المدرسين هفية للاسف
 

مع احترامى للجميع اتضح فى الفترة السابقة ان المدرسين هفية
فى الوقت التى تطالب الحكومة الشرطة بالعودة
وناقصين يبوسوا على رجلهم
ولم يتعرض لهم احد
وفى الوقت اللى هما راقدين مبيعملوش حاجة وسايبين كلابها فى ديابها
وبالرغم من انهم زودوا مرتباتهم (اللى مش محتاجة اصلا فاتحدى ان يقف ضابط على طابور العيش وكفاية يبعت عسكرى السوق بجنيه واحد يشترى الخضار والفاكهة ويرد له العسكرى الباقى )
كل ده
والحكومة تعبأ وسائل الاعلام لقتل وذبح المدرسين لانهم هفية المجتمع
فلم نسمع الحكومة تطالب بالانقضاض على الدكاترة وغيرهم
ولكن عشان اننا هفية
يا ريت نجمع تصريحات اى احد اساء للمعلمين ونرفع قضايا أو نعزله بايدينا طالما بقت عافية واولياء الامور بيتعدوا على المدرسين بالسب والضرب بدفع منهم
وتذكرو اننا فى مرحلة اللاعودة
بمعنى اننا لو تراجعنا انتهينا

اذ الفاضل أيمن البيلى تراه فى الظهيرة يلهب حماسة المعلمين فى الوقفات وفى الإضرابات ويطالب بعزل الوزير ويطالب الحد الأدنى للأجور 3000 جنيه أى يمكن أن يصل الحد الأعلى للمعلم ألى عشرة ألاف وتراه وتراه ثم فى المساء تجده جالسا فى الإستوديوهات تحت التكييف وأمامة القهوة والساقع يقول كلام غير الذى نسمعه منه فى المنصة يطالب بكل قوة وحماس بحقوق المعلم
فقد أعلن السيد الأستاذ أيمن أنه سيعلق الإضراب والإعتصام إذا ما سمع تصريحات جيدة من رئيس الوزراء
فهل كل ما فعلناه يا أستاذ أيمن من جهد وحرق أعصاب وما تعرضنا له من مضايقات وتهديدات من مدير المدرسة فما فوق من أجل ان نسمع فى النهاية كلام ووعود من أى مسئول كان أم من أجل تحقيق مطالب فعلية .
أنت بذلك يا أستاذ أيمن تعطى الوزير ورئيس الوزراء حبل النجاة وفى نفس الوقت وبنفس الحبل تعطيهم الفرصة لصنع المشنقة التى سيشنقون بها المعلم والتعليم كله .
ما المشكلة ان يخرج رئيس الوزراء يقول سنعمل للمعلم كل ما يريد وسنعطيه كذا وكذا وينتهى الإضراب الذى هو وسيلة الضغط الوحيدة .
وتمر الأيام والأسابيع ولا يتحقق شيء ويقولون لمن يستعجلهم لتحقيق الوعود أصبروا هو ربنا خلق الدينا فى لحظة الدينا أتخلفت فى ستة أيام .
ولما ترجع تقول نعمل إضراب بعد ما يمل المعلمين يكون فاتت السنة وكل عام وأنت طيب
أو يكون رئيس الوزارء مشى وأتى غيره ويقول أنا معرفش حاجة عن اللى قبلى وموت ياحمار اقصد موت يا معلم
المفروض يا أستاذ رئيس النقابة الفرعية يكون تعليق الإضراب والإعتصام بتحقيق المطالب وليس بوعود بتحقيق المطالب وخصوصا لما نعرف إن فيه آلاف من المستشارين بيستلموا رواتب شهرية فوق الخمسين ألف جنيه يعنى لا جدول زمنى لتحقيق المطالب بس يعدل الحد الأقصى للأجور ودى مش محتاجة أكثر من دقيقة واحدة وليس حتى يوم كامل
أنت بتغلط نفس غلطة الإخوان اللى اتحرقوا والناس كرهتهم كلهم ومتوعدين لهم فى إنتخابات مجلس الشعب ورئاسة الجمهورية .
أرجو إن النقابة المستقلة تراجع حساباتها ويكون كل رهانها على جموع جماهير الشعب لأن بعد الثورة الموازين تغيرت والإخوان بيلعبوا بنفس موازين قبل الثورة ولذلك سيخسرون كل شيء

لقد مات المعلم ولن نتقبل العزاء فيه

مفيش كلام يتقال بعد كلامك
ربنا يبارك لك

ربنا يبارك لك

حتى ائمة المساجد لم نسلم من السنتهم وياريت حد يفهمنى الوزير يعتبر فصل مكافئه المتحانات انجاز على حد علمى دى مفصوله من زمان وليس استجابه