استفسار ضرورى عن الجامعة البريطانية
 

لو سمحتم ممكن حد يقولى عن تجربة انهى احسن جامعة مع اعطاء اسباب منطقية
الجامعة البريطانية
الحامعة الالمانية
جامعة عين شمس
و ذلك بخصوص كلية الهندسة ؟؟

عين شمس\القاهرة\اسكندرية

من وجهة نظرى دول احسن هندسة بالترتيب كدا

احسن من الالمانية و البريطانية

اكتر نقطة فارقة اوى و هتخلى دول احسن مهما كانت اساليب التدريس فى الجامعات الخاصة و مهما جابوا دكاترة و معيدين من عين شمس و طوروا المناهج هى مستوى الطلبة

اغلبية الطلبة هناك بتشترى شهادة و علشان الجامعات دى تشتغل مينفعش ميدوش الشهادة دى فلازم الطلبة تنجح و بالكتير اوى ياخدوا كورسين summer

المنهج هو حوالى ربع المنهج فى عين شمس فى نفس المواد

الامتحان بيكون معظمه من المراجعة اللى قبل الامتحان و الامتحان نفسه فى مستوى الطالب اللى بص عالمنهج

و دا ممكن تشوفه عالموقع اللى بينزل عليه ال material و ال exams

المشاريع هناك بتتباع و فيه مهندسين بيعملولهم المشاريع و كل مشروع بتمنه "المعلومة دى اعرفها من واحدة هناك و بتقول كلنا بنعمل كدا"

هى الالمانية احسن فى انها بتدى خبرات تعامل و الطلبة بينزلوا تدريب اجبارى و بياخدوا ال soft skills فى الدراسة نفسها

لكن لو طالب عين شمس او القاهرة دور و تعب و اجتهد و طور نفسه بيبقى مستواه اعلى بمراااااااحل
بيوصل اصعب بس بيقدر يثبت نفسه و يتفوق بعد كدا

لو عايز رأى صح بنسبة كبيرة لازم تسأل حد شغال فى مكان محترم يستحسن فى التخصص اللى عايزه عن خريجين الجامعات دى
لان طبيعى كل واحد متحيز لجامعته و الا مكنش دخلها و دخل التانية لو شايفها احسن

رأى خاطئ مليوون فى المية اولا انا اخدت بالى انك متعرفش اى حاجة عن الجامعة البريطانية سورى فى اللفظ يعنى
الجامعة البريطانية بتاخد شهادتين اه شهادة من هنا وواحدة من جامعة لافبرا بس حصرتك متعرفش ايه السبب السبب ن المناهج واحدة يعنى انت اكنك بتدرس فى جامعة لافبرا فى انجلترا مفيش اى فرق
ثانيا موضوع الغش والمشاريع القوانين هناك تجرم الغش ولو انت واخد موضوع كوبى من جوجل دى جريمة فى قوانين التعليم فى اوروبا ومعظم ابحاث الجامعات الحكومية متاخدة كوبى
انا واحد داخل ان شاء الله البريطانية منحة ومضيت ع القوانين دى ووافقت عليها قوانين الغش الل طبعا موجودة فى الحكومة انا كطالب ثانوى اتفرجت ع الغش ده وازاى بيحصل والابحاث معروفة يعنى بتتعمل ازاى فى الحكومة بتتباع فى المكاتب
بص انا هقولك كلمة واحدة بس شعار الجامعة البريطانية learn how to think not what to think
وبالنسبة للجامعة الالمانية هى كويسة جدا بس البريطانية فيها اقسام كتييير هتتاح لك الفرصة انك تختار الافضل
انا افضل لك البريطانية وربنا يوفقك

اولا دى مش شهادة جامعة كامبريدج !!

و انا عامة معترضتش عالمناهج , انا قلت ان مهما طوروها مش فارقة لانهم عمرهم ما هيطلعوا نسبة نجاح زى عين شمس مثلا ففالاخر بيبقى الموضوع نسبى

احنا عندنا دكتور بيدى نفس المادة اللى بيديهالنا فى الجامعة البريطانية و كان نفس الترم

و جبنا من حد هناك السلايدز و المراجعة و الامتحان

احنا خدنا 7 شباتر و هما خدوا اقل من نص كل شابتر منهم

الامتحان بتاعهم كان تجميع اسئلة من الشيتات

و كان رد فعل اى حد شافه عندنا قبل امتحاننا انه مزاكرش لانه كان فعلا مش امتحان حتى من غير ما نشوف الشيتات


و بالنسبة للمشاريع دى مش اشاعة سمعتها انا اعرف طلبة من الجامعة الالمانية و عارفة منهم المعلومة دى و معيدين كمان هناك

و دى مهندسين اللى بيعملوها مش نقل من عالنت فهى فعلا معمولة مش منقولة

و احنا عندنا على فكرة التعامل مع الغش مش بيكون سهل خااااااااالص و ممكن تشوف فى النتيجة كام واحد مفصول بسبب حالة غش او تسأل اى طالب فى عين شمس التعامل مع الغش بيكون ازاى

و تانى لو عايز احسن رد لازم تسأل حد بيشتغل فى position كويس و اتعامل مع الاتنين

او معيد\دكتور متخرج من عين شمس و بيدرس فى البريطانية او الالمانية و شايف مستوى الطلبة و التعليم

لازم وجهة نظر محايدة او على الاقل professional

ع فكرة لجهل حضرتك جامعة لافبرا من افضل 10 جامعات فى انجلترا وانجلترا فيها اكتر من 170 جامعة
يعنى اكنك درست فى جامعة من افضل 10 جامعات فى انجلترا ودى لوحدها كفاية جدا

ع فكرة مناهج الجامعات الامريكية والبريطانية والالمانية فى الهندسة مثلا فى مواد مشتركة زى بعض بالظبط بس فى مواد بتختلف خالص لان المناهج جاية من بره

المناهج مش جاية من برا لان المادة اللى كلمت حضرتك عليها الدكتور هو اللى حاطط السلايدز و السلايدز من نفس المراجع اللى عامل منها السلايدز بتاعتنا

لو هنا و برا نفس المستوى كان ببساطة الجامعتين هيكونوا ورا بعض فى اى ترتيب عالمى

بس الجامعة الخاصة الوحيدة اللى بتدخل فى اى ترتيب هى الجامعة الامريكية و الحكومية القاهرة و عين شمس و اسكندرية و اسيوط

هههههههههههههه
الالمانية والامريكية والبريطانية فى الترتيب والقاهرة بس هى اللى فى الترتيب هنا
اما بالنسبة للمواد انا قلتلك ان فى مواد مشتركة اما باقى المواد مختلفة تماما وده دكتور فى ميكانيكا هو اللى قالى الكلام ده وحضرتك مش هتعرفى اكتر منه
والجامعة دى معظم الدكاترة من انجلترا وفى من مصر وفى من باكستان كمان

طبعا البريطانية أو الألمانية من غير منافسة ده بياخد شهادة معتمدة من بره يعني أكيد احسن من أي جامعة في مصر .

طب وايه ظروف الجامعة الامريكية ؟

خلاصة الموضوع .
بالنسبة للترتيب كليات الهندسة , الهندسة الوحيدة الي من مصر كانت هندسة القاهرة .
بالنسبة للترتيب الجامعات حسب الموقع الي الباشمهندسة حطته كانت الجامعة الامريكية في مصر .
اما بالنسبة لصاحب الموضوع فا انا اقولو ادخل الألمانية و ربنا يوفقك
p:

الترتيب بيبقى من افضل 500 جامعة والقاهرة والالمانية والامريكية والبريطانية خارج الترتيب ع حسب الرابط بتاعك القاهرة 500 وشوية

طب حضراتكم نسيتو ان الجامعة البريطانية بتاخد شهادة كمان من جامعة لافبرا فى انجلترا وبتدرس نفس مناهجهم يعنى اكنك درست فيها
طب شوفو ترتيب جامعة لافبرا من افضل 200 جامعة

فى الاخر البريطانية طلعت احسن منهم كلهم اهو ع حسب كلامكم

والالمانية كويسة جدا جدا ورهيبة كمان واسعارها ارخص من البريطانية والامريكية بس دى مبتديش منح نهائى بتعمل خصم فقط
الامريكية والبريطانية بتعمل منح ياباشا
وصدقنى والله انا معايا ناس فى المنحة كان اتقبلو برده فى منحة الامريكية وفضلو البريطانية عنها لان نظام المنحة بتاعتى بيسفرنى بره ادرس ترم فى امريكا نظام المنحة كده

وع فكرة انا جالى هندسة اسكندرية وبعد تفكير طويل لقيت ان البريطانية احسن

اكيد الشهادة اللى بره دى اكنك درست فى الجامعة اللى بره يعنى اكيد افضل من اى جامعة حكومية مصرية