لو جالك عريس مش بيلبس بدلة متوفقيش عليه
 

طبعا يمكن العنوان مش مفهوم بس هنوضح هنا
فيه كتير ناس مش بتوافق تلبس البدلة سواء في الفرح أو في المناسبات الأخرى
يعني ممكن يكون بيتكسف أو مثلا مش بيحب المنظرة وعلى فكرة أغلب ناس ميحبوش يلبسوا البدلة هما المدرسين بينما المحامين والصحفيين ورجال القضاء والأطباء بيلبسوا البدلة
هما ليه المدرسين ميحبوش يلبسوا الدلة؟
وهل نظرة الناس هتتغير للمدرس لو لبس البدلة؟
هل البدلة مقصورة على ناس معينة ولا وظيفة معينة؟
هل انت بتحب تلبس البدلة؟
هل لو جالك عريس مش بيحب يلبس البدلة هتوافقي عليه؟
هل هتسأليه انه بيلبس بدلة ولا لأ؟

تسلم ايدك ع الموضوع اولا المدرسين مش حكايه انهم مش بيحبوا يلبسوا بدله لا هو عشان المهنه بتاعتهم متعبه فبيفضلوا انهم يلبسوا بنطلون وتيشرت يعنى لبس مريح وكمان الحر وطبعا لو المدرس لبس بدله الناس مش هيغيروا نظرتهم ليه ولو ده حصل يبقى سورى يعنى ده هبل وبعدين الانسان مش بمظهره لا بمعدنه هو المظهر عليه عامل صحيح بس برده الشخصيه بتبقى اهم حاجه وطبعا البدل ديه مش بالوظائف لا ده ع الانسان نفسه الا اذا كان الشغل بيطلب يونيفورم معين uniform لو جالى عريس مش بيحب يلبس بدله شوووووووووووووور هوافق عليه لو شخصيته محترمه وكويس وابقى عبيطه لو فكرت ف البدله ولا ف التيشيرت ههههههه وطبعا هساله مجرد سؤال عادى بيفضل يلبس ايه كاجوال ولا بدل any way مش هترفق برده معايا وتسلم ايدك ع الموضوع

عمر ما كانت ملابس الانسان بتدل على شخصيته
المفروض ان افعاله وقيمه اهم
اما بالنسبة للمدرسين فما مش كلهم مبيحبوش يلبسوا بدل دى بتبقى على حسب طبيعة الواحد

هههههههههههههههه لو واحد اتقدم لواحده وموافقتش عشان السبب دا يبقى اكيد ربنا بيحبه
ورحمه من تفاهتها وتفكيرها السطحى يعنى المفروض يعمل حفله ان ربنا خلصه منها

مش كتير اللى بيفكر كدة خاصة اليومين دول

يادى تفاهه ...بدله ايه بس

بس يوم الفرح غصب عن عينه حلبس بدله طبعا

غير كدا مافيش براحته زى ما هو عايز

هوا انا من رائى ان البدلة بتدى وقار شكلى بس اكيد طبعا فى اختلاف فى المضمون بتاع الشخص نفسة لكن انا بحب الناس اللى بتلبس بدل ولو لتقدملى عريس مش بيلبس بدل هحاول اقنعة بيها بس مش هيكون سبب للرفض مش هتوصل لكدة اكيد

انــــا مــبحبش اللي بيلبس بدل علشان اغلبيتهم بيبقوا متكبرين !!!!!!!!

عندك حق اللبس مش مهم المهم ان يكون محترم:blush:

:d وشكـــــــــــــــرا عـــــــــــــلي مـــــــوضوعــــــــك الرئــــــــــــــع :d

عادى يعنى كل واحد وحريته و الكاجول احلى كتير

الله يسلمك
أما بالنسبة لكلامك عن انه المدرس لو لبس بدلة الناس مش هتغير نظرتها ليه فمعتقدش بصراحة لأنه الناس بصراحة لمن تبص على البدلة هتحس انه المدرس أوضاعه المالية تحسنت ولو أوضاع المادية فعلا تغيرت وتحسنت هيقدر يلبس بدلة ويقدر يشتري سيارة والناس هتبصله باحترام :)
طيب عندي سؤال ليه الناس بتبص للمحامي انه هو الأفضل مثلا من المدرس مع أنه دور المدرس أفضل بكتير من دور المحاامي في وجهة نظري
لكن اللي مفهمتوش ازاي يعني لو ده حصل يبقى هبل قصدك ايه بالكلام ده؟!:(