ولا انا غني وله انا بدي دروس حتي لو فشلنا اهو اسمنا حاولنا جايز اوي ننجح

الصبر جميل وربنا يوفق

واللى يغيظ بقى انه سيادته معلقش على الاستاذ الفاضل اللى اتصل وقال انا معلم مساعد واخر مرتب قبضته 385 جنيه والله ماكان عارف يرد يقول ايه لانه متاكد من الكلام دة فعلا وحسبى الله ونعم الوكيل
ولا المذيعة وهى بترد على نفس المعلم بردة وبتقوله بتشوف ال 1600 بتوع المكافأة مرة واحدة فى السنة مفهمنهم انا احنا بنلعب بالالاف كل شهر جالها ازبهلااااااااااااال من كتر الاستهبااااااااااااال وكذب المسئولين

عمرك اطول من عمرى يا أ/عمرو انا انا داخل المنتدى وفى نيتى اكتب نفس العنوان لان ما قاله طارق الحصرى فى هذه النقطة مستفز وجايب معاه جدول فيه المرتبات نفس لغة العهد البائد

شفت اللقاء واستفزنى جدا كان لازم رد المعلمين يكون اقوى من كدة وخصوصا فى جزئية ان حرام نكسر بخاطر ابنائنا الطلبة فى اول يوم دراسى وكأننا بنستخدمهم دروع بشرية وكمان لما استغرب ان المدرس بيقف امن وكأنة جاى من كوكب اخر بصراحة لولا انى معلمة وعايشة المأساة وعارفة اللى فيها كنت صدقت ان المعلمين ,,,,,, لازم ياجماعة الناس تعرف وتشوف الصورة الحقيقية لحال المعلم

اكيد ياجماعه المرتب ده قصده عليه بعد مايمر على المعلم 30 سنه فالخدمه



الصبر يارب لازم يعرفوا ان الصدق اقصر طرق الاقناع

انا فعلا معلم مساعد وبقيض 3000 جنيه ايوة ثلاثة الاف جنيه عند بدااية التعيين !!مش مصدقين !!طب هاتو مصحف وانا احلفلكم عليه !!امضاء : مرتشي وفاسد وكاذب

يأستاذ محمد العمر كله لك وبعدين واحد المهم اننا في النهاية نقدر ناخد حقنا باتحادنا