|
الحقوووووووووووني بخصوص التحويل الورقي
بسم الله الرحمن الرحيم
العضوية مستعارة انا اترشحت لمعهد كفاية انتاجية الزقازيق (معهد حكومي جوة الحرم الجامعي) و مجموعي جايب دار علوم القاهرة و بالفعل رحت قدمت تحويل ورقي في مكتب التحويلات بالمدينة الجامعية بالقاهرة و قالولي النتيجة بتطلع على اول الدراسة المشكلة بقى ان انا دلوقتي مفروض اقدم ملفي في المعهد دا ولا لأ ؟ لان الناس قدمت في كلياتها و انا لسه و خايفة اضييييييع و كمان ناس عملت كشف طبي و انا معملتش اي حاجة كل اللي بعمله اني قاعدة استنى نتيجة التحويل ممكن حد يكون فاهم ويساعدني ؟ انا خايفة السنة تروح علي ارجوكم و شكراً ليكم :blush: |
انت عامله التحويل ده متي لو كنتي عملتيه في رمضان يبقي المفروض تكون النتيجة ظهرت
و لو عملتيه في الفترة الأخيرة فقدمي في الزقازيق أضمن علشان السنة متروحش عليكي و لما النتيجة تظهر اسحبي الملف و اقدمي في القاهرة عادي و مالكشف الطبي بيتعمل في وقتها و مفيش قلق خالص و لو مش عاوزة تقدمي اسالي التقديم هيخلص في معهدك في الزقازيق و قدمي قبلها و التقديم بيفضل مفتوح لفترة معينة بعد ما الدراسة تبدا عادي و متقلقيش خالص لأن كل التحويل الورقي السنة دي بيتقبل بنسبة 100% |
انا عندى نس المشكلة بتاعتك انا محول من تجارة انجلش طنطا الى تجارة عربى القاهرة ولسة النتيجة مظهرتش وروحت النهاردة قالولى تعالى الاسبوع اللى جاى وانا مش هينفع اقدم فى تجارة انجلش الا لما ادفع الفلوس وانا مش هقدر ادفع الفلوس حد يقولى اعمل ايه بقى
|
خلاص استني يا احمد لغاية لما النتيجة تطلع
|
طب نسبة قبول التحويل كام
|
100%
كل اللي كانوا حولوا في رمضان تحويلهم اتقبل انا مشوفتش و لا واحد تحويله متقبلش نهائي يعني اطمن هتقبل بإذن الله بس لازم برده تعرف التقديم هيقفل امتي في تجارة انجليزيعلشان لو كانت نتيجة التحويل هتتاخر اوي يعني بعد ما التقديم يقفل في اللي جالك تلحق تقدم قبل ما يقفل و اطمن لولا ان الدراسة اتاجلت السنة دي كانت نتيجة تحويل اللي حولوا في رمضان ظهرت بعد ما الدراسة تبدأ |
طل ماهو التقديم فى تجارة انجلش هيخلص يوم الخميس يعنى بكرة وانا كده كده مش عندى امكانية انى اقدم فيها هيبقى ايه العمل ساعتها
|
هى بصراحة مشكلة يا استاذ احمد
بس انا اخويا تجارة انجليش هساله على نظام الكلية ممكن يكون ازاى فى الحالة دى بس الافضل تسال فى الكلية ايه الحل |
اقتباس:
|
سالت ناس فى الجامعة قالولى اخر يوم يوم 1|10
|
اتاكد برده
و لو كده قدم بقي و خلاص علشان السنة متضيعش عليك |
شكراً يا نيجو ربنا يطمنك و يسمع من بقك ياااااااارب و يقدم اللي فيه الخير
و ربنا يفرحك بحق مساعدتك ليا يارب و لو ممكن سؤال اخير هو انا لو قدمت في الزقازيق و النتيجة ظهرت بتاعة التحويل و قبلت و جيت اسحب ملفي هل هاخد مصاريف الدراسة اللي دفعتها تاني ولا هتروح عليا ؟ |
انا نفس المشكله جاتلى زراعه وحولت سياحه وعملت القدرات اليومين الا فاتوا ونجحت
وروحت المركز الرئيسى للتنسيق فى جامعه الفيوم قالى استاذ هناك انى ما اقدمش فى زراعه ولما ورق بطاقات الترشيح يجى ع يوم الاثنين هقدم فى سياحه |
اقتباس:
و الصراحة مش عارف إذا كانوا بيرجعوا الفلوس و لا لأ أصلي مقدمتش قبل ما احول بس بيتهيألي مش بترجع و ممكن حد من اللي قدم قبل ما يحول يرد عليكي |
والله يا جماعة انا كان جالى فى الترشيح معهد عالى خدمة اجتماعية وانا مجموعى جايب تجارة مفتوح السادات انا من القاهرة ورحت ادارة شبين الكوم فى المنوفيه وعملت التحويل الوارقى وقالولى النتيجه هتظهر بعد اسبوعين انا كانت مراحاله ثالثة ولما رحت المعهد الخدمه الاجتماعيه على شان استفسر على التقديم يحسن يروح عليه ومعرفش اقدم فى حاجه خلص قالولى اخر يوم التقديم 12/10
وانا مش عارف اعمل ايه ومش عارف انا هتقبل فى التجارة التعليم المفتوح ولا لاء ولا ايه النظام بقا انا خايف تروح عليه التقديم ... ؟ ياريت لو حد يفدنى بمعلومة انا مش عارف اتصرف بالله عليكم يا جماعه حد يقولى اعمل ايه .. ؟ |
| جميع الأوقات بتوقيت GMT +2. الساعة الآن 09:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.