حد يرد عليا علشان انا هتجنن
 

انا دلوقتى كان جايلى تجارة انجلش فى طنطا بس روحت عملت تحويل لتجارة عربى القاهرة ولغاية دلوقتى محدش رد عليا وكل لما اروح يقولولى تعالى بعد اسبوع
عايز اعرف هو مش المفروض انى كده عامل تحويل غير مناظر ويتقبل على طول لانى جايب المجموع بتاع تجارة وكمان انا ساكن فى النطاق الجغرافى وكمان لو حد يعرف بالنسبة للتحويل بتاعى هو احتمال قبوله اد ايه ورفضه اد ايه علشان خلاص الواحد قال خلص ثانوى عام وشال هم كبير من عليه طلع اللى بعديه انيل وشكرااااااا

ايه ياجدعان 14 مشاهدة ومفيش حد عارف يرد على استفسارى اد كده هو صعب

واللهى كلنا زيك ومستنين نتيجه تحويلات القاهره هى الوحيده اللى متاخره ليه اسكندريه وحلوان والمنصوره ظهرت

يمكن عشان عملنها متاخر
انا عامل تحويل حلوان
ورحت ساعت النتيجة ظهرت
قالي التحويلات بتاعة اقبل العيد كمان اسبوع
ربنا معانا كلنا
ولو الحويل بتاع حد فينا لا قدر الله ما اتقبلش
ما حدش يزعل انت مش عارف الخير فين واجتهد في الكلية اللي انت داخلها
انا عامل تحويل من حاسبات حلوان الي هندسة حلون مجموعي 396.5

ياجماعة نتيجة تحويلات القاهرة ظهرت انهاردة..........................

كلنا هنتجنن
أنا عاملة تحويل من طب عين شمس لطب الزقازيق يوم تقريبا 18 أو 19 رمضان
ولغاية دلوقتي النتيجة مش ظهرت وآخر حاجة بيقولوا يوم 25 وأنا لغاية دلوقتي ما قدمتش في عين شمس ولازم أروح أقدم لأن التقديم هيخلص يوم 26 وبعدين النتيجة تظهر ولو اتقبلت أدور إزاي أجيب الملف تاني وأقدم في الزقازيق
والله حرام
الأجازة كلها انتظار وعذاب
الأول نتيجة الامتحانات وبعدين التنسيق وبعدين تقليل الاغتراب وبعدين التحويل الورقي وبعدين الدراسة.

انت متأكد ولا قايل الكلام دا ع اي اساس
؟؟؟؟
بلاش تعب اعصاب اتقوا الله..

ياريت اللى يقول ان القاهرة ظهرت يكون شافة بعينة ارجووكم اعصابنا باظت يارب اللى يلعب بينا يكون حسابه كبير لان الواحد مش ناقص فعلا حررام ويارب تكون ظهرت فعلا عشان القلق الداخلى ده نستريح منه بقى