لابد من وقفه جاده مثل سائقى الهيئه
 

طول عمرنا بنعلم التلاميذ انهم يمشوا جنب الحيط لحد مابقى منهجنا من الحياه اليوم اتعلموا من السائقين اللى رفضوا تعليق الاعتصام وسيبتوهم ورجعتم بيوتكم دون تحقيق اى مكاسب بعض الوقفه العظيمه اللى استعجبت منها مصر اتعلموا بقى وسيبوكم من السلبيه وبلاش وانا مالى اللى خلت اولياء الامور يدوسوكم باقدامهم مبيخدش الروح الا اللى خالقها واقفوا جنب الاشراف اللى رفضوا فض الاعتصام واتعلموا منهم الشرف وفى النهايه انا اطالب بحقى باسلوب مهذب مهما تعرضت للاخطار

هههههههههه هى البلد لسه متحرقتش انت عايش فين لما المدرسين والمدرسات ينضربوا داخل المدارس بمعرفه الشرطه كمان هى فين البلد دى ادفن راسك فى الرمل واسكت

لا كرامه للمعلم الا بالاتحاد

اطلع برة فورا...ايه اللي جابك العنبر ده؟؟؟؟انت والعياذ بالله عاقل؟؟؟؟؟
هنا الكلام لبتوع ولعوها واحرقوها وان وقع بيت ابوك الحق لك منه قالب
هنا عنبر بتوع الطاخ طيخ طوخ
هنا عنبر الخطرين...
انت شكلك بتفهم....انفد بجلدك يابني

بذمتك انت معلم لوكنت معلما على الله العوض فى حق الاجيال القادمه

شوف الردود الناس المحترمه اللى اتشرف بانتمائهم لمهنه التدريس بارك الله فيك

ايه اللغة المهذبة دى !!

ولما المدرسين عملوا الاضراب قبل بدء الدراسة محصلش احتكاكات ليه
الفكرة ان الناس مشحونه والمطالبات الفئوية مهما كانت مشروعه فلها ضوابط

وفى وسائل كتير ننقل بيها مطالبنا
زى عمل الاضراب يوم واحد من كل اسبوع
او الامتناع عن مراقبة الامتحانات وتصحيححها
ولا لازم نحط العقده فى المنشار ؟!!

انا عضو بالمنتدى ده من مده كبيره قبل اصلا ما يتقسم الى منتديات تانيه
عودت نفسى على احترام نفسى وذاتى بان استفيد من الكلام المفيد وارمى الغير مفيد ورا ضهرى
لانى متأكد ان مناقشه الانسان المتعصب لا تجدى نفعا
واتعودت اعبر عن رايى للناس اللى بتحترم اراء الاخرين اما من يسخر او يهزأ فلا اهتم بكلامه مطلقا

اقول هذا ليس تعليقا على كلامك ولكن توضيح لموقفى من عدم التمادى فى جدال لا فائده منه
وشكرا لحسن ظنك فيا

وده كلام صح الصح
بس الاتحاد على ما يفيد وينفع
وتعاونوا على البر والتقوى

كل اللى عاوزينه اننا نتحد على ماينفع الناس لما شرف ينزل لكل من تظاهروا ويحقق لهم طلباتهم ويهمل المدرسين مش حاجه تحرق الدم لما اختك وزميلتك تنضرب فى المدرسه عشان مدير الامن ذهب للمدرسه ورفضوا تعليق الاضراب مش حاجه تحرق الدم لما يوصفوا المدرسين بمصاصى الدماء مش حاجه تحرق الدم انا بحب مهنتى وبحب بلدى مصر بس مصر اكبر من المشير وشرف واحمد جمال الدين اللى بيحصل لنا ده غلط ولازم يتصحح

طبعا انت فاهم قصدي...انا مبسوط من منطقك وفكرك...لأنك شخص باصص لقدام مش تحت رجليك...وطبعا اسلوبي فيه سخرية - مش منك طبعا - سخرية بطعم المرارة لأنك لو راجعت موضوعاتي ومشاركاتي تلاقيني بحاول استخدام التفكير ده والمنطق ده...تلاقي الردود في منتهى العنف والسذاجة في نفس الوقت...كأن المعلمين بهذا المستوى من السطحية والسفهحتى يقال:أليس منكم رجل رشيد
ثم سبحان الله يبص تلاقي العاقلين الفاهمين بدءوا يظهروا واحد ورا التاني - أمثالك - ويفاجأوا بردود من عينة : اضراب لحد ما يعرفوا قيمتنا - الوزير الغبي - خياااااااانة - وهكذا كلمات تجيب صداع...تقولش قرع طبول حرب يا أخي
ربنا يكرمك ويوفقك................
ويهديهم

عندك حق....الاجيال القادمة مهددة ...لا والاجيال السابقة كمان....دا يمكن عالم الحشرات والزواحف كمان في خطر
نصيحتي لك....روح اتعالج