سنتر بيدي مواد حاسبات ؟؟؟؟
 

السلام عليكم

ماث واحد الى هى رياضة واحد والكترونيك دى الى هى الفيزياء ع حد علمى
شوف لك مدرس ثانوى يا حج كورسات ايه بس

كورسات لييه يعني؟؟ امال هتروح الكلية تعمل ايه؟؟؟
الكلية نظام حياة جديد هتبدأ تعتمد على نفسك في كل حاجة انت مسئول عن انك تذاكر المادة دي حتى لو الدكتور مش بتفهم منه ومسئول كمان انك متكتفيش بالي اخدته في المحاضرات لا لازم تدرس اوسع كمان وتقرى في مراجع وابحاث
الكلام اللي فوق ده هوة الطبيعي اللي المفروض يحصل لو عاوز تبقى خريج حاسبات صح مش عشان تنجح وخلاص
تقدر تقضي الكلية زي ايام الثانوية دروس وملازم ومراجعة ليلة الامتحان بس هتبقى ما اكتسبتش اهم حاجة من مرحلة الكلية اللي هية الاعتماد على النفس

خلي نظرتك اوسع من مادة وامتحان وتقدير خلي عندك هدف اكبر من كدة وحاول تعتمد على نفسك اكتر لو في حاجة وقفت معاك اسال حد اعلم منك معيد او طالب اكبر منك لو في دكتور مش بيشرح مادته كويس حاول تخش على النت وهتلاقي كل كورسات حاسبات موجدة فديوهات على الyoutube من كليات كبيرة جدا في العالم

بلاش موضوع الكورسات او بمعنى اصح الدروس لان اللي بيجي سهل بيروح سهل وفي الاخر لما تيجي تشتغل مش بيبصوا في التقدير لا بيبصوا اولا في الشخصية اللي قدمهم وبعد كدة في الشغل العملي اللي اشتغله واد ايه هوة اكتسب خبرات في حياته

نصيحة مني ابعد نهائيا عن موضوع الكورسات لانك لو اتعودت عليها مش هتعرف تسبها وهوة بيبقى هدفه في الكورس انك تعدي الامتحان اكتر من انك تفهم المادة وتستفيد منها وانت من غير ما تحس هتلاقي نفسك عاوز بس تذاكر المادة عشان تنجح مش هتعرف تستمتع بيها

معلش انا طولت عليك بس فعلا موضوع الكورسات ده لازم يوقف لانه من اسباب فشل كتير من الخرجين مع الاسف
وربنا معاك ان شاء الله

فعلا كلام منطقى جدا وهوا دا اللى بيحصل

الدكتور مش هيديلك كل حاجة وبتاع الكورس هيحاول ينجحك مش يفهمك انت اللى لازم تعلم نفسك

هتلاقى كل حاجة على النت اكتسب الموهبة دى لانها اساس الانسان الناجح

help your self

وبالنسبة للرياضة معظمها 1 و 2 ثانوى
والفيزياء معظمها كهربية

وكلها سهلة ان شاء الله