هندسة ولا حاسبات اصعب؟؟؟
 

انا لو سمحتم عندى سؤال هو لو حد علمى علوم و حب يدخل حاسبات فى جامعة خاصة لازم يعمل معادلة زى هندسة و لا عادى يدخلها من غير معادلة

شكرا على ردك يا بشمهندس

حاسبات اصعب من هندسة بشهادة ناس من هندسة و حاسبات

فى قسم فى حاسبات عين شمس اسمه البرمجه الحيويه ( الطبيه ) بيدخله اللى فى أحياء او رياضيات و ده خاص تقريبا 10 الاف جنيه فى السنه
تحتاجى تعملى معادله و ولا حاجه بس أتأكدى الأول لأن الكلام ده أنا مش واثق منه

أكيد هندسة اصعب بمراحل .
وبعدين مفيش حد بيدور عالصعب أو السهل شوف إنت حابب إيه بغض النظر عن صعوبتها وسهولتها.

محدش يقدر يجاوب السؤال دا لان محدش درس فى الاتنين

حتى الدبلر اللى بيحولوا من هندسة لحاسبات و يجيبوا تقديرات عالية فيها ممكن اوى يكون السبب انهم كانوا بايعين القضية فى اعدادى او كارهين هندسة

و حتى لو حد بطريقة ما درس فى الكليتين فهيبقى الاصعب و الاسهل بالنسباله معتمد على هو بيحب ايه و ميوله لايه

فيه طلبة فى هندسة ما شاء الله عليهم فى كل انواع البرمجة و الويب ولو دخلوا حاسبات كان زمانهم اوائل دفعة و عندنا بيشيلوا كل مواد الكنترول و لسة معاهم مواد من اولى و تانية و بيدبلروا كمان
و فى نفس الوقت فيه امتيازات هندسة و هندسة حاسبات كمان بس مبيحبوش البرمجة فلو دخلوا حاسبات هيتبهدلوا و هيحتاجوا اضعاف المجهود اللى بيبذلوه فى هندسة علشان يجيبوا نفس التقدير

المقارنة غير متوافقة زي مثلا لما اقول مين اهم سوبرمان ولا عبقرينو اللي في ميكي؟؟ الاجابة طبعا تتوقف على الموقف نفسه
ولكن ممكن نقول هندسة اطول لانها 5 سنين وحاسبات 4 سنين :)

السؤال دا ماينفعش يتسأل
لأن موضوع الصعب والسهل دى مسألة نسبية
يعنى بتعتمد على طريقة التدريس والشرح وكذلك مدى تقبل الانسان لهذه الدراسة
يعنى اللى ممكن تشوفه انت سهل غيرك ممكن يشوقه صعب والعكس صحيح
دا غير ان اللى يقرر لازم يكون درس الاثنين معا لأن أحيانا لما بتكون بعيد عن شئ بتشوفه صعب ولكن عندما تدرسه تلاقيه بالنسبة لك سهل
زى ماقولتلك المسألة بردوا نسبية

يعنى مثلا لو انت فى حاسبات وقادر تتقبل مواد حاسبات بسهولة ويسر فمن بعيد هتشوف هندسة صعبة ....والعكس صحيح
مع انك ممكن لو درست هندسة تلاقيها بالنسبة لك سهلة
ولكن اذا واحد درس فى كلية هندسة وكلية حاسبات معا فممكن يشوف ان حاسبات أصعب .... وممكن تلاقى واد ثانى بردوا درس الاثنين ولكن بالنسبة له هندسة أصعب
دا غير طريقة الشرح بردوا بتفرق كثير
احيانا فى أساتذة بيدرسوا مادة بسهولة ويسر بتجعل الطالب يفهم ويتقبل ما يدرسه ولكن اذا تغير المدرس وجاء شخص أخر لا يعرف كيف يوصل معلومة هتجد الطالب يكره هذه المادة لأنه لايفهمها