ماذا تفعل لو رفض زملاءك الإضراب؟!
 

الله عليك يا ابو حميد
وعلى رأى الشاعر واهى دنيا عايشين فيها وبس

هنتظر الفرج طبعا وهنام
بس لو تم تثبيت من امتحن الكادر فقط
وشعروا معلمي الشرعي والعربي أو الذين لم يجتازوا اختبار الكادر بأي نوع من الاهانه في تثبيت البعض من زملائهم و هم لا
فانا أول من سأستمر في عملي بدون شك لأنه تم تثبيتي وعلى المتضرر تحمل نتيجة تنازلهم
وبالفعل ستحدث الفتنة ولكن هم من ارغموني على ذلك بتهاونهم الحالي
ومع احترامي لرأيك مسترh
فانا اختلف معك كليا لسبب بسيط جدا
لو أن الحكومة كما تقول انتقالية و هتتغير فكان من الأولى
عدم رفع الحد الأدني لأي مؤسسة ولا عمل 200% ولا غيره بس للجميع
و لظل الوضع منذ مبارك كما هو وساعتها ما في حد كان هيفتح بقه
لكن خد عندك
بدءو بالشرطة >>ورفعوا مرتباتهم للضعف >>> هما أحسن مننا في ايه
وبعدين البترول والكهرباء والشباب والرياضة، غيرها وغيرها ومؤخرا البريد
هما احسن ممنا في ايه يعني ولا احنا ملناش لازمة في البلد والشرطة والكهرباء والبترول كانوا بيقبضو ملاليم يا عيني واحنا كنا بنقبض بالدولار
وبعدين ليه يثبتوا ويعينوا كل المؤسسات وتيجي على الازهر وتقف الحكاية...مترجعش تقولي حكومة و زلومة عشان خاطري
ده اسمها حكومة مش انتقاليه حكومة استهبالية ، وكان من الاولى وضع حد أقصى و يجيبوا الناس اللي بتقبض بالالوف و يعملو توزيع عدل للأجور
و صدقني ابقى قالبني لو حد سأل فينا بعد ما الحكومة تمشي و الريس الجديد ييجي وممكن نقعد سنتين على ما الريس يعرف يطبق خطته الاقتصادية المعتبره

لو تفكيرنا بهذا الشكل يبقى قول علينا وعلى التعليم و على الازهر الضائع منذ مدة يا رحمن يا رحيم
وحسبي الله ونعم الوكيل
وفوضت أمري اليك يارب

احتراماتى مستر اتش لكن ممكن ارد على النقاط اللى حضرتك اثرتها وبسرعة، بالنسبة لنقطة ان الحكومة انتقالية فده لا يعفيها من قيامها باعمالها على اكمل وجه واحنا كمدرسين مش عايزين منها شئ جديد او حوافز وحقوق مستحيلة لا المطلوب فقط هو المساواة سواء فى التثبيت زى الناس اللى اتثبتت او الحوافز اللى كل موظفين مصر خدوها بدون كوادر او امتحانات او مطالبات.

وبالنسبة لنقطة ان ابنك يتعور او يحصله مكروه بسبب الاضراب فده شئ بعيد لان الاضراب مش معناه ترك الاولاد فى الشوارع لا دول بيفضلوا داخل المدارس الى نهاية اليوم الدراسى يعنى كانه يوم دراسى عادى لكن بدون شرح واعتقد لحد الان مفيش مكروه حصل لاى تلميذ فى اى مدرسة والحمد لله.

ونقطة انت قدمت ايه يستاهل الاضراب فاعتقد ان حضرتك مش هتقدم اى شئ (حقيقى) للتلاميذ فى الفضل طالما حقوقك مهدرة ومرتبك مهلهل وشايف معظم الناس الموظفين واخده حقوقها الا انت ولو قدمت مجهود حقيقى فمش هيستمر لان مفيش قوة دفع تحثك وتدفعك للاستمرار فما بالك بوجود ظلم واقع عليك ايضا! وفى النهاية حضرتك بتقول ان اى قانون وضعى قابل للخطأ ولنفترض ان قانون الاضراب اللى بيدى الحق فى الاضراب قانون مش مظبوط حضرتك شايف ايه الحل بدون اللجوء للاضرابات؟؟؟

انا هنام زيك ومش هعمل اى شئ ايجابى وهمشى جنب الحيط وهعيش واموت سلبى طالما محدش حاسس بحد وكله بيقول يلا نفسى ويارب بعد ما يطبقوا ال 200% على التربية والتعليم ميطبقوش على الازهر عشان يسترجلوا شوية ويطالبوا بحقوقهم بدل ما هما نايمين فى مية البطيخ ومستنيين الناس التانية تجبلها حقها وهما مانتخين فى البيوت زى الستات، الله يحرق حسنى مبارك اللى زرع جوانا الخوف والجبن والسلبية وخلانا مش عارفين نعيش بدونها ولو يوم واحد بس، على فكرة اخر مرة اتفقنا فيها على التظاهر قدام المنطقة رحت انا وصاحبى واقسم بالله العظيم ما كان فى حد غيرنا احنا الاتنين وفضلنا مستنيين ومشينا على الرغم من التاكيدات وكل واحد يقولك جاى ومعايا ميكروباص مليان بشر لكن وقت الجد بخ كله هرب زى العيال.. اياكش لا نتثبت ولا مرتباتنا تزيد مليم احنا جبنا ونستاهل.

قوه المدرسة 23 معلم

حاجة تحزن والله وتبين الى اى مدى وصل الخوف والجبن فى نفوس بعض المدرسين اللى المفروض يعلموا الطلبة العزة والكرامة والرجولة والثبات على المبادئ لكن للاسف هما انفسهم مفتقدين القيم دى وبالتالى فاقد الشئ لا يعطيه، عموما كفاية انك كبرت قدام نفسك ومرجعتش فى كلامك زى الـ 12 معلم ومعلمة اللى عملوا نفسهم من المريخ لما حسوا ان الموضوع جد وقالوا لم نقرا الورقة الغوا التوقيعات وعجبى!!

معظمهم بيخاااااف بس لو وجدوا تكاتف واتفاق من جميع المعلمين اكيد مش هيعترضوا ولو اعترضوا هيعملوا ايه يعنى ولا اى حاجة ده لو حضرتك تقصد شيوخ المعاهد.

ياريت تستمروا لحد ما يظهر اى رد فعل ايجابى من الناس الى فوق