|
شاعر الأحتجاجات ... يهز وزارة التربية والتعليم
لو سمحتم أخواني المعلمين المشاركين في احتجاجات 10/9
برجاء مجموعة من الشعارات القوية لرفعها غدا السبت السرررررررررررررررررررررررعة لو سمحتم ومن يرسل أكتر سيصبح بالنسبة لي شاعر الأحتجاجات |
يا عصام قول لجمال الدين .. احنا مش أصحاب ملايين
كفاية أرقام وبيانات .. مرتبنا بالجنيهات .. مش زيكوا معانا ألوفات |
اقتراح جامد
ممكن عدد كبير مننا بكرة يقول مرتبه فى الميكروفون يعنى مثلاً أنا أقول ( أنا معلم مرتبى 472 جنيه ) وواحد تانى يقول مثلاً ( أنا معلم أول مرتبى كذا ) وكده يعنى إيه رأيكم .
|
يا إما ناخد حقنا يا مش هنمشى من هنا كلمة بنقولها كلنا
وعليها مصممين ثورة يناير علمتنا ننزل ومش نقعد فى بيتنا ومش هنقول كلمة يا ريتنا ما كده كده تعبانين جايين نطالب بحقوقنا من تصريحاتكم ياما دوقنا وزرا ومستشارين لو بس أعرف مين بيضحك على مين وزير يقول : البيه المعلم أعلى فئة فى الحوافز والمستشار واقف فى ضهره يقوله برافو حافظ طب اسأل المعلمين .. الشرفاء المحترمين أقولك : شوف مفردات مرتبى جايبها عربى وأجنبى يا وزير دى حقوقنا والحقوق ده بسيطة ومش كتير أجر عادل يناسبنى أعرف آكل أنا وابنى وبس أدفع الإيجار ده كتير ؟ تبقى ليا كرامة زيك يا وزير ده كتير ؟ درجتى آخدها بالأصول والحوافز والمكافأة بالأصول زى الكهربا والبترول ده كتير ؟ وافق وسيبك من العناد العند منفعش اللى فات واحنا مفيش تانى سكات واحنا مفيش تانى سكات |
| جميع الأوقات بتوقيت GMT +2. الساعة الآن 12:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.