كلام نهائى : ليس هناك إضراب فى أول أيام الدراسة فى الأزهر
 

مش عارف اقولك ايه
الواحد احتار والله
بس اعتقد معهدك مش دليل على باقى المعاهد
بس دا المتوقع من الكل مثبتين ومتعاقدين وحسبنا الله ونعم الوكيل
لكن بعد ما رأيته من رجال البحيرة وبنى سويف عندى أمل فى رجال الازهر

لنا الله يا متعاقدين

ان الله لا يغير ما بقوم حتى يغيروا ما بأنفسهم

والله ياجماعة دا تثبيط للهمم احنا معهدنا فيه 4 مدرسين اساسيين بس والباقي متعاقد واعرف معهد في العياط ابتدائي فيه 32 مدرس متعاقد يعني احنا اكتر من الاساسيين في كل المعاهد وان كان الالستاذ خايف من الاضراب يخليها في سره ويسكت ميفرضش علي الناس الشغل بالعافيه بحجت الاساسيين وللعلم الاستاذ شكله اساسي ومن الناس اللي مبتحبش الخير لزملائه مفيش شغل في المعاهد قبل التثبيت حتي لو هنموت محنا كدا كدا ميتين لازم نقف وقفة جادة الاضراب مستمر والاعتصامات في المناطق كلها علي مستوي الجمهورية واحب اعرف الاستاذ ان الاساسيين اللي عندنا وقفين معانا كمان ومهيشتغلوش

لا لا
لا اضراب
الازهر نايم نايم
وانا وال واحد سلبى

المتعاقدين في كل معهد عددهم يفوق المعينين
و معهدك حالة خاصة وحتى لو كده هتلاقي في معاهد جنبك وفي كل محافظتك ومحافظات تانية مش شغاله صحيح معهدك مش هيكون متعطل لكن سيكون التعليم الازهري كله معطل لأنه 70 الف متعاقد حتى لو 50 الف هيعمله ارباك في الادارة والمناطق
فلازم ميبقاش عندك احباط ولازم نكون مع بعض وليكن من معك - 5 - ومتخافش من حاجه لان الاضراب له قانون يحكمه ولن يستطع احد ان يمسك بسوء باذن الله .
وانا على العموم هتصل بزمايلي وفي معهدي في اي حته لو لم يضربوا معي فسأسايرهم
ولكن ان تم تثبيت من امتحن الكادر ونجح - مثلي وغيري - فأول واحد هيكون ضدهم لانه واضح السلبية من عندنا
ولن تتحرك الرمال الا بهزة من الادارة و بعدها هيقولوا ياريتنا وافقنا نعمل اضراب
فالافضل توحيد الصفوف والاضراب من الجميع بدلا من حدوث فتنة كبيرة

احنا معهدنا بالكامل متعاقدين
بعني لو عملنا اضراب مش ممكن العمل يمشي
ولو محدش عمل اضراب لن نأخذ حقنا
فلا يضيع حق وراءه مطالب

كلام الراجل ده بيخلينا نقول اننا تابعيين للتربية والتعليم وبياكد فكرتهم عنا اننا تابعيين
عايز نعرفهم اننا ايد واحدة

المتعاقدين فى معظم المعاهد اكتر من الاساسين بكتيير ياريت تعملوا حاجه صح فى حياتكم عشان تجيبوا حقكم ازاى اصلا هنشتغل واحنا حسين اننا مظلمين وحقنا مهضوم