كارثه حقيقه في اداره سوهاج التعليميه
 

بدات اداره سوهاج التعليميه ادراج اسماء المعلمين بقرار 53 وقرار 74

ضمن كشوف الاساسيين علما بان الدرجات وصلت

الكارثه تتمثل في الاتي

كنا بناخد علاوات قبل وصول الدرجات كالاتي

2007 هي 7.20

2008 هي 43.20

2009 هي 14.84

2010 هي 15.36

2011 هي 27.54

جات الكارثه في الاتي

تغير العلاوات لتصبح

2007 7.20 كما هيا

2008 لتصبح 14.80

2009 لتصبح 4.80

2010 لتصبح 4.80

2011 كما هيا 27.54

الي احمد الشلقامي التاكد في اداره جهينه والرد عليا ضروري

يعني بعد وصول الدرجات والتثبيت خصم 50 جنيه من مرتبنا

حـــــــــــــــــــــــــــــــــــــــــــــــــ ـــــــــــــــــــــــــــــــــــرام

الساكت عن حقه شيطان أخرص
الظلم مستوطن في مصر من أيام الفراعنه
التربيه والتعليم هي وسيه الحكومة

عارفين المسائلة لية كدا عشان مديرها حرامى محتاجين وقفة مبروك عليك الأكل يامختار الشريف اتقى الله فى المعلمين الحديثة والا سوف تموت مثل شجرة الدر اخرتعا اية 3 ايم جزا مش مشكلة ياشباب سوهاج قوموا وصوتوا فى وجة الباطل واعتصموا بحبل اله جميعا الناس دى مستقوية من ضعفنا

طاب شوف الاحلى احنا في ادارة المنشاه اصحاب القرار 53 و 74 و 144 كلنا بيتخصم منا 19 جنيه شهريا من شهر 8 لصندوق الزمالة قبل حتى ما ناخد الدرجة ولا فروق الكادر عن الشهور القديمة يعني كلها وسية يا بني

والله انا شايف ان ننتظر الدرجات اولا حتي تنزل فعلا لاننا ادارة جرجا الدرجات لم تنزل بعد ثم نشوف

الحكاية دي حصلت عندنا في الشرقية من شهر 7 اللي فات
وساعتها قولت ان كدا خبر حلو وخبر وحش
الخبر الوحش ان المرتب اتخصم منه فلوس
الخبر الحلو إني إتأكدت إننا علي درجة مالية
الكلام دا هيحصل مع أي محافظة أو إدارة تنزلها الدرجات المالية
ويا ريت اخوانا في المحافظات التانية يقولو إيه اللي حصل معاهم

هههههههههههههههه حاجه تضحك بجد بس دى طبيعى لانك فى مصر وكل حاجه ليها مقابل فى مصر انت مش اتثبت ادفع بقى

انا فى ادارة ادفو- محافظة اسوان احنا لسة مش معترفين بينا ومش راضيين يغير بياناتناعشان تبقى معلم ولسة الدرجة مجاتش واعتبرونا لسه معلم مساعد على الرغم اننا قرار 53 وبنقبض فى كشف لوحدنا ومسئول الاحصا فى الادارة غبى ومش عاوز يصدق ولايفهم اننا اتثبتنا وبيقول انه مايعرفش عننا اى حاجة