الغياب بالنسبه للثانويه العامه
 

دلوقتى انا فى 2 ثانوى وباخد دروس فى كل المواد و اوقات الدروس و المذاكره مش متوافقه مع المدرس ده غير ان مدرسين المدرسه محدش فيهم بيشرح حاجه يا بيسبونا يا يفضلو يهزءوا فينا ولما نغيب يقولو بعد 15 يوم هنعمل فصل للطلبه فها الموضوع ده صحيح يعنى لازم نحضر كل يوم ولا عادى ممكن يوم او 2 فى الاسبوع ياريت اللى جرب المواضيع دى يفيدنى

دا صحيح ولو 28 يوم تعيد قيدك

بصى طالما لسة ما كتبتيش الاستمارة يبقى لازم تروحى لأنهم لو حولوكى منازل هتبقى لجنتك مشكلة انما بعد الاستمارة لو حتى حولوكى منازل هتفضلى فى نفس لجنتك بتاعة 2 ثانوى يعنى احنا السنة اللى فاتت بعد ما عملنا الاستمارة ما روحناش ولا يوم

يعنى لازم اروح كل يوم شكرا لردكم

لا مش لازم اعملى اجازات مرضى

هو بصراحة احنا عندنا كانوا كده
يوووووووووووووووميا
كانوا بيهددونا بالغياب والارف ده
كل يوم نفس السطوانة ساعة لما يجوا ياخدوا الغياب فى 2 وفى 3
احنا بصراحة جت معانا حظ و ان السنتين كانوا فى البيت الحمد لله
2 عشان انفلونزا الخنازير
و3 الترم التانى عشان الثورة
وكان كل يوم اشاعة فى المدرسة ان واحدة اترفدت
بجد بيحوروا فى اى هتش وكلام ملوش لازمة
ومدرستى كانت والله من النوع المتششد اللى يخنق
ربنا يوفقك ان شاء الله

انا نفس المشكلة بس ايه الاستماره البتتكلموا عليها

انا بقي مسافره بره و هارجع اخر 11 و مافيش دروس لما ارجع هاخد بس اللى طمنى شويه انى تانيه مافيهاش ترم بس هى الاستماره دى بتبقي امته

حولى مدرسه خاصه وريحى دماغك

لا لازم تروحى يوميا وبعدين خدى مزاكرتك معاكى ووجبك واعمليه هناك احنا كنا بنعمل كده زاكرى ف الفصل عادى عشان كمان انتى تانيه وفيه اعمال سنه تقريبا فروحى عشان مصلحتك ف الاول والاخر

الاستمارة دى ع ماتزكر بتبقى ف اواخر الترم التانى وهى ال بتكتبى فيها انتى علمى ولا ادبى والمواد ال مختراها لتالته بس

انا رحت اول اسبوع فى المدرسه بعدين مروحتش نهائى وباخدها منازل عادى جدا
وسألت فى المدرسه قالولى هتمتحنى عادى جدا وفى نفس لجنتك مفيش اى اختلاف
والمنازل مش بتأثر على اى حاجه
انا دلوقتى فى 2 ثانوى على فكره

الاستمارة دي انتي بتكتبيها على اخر سنة قبل الامتحانات
وكده كده المدرسة هتقولك بقى على الحاجات الي لازم تتعمل بالنسبة للاستمارة
زي المصاريف والصور:av4056bb7jp3:
وفي الاستمارة بتكتبي المواد الي انتي بتخديها في تانية وتالتة:006et4:
بس خلي بالك وانتي بتكتبيها
تكتبي كل حاجة في مكنها ومش تتلخبطي:slap1qk6:
وربنا يوفقك ^_^

انا مش بروحالمدرسة وخايفة