|
هو دا حال التعليم في مصر
بسم الله الرحمن الرحيم
طبعا انهارده كان اول يوم في الدراسه انا رحت المدرسه ولسه داخل المعمل جالني استاذ وقالني روحو روحوا فا نصف الفصل مشي وبعدين بعد ربع ساعة جاتلني ابله وقالتلني امشوا فالفصل كله مشي ماعدا انا وبقول الابله انا عاوز الكتب قالتلي وهي بتضحك كتب ايه دلوقتي انت لسه بقالك شهر علي ماتستلم الكتب قولتها اة وبعدين مشيت روحت اسئل علي الدروس ادام مفيش فايده من المدرسه فابسال واحد زميل بياخد درس وبقوله انا عاوز اجي معاكوا الدرس قالي احنا بناخد دروس بقالنا شهر واستحالة الاستاذ هايعيد كل الفات فابقول اعمل ايه دلوقتي قالي العمل عمل ربنا وسبني ومشي روحت لوحدي صاحبي تاني من اللي بياخدوا الدروس قالي نفس الكلام وبعدين اما راوحت قابلني واحد قريبي فاحكتله علي اللي حصل قالي اللي اتعلم خادوا ايه روحي العب كورة ولا بلاستيشن وهتنجح في اخر النسه وخد دبلوم واكست وانا دلوقتي نفسيتي اتحطمت ومش عارف اذاكر منين ولا اعمل ايه وكان نفسي اكمل وادخل كليه هندسه بس هاعمل ايه قولولي انتم انا اعمل ايه اكتف بالدبلوم ولا اتحدي نفسي والناس واعمل حاجه كويسه ياريت تردوا عليا |
مفيش كلام
هو مس صعبان عليكم |
ههههههههه تصعب علينا ازاي واحنا عاوزين حد نصعب عليه اصلك مش عارف حالنا
|
بص ياعم حاجه حلوه:022yb4::022yb4: خالص هناك سنتر فى كل مكان روح واحد منهم
|
ياجدعان ااحنا لسة حتى الان منعرفش هنخش اية
|
انا هنتحر يا جدعان النتيجه امته
|
بالنسبة لموضوع الكتب ده لو اتأخر يبقى تنسى إنكم تستلموا كتب
وهيعملوا فيكم زي ما عملوا فينا بالظبط ،، بس موضوع الدروس محلولة إن شاء الله روح إسأل المدرسين بنفسك وأكيد هتلاقي حد بيدي دروس من الأول مش معقول ميكونش في .. إحنا كنا زيك كدا كلنا السنة اللي فاتت وعملنا اللي علينا بس خلاص قربنا ننتحر مش عارفين راسنا من رجلينا شكلنا هنقدم معاك السنة الجاية يا إبني :d |
والنبى ياسندس بلاش تفرولى علينا الواحد على الاخر
|
هههههههههههههههه
معلش بجد مش قصدي أنا كمان على آخري والله ما بقيت أنام بسببهم كل ما أنام أحلم بزفت التنسيق ده :( |
الحمد لله في استاذ قالي انا هديك دروس الاسبوع الجاي بس في مشكله
هو انا ممكن ماجبشي مجموع وياريت كل واحد يقولي مجموعه بتاع السنه اللي فاتت وتنسيق الهندسه من كام |
يا ريس حالي حالك بردو والله كل ما اسال عن الدروس يقولوا ليا بعدين بعدين و مفيش كتب السنة دي قالوا لينا كده ده ايه القرف ده لا و ايه بيقولوا لينا تصرفوا انتوا صوروا مزكرت او اي حاجه شوفوا انتوا و مع نفسكم والله بجد حاجه تقرف انا بردو كنت زيك كده بس بعد الحكاية دي والله بفكر اهج من البلد دي
|
| جميع الأوقات بتوقيت GMT +2. الساعة الآن 03:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.