|
يوميات التقديم بعد التحويل في المنصورة 1
بسم الله الرحمن الرحيم بعد الفشل الذريع ليوميات التحويل في المنصورة ويوميات التحويل في المنصورة2 قررت بفعل الرخامة :d أني اكتب الموضوع ده و أحكيلكم رحلة التقديم في الأول صحيت الساعة 9 إلا عشرة كده و نزلت علي الساعة 9 و عشرة و ركبت تاكسي و أخير وصلت للكلية و كانت أول مرة أدخلها و مش عارف حاجه خالص و عمال ألف و بعدين لقيت طالب أكبر مني سألته علي مكان شئون الطلبة و انا فهمت غلط و روحت مكان تاني خالص ههه فهو جري ورايا و قالي اني كده ماشي غلط و من هذا الموقع اقدم شكري لهذا الطالب و بعدين و صلت لشئون الطلبة و دخلت لقيت علي شمالي كشوفات و قرأتها كلها و كانت المفاجئة أني ملقيتش اسمي أوبااا فقلت ابص تاني و الحمد لله أخيرا لقيت اسمي الحمد لله و التحويل اتقبل بعد تعب اعصاب و مشقة و عناء و دخلت غرفة شئون الطلبة لاني لقيت ناس داخلة تاخد ورق التقديم فأولتلها عاوز قالتلي روح أقف في الشباك حاجه تفقع الصراحة ما كله بيدخل و بياخذ يعني جت عليا فقولت خلاص أصلا الشباك مش زحمة فطلعت علشان أخذ لقيت الورق خلص و فضلت مستني و عرفت اننا المفروض نأخذ من الشباك ده ظرف و ورقة طلب ألتحاق و ورقة الكشف الطبي و بعدين اخير الورق وصل علي بالة ما وصلت كان الظروف خلصت و قولتلها طيب ادينا الورق دلوقتي نملاه و كانت مش راضية نهائي حاجة مستفزة و بعدين مشيت مش عارف راحت فين و جه راجل تاني محترم أدالنا الورق نملاه لغاية لما الظروف توصل و كان بيرد علي تساؤلتنا بكل أدب ربنا يكرمه و بعدين مليت طلب الألتحاق و اديتله ورقة الكشف الطبي يدبس فيها صورتي و يعمل الختم و قالي روح أعمل الكشف الطبي فروحت المجمع الطبي اللي هناك و جبت دمغة من هناك ب 20 جنيه و الراجل حطها و بعدين قولتله اعمل الكشف فين قالي روح الكلية تاني فسألت حد تاني بره الغرفة دي قالي روح الأوضة اللي في الجنب دي فروحت و قعد يسألني الطبيب شوية أسئلة و بعدين كتب حاجات كده و خلص وبعدين جاي أخذ الورقة قالي لأ هتسيبها هنا و احنا هنبعتها فقولت ماشي و رجعت تاني الشباك لقيت الظروف لسه مجتش فقولت خلاص اروح مش مشكلة و اسيب الناس اللي جايين من مناطق بعيدة الصراحة هم اولي و الحمد لله أن تحويلي اتقبل و خلاص و بعدين افتكرت أني ممليتش البيانات في ورقة الكشف الطبي يا نهار أبيض فرجعت تاني و بعد ما تقريبا وصلت افتكرت اني مش معايا قلم يوووووه فرجعت تاني أجيب قلم بس لقيت واحد صحبي الحمد لله كان رايح و معها قلم وروحت المجمع تاني و مليت الورقة و انتهت رحلة اليوم الحمد لله و هروح بكرة أقدم و أدفع الفلوس و ألف شكر ليك يا رب أن التحويل أتقبل و علي فكرة الراجل اللي هناك قالنا ان التقديم هناك مفتوح حتي بعد بداية الدراسة بإذن الله و برضه مكنش في كلام عن التبرعات نهائي . و هقولكم خطوات التقديم للناس اللي عامله تحويل علشان الناس اللي هتروح بكرة أو بعدين تكون عارفة : 1 - أول ماتدخل روح شئون الطلبة و شوف اسمك في الكشف و لا لأ و إن شاء الله هيكون التحويل أتقبل و أعرف رقمك 2 - بعدين تروح علي الشباك و تاخذ ظرف و طلب ألتحاق و ورقة علشان الكشف الطبي 3- تملوا البيانات في الورقتين و بعدين تضع الورقتين و ورق التقديم في الظرف و رجعهم الشباك تاني و هما هيدبسوا صورة في ورقة الكشف الطبي و يدولك أيصال علشان تروح تدفع و هيأخذوا بقية الورق بعد ما يعلموا علي اسمك في الكشف 4 - تروح المجمع الطبي هتلاقي غرفة فيها راجل تديله عشرين جنيه و هو هيلزقلك الدمغة علي الورقة و بعدين تروح غرف الكشف و الطبيب هيسألك شوية أسألة و بعدين خلاص 5 - الخطوة الأخير أنك هتروح تدف الفلوس و يديلك ورقة حمراء باين ترجع توديها للي في الشباك تاني بس الصراحة الخطوة الأخيرة دي أنا مش متأكد منها لأني لسه موصلتلهاش بس اللي أنا كتبته ده من اللي شوفته و ربنا معاكم و ما تنسوش تصلوا ركعتين شكر لله |
شكراااااااااا ع اليوميات استفدت منها اهو لينا يوم ويارب تكون كل الكشوفات نزلت في كل الكليات
|
يهون التعب طالما التحويل اتقبل عقبال منطمرمط زيك كده بعد قبولنا ان شاء الله
|
اقتباس:
اقتباس:
|
لااااااااااااازم تتعب عشان توصل.........ووممكن متوصلش(بعد الشر طبعا) شعارنا فى مصر:d
الف ومليوووون مبروك يا استاذ ننجو على التحويل وربنا يوفقك ان شاء الله شكرا على القصة;) |
اقتباس:
و إزاي تقولي كده علي مصر حبيبتي دي أم الدنيا:p اللي محدش بيوصل فيها و الله يبارك فيكي |
استاذ ننجو بعد اذن حضرتك
فى اخر الموضوع بتقول الخطوة دى لسه موصلتلهاش يعنى التقديم مش بيخلص فى نفس اليوم ولا ايه ؟؟؟؟؟؟؟؟ |
اقتباس:
بس أصل النهاردة المظاريف مكنتش كافية و هما بعتوا يجيبوها و قالولنا استنوا ساعة كده فانا قولت الحكاية مش مستهلة أني أعد استني لسه فقولت هروح أحسن و علي الأقل أسيب مكاني للي جاي من مكان بعيد |
الف شكر لحضرتك والف مبروك على التحويل
وبجد احنا استفدنا من اليوميات دى وهنروح نقدم بكره ان شاء الله ربنا يكرمك ويجزيك خير الف حمد وشكر ليك يارب |
انا كمان النهاده روحت وتحويلي اتقبـــــــــــــل الحمـــــــــــــــــد الله :022yb4::022yb4::022yb4::022yb4:
الصراحه الحمد الله انا عرفت من النت قبلها بيوم اصلا :d بس روحت برضه عشان اتأكد واقـــدم بس كنت رايحه ب8 صور وقالولى هاتى دوسيهين معاكى والمصاريف وكده ف بكره الصور تطلع وهروح بعــد بكره باذن الله اقدم بقي بجد الحمد الله اننا اتقبلنا كان كابووووووس بجد الف حمد وشكر ليك يارب :) |
اقتباس:
و تقديم موفق بإذن الله اقتباس:
بس الحمد لله أن التحويل اتقبل و الواحد خلص من الكابوس ده و مش عارف انا كان هيحصل ايه لو كانوا قبلوا التحويل الإلكتروني و كنا روحنا دفعنا ال200 جنيه و خلاص مهو اللفة دي كلها علشانها و ألف مبروك علي قبول التحويل |
طب أنا أعمل ايه محولة لطب الزقازيق من أول يوم فتح التحويل
رحت قدمت في عين شمس علشان أخلص ممكن ألغي التحويل؟ |
فعلا حصل ده معايا بالضبط والحمدلله لقيت اسمى ف ال اتقبلوا
م داب دمياط للمنصورة وقدمت وخلصت بس ىلسه الكشف الطبي عقبال كل ال مستنيين التحويل ياااااااااااااااااااارب |
اقتباس:
و إن شاء الله تكون اتقبلت فهتروحوا تسحبوا الملف و تقدموا في الزقازيق اقتباس:
|
يا رب يكون موضوع مفيد
|
| جميع الأوقات بتوقيت GMT +2. الساعة الآن 12:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.