نريد ما يكفينا ولا نريد المزيد
 

هموم المعيشة وغلائها
مطالب عيالك وانت بتتحسر ان انت مش قادر تلبي ولو حتى نصها وعمال تصبر فيهم وهما عيال ميعرفوش يعني ايه هم
الشغل التاني اللي بعد المدرسة اللي عمال ادور عليه ومتمرمت ومش قادر اخد حقي في الراحة ولا في النوم
عارف الشغلانة التانية ايه اللي انا بشتغلها سواق ميكروباص
وللاسف مش عارف اتأقلم مع الفئة دي من الناس
امناء الشرطة اللي كانوا بيفرضوا علي الاتاوة وانا شغال بالميكروباص وانا عندي كل حاجة سليمة ورخصي مظبوطة والا يسحبو الرخص
هدومي اللي مش عارف اغيرها بقاللي اكتر من خمس ست سنين مش عارف اشتري ولو طقم جديد واحد محترم
الـــ 300 جنيه اللي بدفعهم ايجار شقة
الــ 70 جنيه كل شهرين للميه
وصل النور كل شهر
قللي يبقى فاضل كام من الـــ 710 جنيه اللي باخدهم كل شهر
اصحابي وزمايلي اللي شغالين في البنوك واللي منهم في الضرايب وغيرهم في مجلس الدولة والنيابة
قطعت علاقتي بيهم لاني مبقتشي في مستواهم
عارف ليه
لاني مدرس غلبان
الا يدعوا ذلك للبحث عن حقي ولو بالاضراب