اعمل زيي غيب وأثر على قوة المدرسة ده هايساعد فى الاضراب
 

سلام الله ورحمته وبركاته

ركزوا ياشباب الله يهديكم
انا من انصار غياب اول يوم فى الدراسة
لانه هاياثر على قوة المدرسة
وهايصدم الادارات وهايضطروا يبلغو بالغياب
وده معناه ان صوتنا هايتسمع
وماجاتش من يوم

ده افضل من الاضراب داخل المدرسه على اعتبار انه قانونى
وللعلم لازم 50% من المدرسة يشاركو فى الاضراب عشان يبقى فعلا قانونى
يعنى هاتشيل الليلة لوحدك :blush:

ولو عايز تعلن عن الاضراب
ابقى روح الساعه 9 والا 10 وابقى علق لوحك ووزع منشوراتك
مش لازم تحضر الطابور :(

وحكاية تسكين العيال داخل الفصول او فى فناء المدرسة فى الحرارة دى
هايخليك تتصدى لاولياء الامور
منك ليهم واشرب بقى :blush:

الوزارة مش مهتمة بشرح حضرتك ولا حتى باللى بتعملة فى الفصل
هاتقول كفاية عليهم بيحرسو العيال لغاية اما اهاليهم يرجعو من الشغل
يعنى مع احترامى هانقوم بمهمة الدادة :(

انت بتقدم خدمة للوزارة هاتروح اول اليوم وهاتمشى فى اخره
ومع نفسك بقى عيش :rolleyes:

توكلنا علي الله غياب أول يوم

الله عليك يا ايمن
شرف التجربة يكفينى
حتى لو رحت شؤن قانونية او اتحسبلى انقطاع عن العمل

فكرتك جميلة أوى يا لوجين زيك طبعا.

انا فعلا معاكى فى الحل دا ومش رايحه اول يوم
لان الوزاره قبلت اضرابنا بحل ذكى
وحتى لو كل المدرسه عملت اضراب هيضيع تحت مسمى اليوم الترفيههى والدوشه اللى هتحصل يومها يعنى معملناش حاجه
لكن لو غيبنا هنسيبهالهم فوضى ويبقوا يجيبوا اراجوزات غيرنا ترفه عن الولاد
كمان كانهم بيقولوا لينا اضرابكوا بيساوى يوم ترفيه عن الولاد
يبقى لازم نغيب

راجع النص القرآنى أخى الفاضل

هكذا تكون الرجال
وغدا سنكمل المسيرة معا
ليعلم الجميع انا لنا كلمة تسمع
غدا الاحد موقف اخر اكثر اتحاداً
لنا حقوق نهبت سنستردها
لنا كرامة سلبتها الدولة سنعيدها
علينا واجبات ..سنؤديها بكل عزيمة
بوقفتنا .......سنعيد للتعليم المصرى
مكانته .

قال تعالى ( وَمَا جَعَلَهُ اللَّهُ إِلا بُشْرَى لَكُمْ وَلِتَطْمَئِنَّ قُلُوبُكُمْ بِهِ وَمَا النَّصْرُ إِلا مِنْ عِنْدِ اللَّهِ الْعَزِيزِ الْحَكِيمِ) آل عمران (126).

الله ع المنيا ورجالتها
احلى تحية للشباب
انا مش رايحة بكرة كمان