|
انا مش عارفه انا حكون ايه
السلام عليكم ورحمه الله وبركاته
في واحد بيقول انه نفسه يكون دكتور فبيدخل طب عشان يبقي دكتور ويحقق حلمه واللي بيقول هندسه واللي بيقول اديب واللي بيقول مدرس انا بقي مش عارفه انا حبقي ايه فاضل كام شهر علي الامتحانات وبعديها شهر والنتيجه تظهر انا نفسي اقرر انا حكون ايه بمعني اني انا اكون محدد انا عوزه ايه مش اخلي مجموعي هو اللي يحددلي انا حكون ايه طب انا قدامي كليتان رياض اطفال اداب وهنا المشكله حدخل ايه فيها هيه مليانه اقسام بس انا ادخل ايه و قدامي تجاره بس مش عارفه ساعات بقلق منها انا اكبر الاحتمالات عندي هيه اداب بس حدخل ايه فيها |
يعنى اية مش عارفة هتكونى اية
لازم تقوفى وقفة مع نفسك وتقررى اية الافيد ليكى واية الى هيساعدك لما تتخرجى واية الى هيكون مربح يعود عليكى بفيدة وابعدى عن رياض اطفال دة خالص وبلاش هبل بصى احلى حاجة ليكى اداب يااما انجلش يااما فرنساوى ولو مش عاجبك يبقى علم نفس دة رأيى هم دول الى ممكن يفيدوكى لما تحبى تشتغلى يعنى |
أهم حاجة الحاجة اللي تخشيها تكوني حباها .. والأهم انك تتميزي في المجال اللي انتي فيه .. مافيه خريجين كتيييييير من كليات التجارة كل سنة بس المتميز اد ايه ؟؟!!!!
وممكن بردو لو انتي شايفة مجال عاجبك بعيد عن الدراسة الجامعية خشي فيه ومفيش مانع يبقى معاكي شهادة بس لازم تحطي هدف وتفكري فيه كل يوم وتتخيلي نفسك بعد ماحققتي الهدف ده وسعادتك اد ايه .. وتنفذيه وتقربي منه .. وابعدي عن التفكير في الإحباط أو انك تحسي انك مالكيش هدف ومخنوقة من الدنيا وقربي من ربنا وان شاء الله هييسرلك اللي فيه الخير انت هنا اليوم بسبب أفكار الأمس .. وستكون غداً بسبب أفكار اليوم !! وربنا يوفقك :) |
اقتباس:
ممكن تكون حابة رياض أطفال .. تقوليلها انتي ده هبل وتكرهيها فيه مش ممكن بعد كده تبقى صاحبة مدرسة أهم حاجة حب المجال والتميز فيه والثقة في النفس شكرا :) |
اقتباس:
واسماء دية اختى وهى طالبة نصيحة وانا قولتلها الى ممكن يكون افيد يعنى تفتكر ان رياض اطفال دية مربحة وممكن تعيش معتقدش بس فعلا هى لازم تحب المجال زى ما انت قولت |
اولا الكلية دي حياة مقبلة ومستقبل ممتد فلازم تخي الحاجة وانت مقتنعة بيها تماما فلازم تحددي قبل ما تشوفي مجموعك وتحطي اولويات دي مجتش يبقى دي دي مجتش يبقى دي ...
اولا تشوفي ميولك انت بتحبي ايه وعلى هذا الاساس تختاري ولازم تحطي هدف مينفعش الواحد يمشي كده من غير هدف سعى للوصول ايه |
اقتباس:
انا بعتقد الاداب حلو ه واقسامها كتير واختصاصها اكتر وفى الاول والاخر دا قرارك وهدفك على اساس انو هيبقى بداية الخطوة الاولى فى حياتك بعد الثانوية وربنا يوفقك |
اقتباس:
ربنا يقدم اللي فيه الخير اقتباس:
وشكرا لكلماتك اقتباس:
ومش بلاقي جواب ربنا يقدم اللي فيه الخير يارب شكرا لمرروك محمود اقتباس:
بس انا بقي مش عارفه قراراي ده ايه شكرا يامصطفي لمرورك العطر |
والله انا محتاره زيك واكتر ادامي اكثر من طريق ومع ذلك لازلت محتاره يعني انا نفسي ادخل اداب شعبه فلسفه وفي نفس الوقت بحب الصحافه جدا وعاوزه ادخل اعلام وبرضه تجاره انجليزي مستقبلها جمييييل جدا وهو دا الشيء العملي من الاخر :d واعدت افكر وافكر وافكر لحد ما زهقت وقررت اني مشغلش نفسي بحاجه حاليا واخلي كل شي في وقته واركز اني اكون مرحله اولي احسن اعملي زيي بدل ما يجيلك ارتكاريه من الصداع ومنعرفش نلحئك:d ولما ييجي وقتها ابقي صلي صلاه استخاره |
اقتباس:
بس المشكله ان تقربيا معندناش القسم هنا في اداب اسكندريه وانا مينفعش اطلع بره اسكندريه ربنا يقدملنا اللي فيه الخير |
اقولك حاجة دة رايك فى الاول والاخر اوعى تخلى نفسك مثلا بقى شباب الثانوية تححديد الكلية هو المجموعة وانا عن نفسى دلوقتى فى تجارة وبحب الكلية جداااااااا وعمرى مزعل انى دخل بس انا زعلان عشان دة تجارة عين شمس اصعب كلية تجارة فى مستوى مصر بس بجد المجال بتع المحاسبة جميل جدااااااا
والاداب فى اقسم انجلش وفرنساوى واثار الشرق القديم والاثار اليونانية |
وربنا معاكى
يحب ان تتخذى القرار ماذاتحبى انا تكونى وليس ماذا يجب انا اكون بهذا المجموع |
اقتباس:
اقتباس:
وان شاء الله ربنا حيسر كل حاجه هو وكيلي وانا مش طالبه غير الخير اي كان في اي كليه شكرا محمد لنصحتك |
ربنا يقدم مافيه الخير لكل المسلمين
|
اولا لازم يكون عندك هدف علشان تجتهدى
وتحاولى ان انتى تحققى الهدف وما ينفع تعيشى من غير هدف لان لو عشتى من غير هدف هتعيشى من غير امل وحددى كلية هدفك واعملى اللى عليكى علشان توصلى للهدف دا والباقى على ربنا ومن رايئ كلية تجااااااااارة وربنا يوفقك |
| جميع الأوقات بتوقيت GMT +2. الساعة الآن 12:50 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.