بوابة الثانوية العامة المصرية - اللي يعرف امتى يقولي

بوابة الثانوية العامة المصرية (https://www.thanwya.com/vb/index.php)

- كليات المجموعة العلمية (https://www.thanwya.com/vb/forumdisplay.php?f=159)

- - اللي يعرف امتى يقولي (https://www.thanwya.com/vb/showthread.php?t=373445)

lokyyy

23-09-2011 05:29 PM

اللي يعرف امتى يقولي

سنة اولى علوم القاهرة هنختار المادتين الاختياريتين امتى ؟؟؟؟؟؟؟؟؟؟؟؟؟؟؟؟؟

عـــادل

23-09-2011 08:45 PM

التسجيل هيبتدى يوم 25 وافتكر تسجيل اولى هيكون يوم 28 وهتبدى الدراسة من يوم السبت 1-10

والمادتين طبعا بتختارهم وانت بتسجل المواد مع المواد الاساسية التانيه رياضه وكيمياء وفيزياء

bent elhob

23-09-2011 09:21 PM

لو سمحت ايه المادتيتن الاختيارتين دول ؟ الصراحه انا اول مره اسمع عنها واخر مره روحت الكليه كان للكشف الطبى فى حاجه تانيه كان المفروض اروح لها ؟؟؟

عـــادل

23-09-2011 09:30 PM

الجبر والاحصاء فى التيرم الاول هما دول لان مرتبط بيهم مواد فى تانيه

اخدتى الكود والباسورد علشان تدخلى على صفحتك فى موقع الكليه الخاص بالتسجيل ولا لسه لو لسه روحى خوديه بسرعه

lokyyy

23-09-2011 09:58 PM

طب ممكن اغير المواد بعد ما سجلتها و لا لأ و لو ممكن التغيير هيبقى مفتوح لحد امتى

عـــادل

23-09-2011 10:47 PM

اها ممكن التغيير بمواد تانيه واسم العمليه ده : حذف واضافة وبتكون لحد 4 اسابيع من بدى الدراسة

the spider mido

24-09-2011 02:03 AM

طيب والمادتين الاختياريتين دول ليهم علاقه بالتخصص في تانيه؟
يعني مثلا لو عايز ادخل كيمياء حيويه ...اخد ماده كيمياء حيوي؟

bent elhob

24-09-2011 10:53 AM

اقتباس:

المشاركة الأصلية كتبت بواسطة عـــادل (المشاركة 3996701)

الكود والباسورد بيبقوا فين ؟ انا مش عارفه ان كنت ختهم ولا لا اصلا
ولو سمحت ايه موقع التسجيل ده ؟؟
وهو هيحصل حاجه لو روحت ختهم يوم السبت وخلاص لازم قبل الدراسه ؟؟؟
طب و بخصوص التنسيق الدااخلى هو انا اعرف انا قبلت فى اى قسم ازاى ؟؟

el_amal

24-09-2011 11:13 AM

وانا ولا اعرف انتوا بتقولوا عن ايه ؟؟
كود ايه ؟ هو انتوا روحتوا الكليه بعد الكشف الطبى ؟
وتسجيل ايه اللى 28 الصراحه انا حاسه انى ناايمه
انتوا عملتوا حاجه غير الكشف الطبى ؟
انا مااختش حاجه من الكليه الا دليل الطالب ووصل الدفع والبطااقه الخضرا بتاعت المستشفى دى
غير كده مااعرفشى
يااريت تطمنونى انتوا قلقتونى الصراحه
ولو اروح اروح اخد الكود ده منين ؟؟ وينفع اروح اخدته كمان يومين ؟ يعنى ينفع اروح يوم 27 ؟؟ اخد الكود ولا هبقى اتاخرت ؟؟
معلشى بس طمنونى الله يخليكم

lokyyy

24-09-2011 09:43 PM

اقتباس:

المشاركة الأصلية كتبت بواسطة the spider mido (المشاركة 3997533)

اه كل مادة بتاهل لقسم معين يعني لو عايز كيميا حيوي بتاخد مادة حيوان بالاضافة الي انك لازم تجيب جيد في الكيميا في التيرمين و تقدير عام جيد و القسم ده بياخد اعلى 60 واحد متقدم له
كل الكلام ده هتلاقي على موقع كلية العلوم جامعة القاهرة

lokyyy

24-09-2011 09:46 PM

اقتباس:

المشاركة الأصلية كتبت بواسطة el_amal (المشاركة 3998177)

انا خدت الكود و الرقم السري يوم الكشف الطبي من شئون الطلبة و دول الي هنسجل بيهم المواد على موقع الكلية

عـــادل

25-09-2011 04:20 AM

انا بتكلم عن علوم القاهرة

موقع التسجيل اهو

http://sareg.sci.cu.edu.eg/

اولى هتكون يوم 28 -9

وتحديد التخصص بيكون من بعد النجاح فى اولى وايضا اختيار مواد التخصص المطلوب والنجاح فيهم

el_amal

25-09-2011 10:03 AM

اقتباس:

المشاركة الأصلية كتبت بواسطة lokyyy (المشاركة 4000249)

انا خدت الكود و الرقم السري يوم الكشف الطبي من شئون الطلبة و دول الي هنسجل بيهم المواد على موقع الكلية

اقتباس:

المشاركة الأصلية كتبت بواسطة عـــادل (المشاركة 4001065)

انا دورت فى علوم المنصوره ماالقتش حاجه تسجيل غير للساعات المعتمده
على كل انا هروح ان شااء الله يوم التلات اخد الكود والرقم السرى وائال فى شئون الطلبه
وشكرا لردودكم
وربنا يوفقكم

bent elhob

25-09-2011 12:34 PM

السلام عليكم ورحمه الله وبركاته

انا اتصلت بالشئون الوقتى انا بتكلم عن علوم المنصوره
وقالوا لى ان الكود والرقم السرى هاخده اول يوم فى الكليه عاادى ومش هستخدمه الا لما اعرف انا شعبه ايه واحنا هنعرف اول يوم فى الكليه

وفى رعايه الله
والسلام عليكم ورحمه الله وبركاته

lokyyy

26-09-2011 06:11 PM

انا روحت الكلية ( علوم القاهرة ) انهاردة و سئلت في شئون الطلبة قالي يوم 1 / 10 ؟؟؟؟؟؟؟؟

جميع الأوقات بتوقيت GMT +2. الساعة الآن 12:31 AM.