|
لو مقرتش الموضوع ده النهارده .. بكره هيكون متأخر اوي !!
السلام عليكم ورحمة الله وبركاتة بكره ممكن يكون متاخر أوي ناوي تعمل خير ؟.. مستني بكره لما تصحي من النوم ؟ .. ومحضر كل حاجة ؟ .. روح اعملها دلوقتي لان ممكن يكون بكره متأخر اوي ------ زعلان من صاحبك .. اتخانقتوا مش كدا ؟ .. بتأنب نفسك عشان زعلته .. انا عارف انه ممكن يكون هوا غلطان .. وعارف كمان ان كبريائك ميسمحلكش .. مستني اللي يصالحكم علي بعض .. صدقني بكره ممكن يكون متأخر اوي ---- مبتزورش قرايبك .. انا عارف ياسيدي المشاغل .. عارف انا ظروف الحياة .. ناوي تروحلهم الاسبوع الجاي .. صدقني كلمهم دلوقتي .. ممكن بكره يكون متأخر اوي ---- مبتصليش .. ناوي تصلي .. من اول بكره مش كدا ؟ صدقني قوم صلي دلوقتي .. بكره ممكن يكون متأخر أوي أوي ---- لو انت شايل في نفسك حب لأبوك وامك .. بس مش بتظهره .. يعني شكلك مبتحبش الدراما .. بعدين هتبقي تقولهم انك بتحبهم ؟.. قوم قولهم دلوقتي .. بوس ايد ابوك ودماغه .. حسسه بالسعاده .. بوس ايد امك اللي عايشه طول عمرها عشان انت تبقي كويس .. افرض هما ربنا اختارهم النهارده - لا قدر الله - .. بكره هيكون متأخر أوي -- بتقدر صاحبك .. واثق فيه جدا .. بتحبه حب بجد .. روح قوله كدا حالا .. حتي لو سبتله رساله .. متستناش بكره .. لان ممكن يكون بكره متأخر اوي ---- مش عايز ترد علي الموضوع .. مستني لما تنفذ اي حاجة منه بكره .. والله ممكن يكون بكره متأخر اوي .. عايز تعمل حاجة وعزمت النيه انك تعملها قوم اعملها ده مش بكره اللي ممكن يكون متأخر أوي ده كمان لحظة ممكن يكون متأخر أوي أوي كنت ناوي اعمل الموضوع ده عشان اي حد يستفاد .. كنت ناوي اعمله بكره .. لكن لما فكرت ولقيت ان بكره ممكن يكون متأخر اوي اوي .. عملته دلوقتي |
جزاك الله خيرا أخ أحمد وان شاء الله أى حد مأجل عمل خير لبكره
يعمل بنصحيتك ويعمله الان |
عندما يمتزج الفن مع الإبداع يخرج صميم العقل والقلب معاً ليتجسد لنا فى صوره أحرف وكلمات مكونه موضوع من لا يقرأه خاسر خاسر خاسر بكل المقايس ومن يقرأه ولا يعمل به فهو الخاسر الأكبر فى الدنيا كان أو فى الأخره اقتباس:
بكره وكمان شويه أكبر مشكله بتواجهنا يا جماعه مين يعيش لبكره مين يعيش لكمان شويه الشيطان عشان يريحك بيقولك بكره وكمان شويه من الأخر بيسجدك عشان تنسى وتسكت بيرضى ضميرك اللى بيتلكك لسماع كلمه بكره أو كمان شويه دا الحكمه بتقول " لا تؤجل عمل اليوم إلى الغد " بجد يا أحمد جزاك الله كل خير على الموضوع الرائع ده وجعله الله لك فى ميزان حسناتك |
بجد مش عارفة اقول اية
حقيقى كلامك رائع بجد ومؤثر ولو كل واحد عرف قيمتة افتكرة الغد بتاعة هيكون افضل وان شاء الله مش هاجل عمل اليوم لغد جزاك الله خيرا احمد |
تسلم ايديك والله يا احمد عندك حق انا هتصل بصحبتى دلوقتى واصلحها
|
شكرا علي الموضوع الرائع
وبارك الله فيك |
ان شاء الله اولاً باول
مبدع يااحمد |
ما شاء الله حقيقى كلمة رائع قليله جدا على موضوعك
جزاك الله خيرا احمد وجعله فى ميزان حسناتك مبدع والله |
تسلم ايدك
جزاك الله خيرا وجعله في ميزان حسناتك ربنا يوفقك |
جزاك الله كل كل خير اخ احمد
تعرف كنت ناوي ارد علي موضوعك ده بكره بس مقدرتش لاني بجد كلامك عجبني جدا فقولت ارد عليك دلوقتي لانه بكره بعيد أوي تسلم ايدك يا احمد |
كلامك صح مية في المية ا محمد وجزاك الله خير
وكمصداقية لكلامك في غزوة احد تقريبا الصاحبي الجليل عمير بن حمام كان معاه تمرات فحسب ما اتذكر كان هياكلهم وبعدين يروح يخش ساحة القتال ولكنه بص عليهم كده وقال اني اكل التمرات حياة طويلة جدا والقى التمرات وراح وجاهد ةاستشهد رضي الله عنه :) |
جمييييييييييييييييييييييييييل جداااااااااااااااااااااا جداااااااااااااااااا
ربنا يجازيك كل خير |
جزاك الله خيرا موضوع رائع
|
فعلا يا احمد محدش ضامن عمره ولا عارف ايه الي هيحصل بكره
موضوع جميل جميل جميل يا ولدي تشكر يا عم احمد علي التذكره دي |
مش هستنى لبكرا عشان اقوللك
انك متميز بجد |
| جميع الأوقات بتوقيت GMT +2. الساعة الآن 12:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.