|
طلب او اقتراح ياريت تنفذوه عشان انا بعاني
ممكن بس تكتبوا عند المشاركات والحاجات ديه الجنس ذكر ولا انثى وياريت تكون عند الكل يعني كأنها اساسية زي المشاركات مستحيل تلاقي حد مش مكتوب عليه عدد مشاركاته كام
عشان انا لما حد بيطلب صداقتي بضطر ادخل ملفه عشان اعرف لو بنت اقبلها ولو ولد لأ ومنهم مش موضحين وبتبقى شغلانة لغايط لما اعرف واشوف هقبلها ولا لأ وكمان عشان المنتدى مختلط الافضل تعملوا كده لو سمحتوا طبعا انا مش بأمركم |
اه فعلاً مش عارفة ليه مش اضافت مع التغييرات الاخيرة دي اغلب المنتديات فيها الخانة دي اساسية ياريت تتضاف |
اغلب دخول الاسماء بشكل مستعار وهذا حق للجميع
واحيانا اسماء اناث والاصل هم رجال وهكذا المهم العمل ما يلفظ من قول الا لدية رقيب عتديد |
اقتباس:
الكلام طبعا يختلف مع الببنت والولد يا ريت تعملوها عشان فعلا مهمة جدا واغلب المنتديات بتعملها |
طيب خلوها في التسجيل بالنسبة للأعضاء الجداد إلي بيسجلوا
يعني لما الواحد بيسجل لازم يكتب اسم إلي هيسجل بيه وكلمة السر والبريد الالكتروني دول اهم حاجة ومش هيكمل التسجيل ابدا إلا بيهم برضوا اعملوا كده لازم يحط الجنس ذكر او انثى عشان التسجيل يكمل بالنسبة للأعضاء إلي زينا معرفش اكيد إنتوا عندك خبرة وهتعرفوا تعملوها مثلا الواحد يدخل المنتدى تجله رسالة ويختار في الرسالة دية ذكر او انثى وطبعا عشان تضموا إنه مش هيطنش الرسالة ميقدرش ابدا يتصفح المنتدى او حتى يدخل على ملفه الشخصي او اي حاجة خالص إلا لما يختار وطبعا انا مش بقولكم تعملوا إيه بالظبط بس ده كان بس شوية حجات وانتوا طبعا تنفذوا بالطريقة إلي تريحكم المهم يحصل الطلب هذا بإذن الله |
ياريت فعلاً ده حتى عشان لما الناس ترد على بعض تبقى عارفة بتكلم مين
دنا لحد دلوقتي في ناس بتفتكرني بنت :d |
أنا معاكم إنه ممكن يسهل على الناس معرفة نوع العضو المشارك
(على افتراض الكل حيكتب الصدق مش ولد حيكتب بنت لتسهيل التعارف) خدوا بالكم أنه طلبكم ده حيكون السبب فى تسهيل تعقب البنات بمعنى أن البنين سيسهل عليهم اختيار البنات للمراسلة وكدة أصبح سلاح ذو حدين هذا رأيى فقط والخيرة فيما يختاره الله |
اقتباس:
مش حتفرق على الشخص المشكوك في كونه ذكر او انثى لكن على النقيد لو اتعملت ... حتريح الاخرين من الشك حول ماهية من امامه ومن ناحية الكدب او الدخول المزيف ... فاللى حيكدب في جنسه اكيد كدب من زمان في اسمه وشخصيته وده شيء يعود لضمير الشخص ولا يمكن تقنينه |
اعتقد إن المشرف BaNZeR
عنده حق هوة لو عايز يتعرف ويخدع الناس مش هتفرق معاه او مش هتبق عائق كبير عليه وفعلا بردوا في الردود بتبقى مشكلة |
اقتباس:
مع هذا الراى |
ارجوا الرد
انا بتعب بصراحة |
اقتباس:
لكن في لا وبعدين اقدر ارسل رسالة لو انا عايزة اتتبع مش تعرف اي حاجة تانية يعني استعبط مثلا واعرف بنت ولا ولد من خلال الرد ولو معرفتش اسئلها عادي وكأني مش قصدي حاجة وبعدين اعمل إلي اعمله اساليب كتيرة اوي وفعلا لو احنا محطناس ال***ية مش هتكون عقبة كبيرة اوي بالنسبة للاعضاء إلي زي كده |
وانا الناس بتفتكرني ولد :d
عاوزة اكتب تحت اسمي مشرفة مش مشرف |
اقتباس:
تم التغير بالموفقيه تحياتي |
اقتباس:
هههه .. متزعلييييش يا لولي تحبي نكتب ايه تاني يؤكد انك بنوتة :) :) |
| جميع الأوقات بتوقيت GMT +2. الساعة الآن 12:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.