ارجو المساعدة
 

عاوزة حد اكبر منى خبرة ف كليه تجارة انجليزى يقول ازاى نذاكر وطريقته ف المذاكرة للحصول على اعلى التقديرات ارجو الرد

وانتى بتزاكرى خلى جنبك قاموس واسمعى الدكتور كويس ف المحاضره عشان الليسنينج مهم ....دا اللى اعرفه

شكرا ع ردك بس الواحد مش عارف يكتب وراء الدكتور واليسينج ساعات ف حاجات بضيع منى

مش مشكله اكتبى بردو ولما تروحى افتحى ترجمه جوجل وحاولى تكتبى الكلمه اللى شاكه انها غلط وجوجل هيجيبلك الصح

هى اول سنة فعلا الواحد بيبقى مش عارف يذاكر منين وبيبقى متلخبط شوية انا دخلت اول امتحان ميد تيرم مكنتش عارف حاجة خالص عشان مكنتش عارف اذاكر بس بعد شوية اتعلمت
مصادر المذاكرة اولا محاضرة الدكتور دا اهم مصدر انا عارف الكتابة ورا الدكاترا ساعات بتبقى صعبة لو الدكتور بيتكلم بسرعة او كلامة مش واضح بس دايما فى كل جروب بيبقى فى ناس موهوبة وبتعرف تكتب بسرعة ممكن تستأذن منهم انك تصور المحاضرة
تانى مصد الملازم فى مكتبات اكيد انت عرفتهم دلوقتى بتنزل شرح للمنهج ودى الى حد كبير مفيدة وبتساعد كتير اوى خصوصا فى سنة اولى( لو انت فى جامعة القاهرة يبقى عليك على مكتبة مى فى المحاسبة ومكتبة نور فى باقى المواد ) فى كمان ورق درس بتاع المعيدين ممكن تصوره من صحابك لو حد منهم بياخد درس
تالت مصدر الكتاب الى اكيد لسة مستلمتهوش دا بردة مفيد للناس الى عايزة تجيب درجات عالية لازم على الاقل تقراه
لازم طبعا يبقى جنبك قاموس وانت بنذاكر خصوصا لو كنت من مدارس عربى زيى
دا فكرة عامة يعنى ازاى تذاكر انا عايز اقول بس ان الكلية سهلة ومش صعبة وبعد فترة قصيرة ان شاء الله هتتعود عليها وعلى المذاكرة ربنا يوفقك

شكراااااااااا جزيلا على ردكم ربنا يكرمكم يارب ويوفقكم يعنى مش لازم اكتب الكلمة كلها صح ممكن تبقى ف غلطات

ههههههههههههههههههههههههههه دا اكيد ف غلطات احنا ف المنصورة اللى بيدينا مادة الاقتصاد بامانه ميه ميه كانك قدام اوباما بيتكلم الانجليزى كما انزل ومش بنلحق نكتب المحاضرة كلها يلا ربنا مع الجميع
وبالنسبه للترجمةف دكتور قالنا ادخلو على موقع dictionary
او جوجل اكتب مصطلحات تجارية هتلاقى المصطلحات ومترجمة

شكرااااااااا على المساعدة ربنا يكرمنا

انتى جامعة ايه؟