ارجو الرد ضرورى
 

يا جماعة انا مش عارفة محتارة جدا عايزة اخذ ايطالى وانا كنت 3 سنين اعدادى فرنساوى بس ناس كتيرة قلتلى الايطالى ساهل ياريت حد يفدنى ويرد عليا ضرورى وانا هتعب فى الاساسيات ولا لا وهلاقى حد بينزل مذكرات ايطالى فى بوابة الثانوية جزاكم الله كل خير

اللغة الايطالية لغة بسيطة وجميلة ولغة موسيقية وسهلة جدا عبارة عن اربع ازمنة اولى وتانية اولى زمانين وتانية زمانين فقط بالنسبة للسئلة الحضارى سهلة جدا عبارة عن عدات فى المجتمع الايطالى من حيث الاكل والمقبلات اشياء من هذا القبيل بس شيقة جدا وانشاء الله ابقة انزل الحضارى وتتعرفى عليها مع الترجمة لها وانشاء الله تتبسطى من اللغة الايطالية لانها لغة ممتعة انت فى مدرسة اية ومن محافظة اية ؟

انا من محافظة اسكندرية مدرسة حمزة بن عبد المطلب فى العجمى

بصي يا ستي انتي درستي فرنساو ي تلات سنين وهتدرسي فرنساوي بلكنه مختلفه سويه لاني الايطالي اقرب للفرنساوي من اي لغه تانيه وبصراحه عشان تيجيبي الدرجه النهائيه انا بشجعك تاخدي ايطالي لانه اسهل واهم دلوقتي من الفرنساوي كلغه تانيه

شكرا لحضرتك على الاهتمام ويارب تكون مادة سهلة

لو سمحت ممكن لو حد عارف اسم كتاب خارجى
وكمان انا عايزة اعرف اللى فى المدارس اللغات بياخذوا الهاى ليفل وءول ليفل وفى سنة تانية بيتشال الهاى ليفل من عليهم ولا بيستمر ولا شبة الفرنساوى بيتشال
ولا اية النظام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ارجو الرد

أنا كنت باخد 5 سنين فرنساوى وبردو ناس كتييييييييييييييير نصحونى بالإيطالى عشان السهولة وكدة
فـ ئلت بما إنى متأسسة مظبوط فرنساوى نضيف لغة جديدة كمان لمحصلتنا وإخترت فعلاً إيطالى
ولغاية ناو مش ندمانه خااااالص بجد

عن الكتاب أنا سألت وناس ئالولى كتاب البريمو لكن لغاية ناو مش لئيته

مش فاهمة السؤال
ومعتقدش عندى إجابة عليه

على أى حال
ربنا يوفئنا يا توتة يا رب :)


سنيور حسام
ممكن أسأل يعنى إيه حضارى د ؟
د نوع من أسئلة الإمتحان ولا د إيه يعنى ؟
معلش هى لغة جديدة وإلى حد ما تايهين حبه ..

السلام عليكم الحضارة دية اسئلة ثقافية عن الحياة الايطالية وهى بسيطة جدا وسهلة جدا ويوجد كتاب خارجى اسمة البريمو موجود فية شرح والحضارى وانشاء الله لو وقفتى فى اى شىء انا موجود بأذن الله معاكم

جزاكم الله خيراً سنيور حسام :)

انا بسال يا سمسمة عن الاضافى الايطالى بيتشال من تانية ثانوى ولا بيفضل موجود ؟؟؟؟؟؟؟

بس مش عارفة لية كل مدرس ايطالى بيقول كلام شكل هى مش مادة واحدة والقواعد بتاعتها واحدة يبقى لية كل مدرس لى كلام وطريقة نطق مختلفة ؟؟؟؟

موضوع طريئة النطئـ د عاااااااااادى جداً :)
ذى بالظبط الـ English كل مدرس نطئه مختلف حسب أسلوب كلامه هو نفسه
بس إحنا خلاص بأه عندنا خبرة فـ بنميز مين نطئه أصح وبنتعلم منه ;)
والفرساوى كمان
أكيد الإيطالى كمان كدة
وعشان مش عندنا خبرة فيه مش هنعرف مين بينطئـ أصح
لكن من رأيى مش مهم موضوع النطئـ أوى يعنى ع الأئل فـ السنة الأولى فـ اللغة
بس لو مهتمه بالموضوع ممكن تتعاملى مع المواقع اللى بتعلم إيطالى لأن اللى بيكون عاملها ناس من البلد نفسها فـ شور بيكون نطئهم صح أو ممكن إسطوانات أو فـ الأجازة إبدأى كورسات إيطالى

وربنا يوفئك يا توتة :)

merci ya 2mar 3la elahtmam wrbna yaf2k wtkon mada lazeza
3la fekra ktab primo nazl wagabto an sh2 allah tla2h
bs anty mnen wfe school eah ????

ياجماعه على ضمانتى الايطالى ماده بسيطه جدا انا كان بيشرحهالى مدرس كان دارس فى ايطالى دا مهم جدا علشان طريقه النطق لو حد محتاجه انا ممكن ادلكم عليه هوا فى اسكندريه علفكره

أنا الحمد لله لئيت البريمو خلاص
أنا يا توتة من القاهرة .. وإنتى ؟ :)