جروب مــــــــــــادة التاريخ
 

السلام عليكم

انا طبعا عملت التوبيك ده عشان نجتمع بطلاب الثانوية العامة
لكل من بياخد تاريخ و كلنا مع بعض واى حد عاوز اجابة لسؤال صعب فى التاريخ
يقولنا عليه واحنا هنساعده

مع بعض هنقدر نساعد بعض جدا

هو حضرتك تانيه ولا تالته

سوري خلاص انا عرفت معلش ماخدتش بالي من الصفه اللي تحت الاسم انا ان شاء الله هبه بس طالعه تانيه ان شاء الله واخده علم نفس وهاخد ان شاء الله التاريخ السنه الجايه بس كله بيخوفني بصراحه ويقولي صعب اوي اني احط التاريخ في تانيه بس انا خلاص اخترت وبدات دروس علم نفس فياريت معلش تطمني تقولي انا كده صح ولا وياريت لو تقولي انت جبت كام في تانيه

انتى كده تمام اوى لان التاريخ مادة كبيرة ده غير الرياضة والفرنساوى
كويس جدا جدا وتاخديه السنة الجية مع جيولوجيا وفلسفة وانتى مطمنة

انتى كده كويس اوى اوى
انا جبت فى تانية 165 يعنى 80.5
كنت علمى وحولت ادبى فى تالتة

انا دلوقتي في تالتة ... كنت ادبي و خدت التاريخ في تانية ... و التاريخ هو اتقل مادة في الثانوية العامة كلها بالنسبة لأدبي فانا انصحك تاخديه في تانية ... لسببين أول حاجة عشان ترتاحي في تالتة كدة مش هيبقي عندك غير مادتين أدبيتين سهلين ان شاء الله اللي هو علم النفس ..و المادة التانية اللي هي سواء اقتصاد و احصاء او فلسفة علي حسب اللي هتختارية في 3 ان شاء الله ..و الجيولوجيا المادة العلمية اللي هي اتقل مادة في 3 .... ف هيبقي رخم اوي جيولوجيا مع تاريخ ... لكن لو الجيولوجيا لوحدها مع المادتين الأدبيتين السهلين هيبقي احسن و اسهل ....و السبب الثاني ان الواحد بيبقي متحمس أكثر في المذاكرة في ثانية ف تخشي بتقلك علي المذاكرة ان شاء الله كدة و تنجزي في التاريخ و تذاكريه كويس ... في 3 الواحد مش بيبقي متحمس أوي ف هيبقي صعب أكتر عليكي لو فيه تاريخ ....و مع الجيولوجيا كمان

و علي اي حال سواء أخدتية في 2 او في 3ربنا يوفقك يا رب و يوفق كل اللي واخدين تاريخ السنة دي ان شاء الله :)) مادة محتاجة مذاكرة لو اتذاكرت أول بأول هتبقي سهلة ان شاء الله :))

تمام اوى قدرنا نجمع كتير اى سؤال تقابلكم ومش عارفينها احنا هنساعدكم فى حلها

شيماء انتي واخده التاريخ تالته صح

وانا معاكم

انا واخد تاريخ 2 ثانوى :)

اشطة كده حلو اوى
اى حد عنده سؤال يتفضل بيها هنا

اولا هو المفروض ان الجيولوجيا اجباري في تانيه او في مدرستنا احنا بس بس عموما انا المفروض اختار علم نفس او فلسفه او تارخ في تانيه فا انا اخترت علم نفس تانيه وفي تالته هاخد تاريخ وجيولوجيا واقتصاد واحصاء وعلي ما اظن ان انتي كمان واخده التاريخ في تالته مع الجيولوجيا صح ولا انا غلطانه وياريت تقولي لي انتي جايبه كام في تانيه