ولى امر يدعى على المدرسين " قصة حقيقية "
 

استغاثة من موظف راتبة 1300 وبيدفع ايجار 850 جنية بيقول الله يخربيت المدرسين عاملين زى الجزارين ماسكين سكينة تلمة وبيقطعوا فينا طبعا الكلام دة وانا فى الشارع وعند بقال بشترى حاجات سمعت الكلام دة قلتة لية كدة بتشتم المدرسين لية وبصراحة كنت خايفة اقول ان انا مدرسة يغلطفيا المهم سمعت قصتة بيقولك هو موظف كل ماهيتة 1300 جنية وعندة اربع اولاد فى تعليم فى مراحل مختلفة وبيدفع بس 850 جنية المهم جهز حاجة ولادة ووداهم المدارس وبعدين فوجئ بالاضراب ومدرس متاسفة فى اللفظ منتهى القذارة قالة ماعتش شغل فى المدارس فى اضراب عاوز تعلم ابنك هاتوا دروس عندى والا مش هيعرف يشتغل لان احتمال الموضوع يطول فأنت ماتعتمدش على المدرسة المهم اضطر انة يرضخ لكلام المدرس دة وعرف مكانة سالة على الميعاد والاجر قالة الساعة 5 والساعة ب 100 جنية وعلشان ظروفك هتكون ب 80 جنية غير الورق والمذكرات ودة الحل اللى قدامك قالة عدد افراد المجموعة كام المدرس قال 40 طالب يعنى فصل

قعد يشتم فى الدروس والمدرسين والاضرابات بالله عليكم تعملوا اية لو انتوا مكانة ؟؟؟؟؟؟؟؟؟؟؟؟؟؟

وبجد انا زعلانة على الحال دة

ارجوكم باسم كل معلم شريف يحترم مهنتة ويحب وطنة وباسم كل ولى امر لا نعطى فرصة لامثال هذا المدرس ان يسئ لسمعتنا وانا متاكدة ان منهم كتير قف الاضراب

متشكرين يا مروة
واحنا تضامنا معاه هانكمل الاضراب
لان من مطالبنا تجريم الدروس الخصوصية
او على الاقل تخفيض الاسعار
اصل حرام يكون المبلغ 80 فى الحصة
ارحمو اولياء الامور

ارحموا الناس يرحمكم الله
ربنا يبارك فى القليل الحلال
والعلم من الله مش منكم
عماد عرفه معلم علوم ابتدائى

لا حول ولا قوة الا بالله بيتاجروا فى هموم الناس تعالوا نتكاتف وبلاش نديهم فرصه

يلهوى 100 جنيه فى الشهر قصدى الحصة والله يا اخوانى انا بعطى دروس زيه ب 10 جنيه فى الشهر والله العظيم عشرة جنيه فى الشهر الشهر الشهر الشهر ......................

معلش يعنى هو خلف
لية هو مش عارف ان لم العيال بتكتر بتكتر المصريف ولا هو من المريخ ومعلش ميوديش عيالة الدروس مش يمكن السنة تتاجل ومرتبة 1300 يا بختة انا مرتبى 315 ومتزوج وخلف يبقى حرام علية هو يبقى يدخلهم ممجموعة فى المدرسة ولا هية فشخرة وخلاص وياريت يرحمونا بقى من الارف دة وينفذوا المطالب علشان محدش زيك يتكلم تانى وعلى فكرة لو انتى مرتبك زاد ياريت تحطية فى الجامع علشان تبقى ساعتى ناس بمرتبك اصلك مش عاوزة اه نسيت انتى وحدة ست وفى الاخر جوزك هيصرف وانتى ملكيش دعوة

اصلا مش كل المدرسين بيدو دروس

لا تعليق عليك واضح انك ما فهمتش

معلومة بسيطة انا مش متزوجة يعنى همى زيك بس الفرق اللى بينى وبينك انى فاهمة ظروف البلد انما انت مش فاهم وروحوا كويس اطلبوا حقوقكم بالادب ولو ان بالكتير ترفعوا لافتاتتطلب حقوقكم مش بطبل وتصقيف لا لو بالطبلة هاتوا بمزيكة حسب الله اصل عيب المدرس يطبل ويهلل سيبوها للعوالم وبلاش قرف وبانسبة لفلوسى حتى لو ذدت بردة هتبقى حلال لانى تعبت فيها فى وقت المساخيط اللى زيك واللى محسوبين علينا مدرسين مش بيشتغلوا لا واية واقفين يطبلوا وعارفين انهم بيتصوروا بلاش قرف
وبالنسبة للعيال فدة رزق من عند الله ويدى مجموعات ازاى اذا كان فى اضراب يعنى مضطر

مشعارف ليه حاسس انها وسعت منك شوية بلاش بقي تعملي فيها شهيدة العلم الالهي وان المدرسين كلهم خونة
لما يكون رئيس الوزراء بنفسه اقتنع بمطالب المعلمين تيجي انتي هتبقي ملكية اكتر من الملك ومع ذلك الحكومة رضخت لمطالب المعلمين والمعلمين هما الي انتصروا وده عكس كلامك الي قولتيه قبل كده ان الحكومة هتضحك علي المدرسين المهم لما تيجي الزيادة لمرتبك لو عندك كرامة بلاش تقبضيها

أستاذه مروة أنا زهقت منك
أسف
ربنا يرزقك بإبن الحلال إللي تطلعي عينه
متزعليش أنا بهزر

والله عندك حق