ايهما افضل مدرس تجارى ولا مدرس كمبيوتر ؟
 

لو تركت الحاسب الالى ابتدائى و انتقلت للثانوى التجارى ستكون اكبر غلطه غلطتها فى حياتك و ستندم اشد الندم على تلك الفعله الشنعاء التى فعلتها فى نفسك
انا يا سيدى الفاضل حاصل على بكالوريوس تجاره و بدأت التدريس فى مدرسه ثانوى تجارى مشتركه بنظام الحصه لمده عام قبل ان اتعاقد كمدرس حاسب الى ابتدائى و سأحكى لك عن هذه التجربه
فالمدارس الفنيه فى مصر سواء تعليم صناعى او تجارى ما هى الا إصلاحيات مصغره و جميع بلطجيه مصر خريجى هذه المدارس التى ادعو الله من قلبى ان يتم الغائها نهائيا من مصر
فستشاهد الطلبه يجرون وراء بعضهم بالمطاوى فى الحوش و ستشاهد الصواريخ تلقى من الادوار العليا فى المدرسه على اى حد واقف فى الحوش حتى لو مدير المدرسه و ستشاهد طلبه يقفزون من الادوار العليا بمنتهى البساطه و يهبط على الارض و هو يضحك و ستشاهط طلبه بيهددو المدرسين الغلابه برقبه ازازه
و ستستمع على فترات متقاربه الى صراخ صادر من احدى المدرسات فى احد الفصول بسبب افعال الطلاب الوقحه و ستشاهد طلبه يتعاطون البانجو و كل انواع الكيف عادى!! و سيجاور المدرسه غالبا يوكس الشرطه و لا اعرف الوضع الان بعد الثوره و ستشاهد اصناف من الطلبه لا تفقه اى شىء عن اى شىء و لا تعرف الكتابه او القرأه و عمرهم 17 و18 سنه و ستكون عرضه لعمل محضر شرطه لك كل اسبوع تقريبا من احد الطلبه كده تلاقيح جتت
و ستشاهد مجموعه محطمه نفسيا و ذليله و منكسره و هم المدرسون بهذه المدارس
ما ذكرته سابقا خاص بالطلبه البنين و لم اذكر شىء عن البنات لأسباب فنيه و هو جزء مما ستراه و ليس كل ما ستراه
فيا سيدى انت تريد ان تعمل ماجيستير برؤيه عمليه على ارض الواقع فلن تعمله و ستنسى كل ما تعلمته فى حياتك و سينتهى بك المطاف مصابا باحد الامراض النفسيه و ستنام و تحلم بملائكه الابتدائى الذبن تركتهم و ذهبت للجحيم بقدميك

انا راي ان كنت عايز تكمل الماجستير بتاعك خليك في الابتدائي احسن لان انت لو رحت ثانوي تجاري لا هتعمل لا ماجستير ولا غيرة من الضغوط التي سوف تعاني منها

بصراحه انا مش عارف اشكر حضرتك ازاى
انا ممنون بصراحه لرد حضرتك
انا اصلا بخاف ادرس لولاد تجارى لو بنات معتقدش يعنى انهم يكونوا بالاخلاق ديه
ال الف شكر لرد حضرتك
بالتوفيق لحضرتك ياااااااارب

احترم راي حضرتك جدا يامستر محمد
مفيش احسن من صلاة الاستخاره
بالتوفيق لحضرتك جدا والف شكر لردك

وصف رائع وواقعي وحقيقي
وبارك الله فيك يا مزاجانجي

الف شكر لحضرتك يامستر خالد

صلى صلاة استخاره فانت عندما تصلى صلاة استخاره فان الله يوفقك لما فيه الخير لك