مسئلة حياه او موت
 

ارجوكم حد يساعدنى انا دخلت تربيه رياضيات بس انا مش عارف هى ولا انجليزى اسهل فى الدراسه واسهل كمان فى ايجاد الشغل

معلش من الاسم مش عارفة احدد ولد ولا بنت بس عموما هو انا طفى ثانوى فامقدرش ااتكلم فى موضوع الدراسة بس لو بنت نصيحة احنا بنخاف اما نعرف ان مدرسة الرياضة بنت بنفضل جدا انو يكون ولد و خصوصا لو للأعدادى او الثانوى فا لو بنت احسن الانجليش اما لو ولد فالرياضة او الانجليش الاتنين كويسين و فى حصة الدرس بيأخد المستر كتير فا الاتنين ليهم مستقبل . (ده رأيى عموما لأنى عارفة الطلبة بيفكروا ازاى) ...;)

الافضل انجليزى طبعا كان مطلوب من يومين خريجى تربية واداب انجليزى للعمل بالكويت بمرتب 400 دينار كويتى فى الشهر بزيادة 50 دينار كل سنة

انا متشكر جدا على الرد

رياضيات رقم واحد
 

نصيحة اذا تبحث عن عمل وتميز تميز بمعني الكلمة يبقى رياضيات اما تبحث عن عمل فقط يبقى انجليزي لاني اعرف ان كل الاخصائئين واللي ملهمش شغل درسول انجليزي وبقوا مدرسين وللاسف من غير نطق صحيح وبصراحة انا احترم مدرس اللغة المتمكن بس مش اي حد يبقى مدرس رياضيات واثناء الدراسة مفيش نجاح بدون تعب والموضوع الاصلي استعدادك ايه؟ وربنا يوفقك للي فيه الخير

كل قسم فيه السهل و الصعب المهم انك تكون متميز في تخصصك
و فرص الياضيات والانجليزي في الشغل كويسة
سواء مدارس او دروس او سفر