معلمى الفصل الواحد.......افيدونى
 

الا انا اعرفه ان الفصل الواحد دى للناس الا مش كملوا تعليمهم ورجعوا تانى بعد فتره لتكميل تعلمهم يعنى ذى محو الاميه وياترى حضرتك منين من الشرقيه

مدارس الفصل الواحد خاصة بالبنات اللى مدخلوش مدارس لحد سنهم وصل فى حدود 9 أو 10 سنوات ، وتتكون مدارس الفصل الواحد من 6 فصول فقط كحد أقصى فصل للصف الأو ل وفصل للصف الثانى وهكذا وعدد البنات فى كل صف 7 بنات فقط والتعليم فيها يكون مواد نظرية عربى وحساب وغيرها و أعمال يدوية مثل أشغال التريكو وغيره

مدارس الفصل الواحد تتبع مديرية التربية والتعليم ولا تتبع الادارة التعليمية فلها ادارة منفصلة تتبع المديرية ومدير ادارتها يتبع المديرية
لا يطبق فيها التقويم الشامل وخاصة للبنات والبنين وهى كفصول محو الامية ولكن للاطفال الذين تعدى عمرهم دخول المدارس العامة ....... المرتبات فيها بالنسبة للمنقطعين 180 للمؤهل العالى 160 للمؤهل فوق المتوسط
بالنسبة للمكافاة زى التعليم العادى بالظبط
العمل فيها مريح جدا عشان عندهم قدرة على الاستيعاب اكبر
كمان معظمهم يعمل فالحضور فيها للطلبة بسيط
فى مدارس منها لا يوجد بها اكتر من 10 دارسين
ومتقلقش هتدرس مادتك
بالتوفيق

انت قدمت ولا سله لاننى انا قدمت بردوا لاننى من فاقوس وهل عندك معلومات عن طريقه الاختيار بالنسبه للى حيتم معاهم التعاقد ما هى الشروط التى يتم الاختيار عليها هل عندك معلومات ياريت لو عندك معلومه جديده عرفنى بها

لا تتردد
 

بصراحة اهم حاجة فى الفصل الواحد الراحة النفسية اللى مبتلقيهاش الا فى الفصل الواحد وعندك عدد محدد من الطلبة وانت الكل فى الكل يابرنس

يارب يكرمنا جميعا وياريت لو عرفت جديد تعرفنا اصل انا بسمع انهم اخدوهم فعلا ما صحه هذا الكلام واذا كان لم يتم التعاقد معهم هل فى موعد للتعاقد معهم ولا ايه الجديد وما هى الشروط الا حيتم عليها الاختيار ياريت لو عندك اى معلومه تبلغنا وشكرا لحضرتك

ايه ياجماعه مفيش جديد ولا ايه

[QUOTE=Hazem41;4032402] يارب يكرمنا جميعا ويكون لينا نصيب فى التعاقدات الجديده يارب وياريت الا يعرف حاجه جديده يقلها

انا شغالة فى مدرسة من مدارس الفصل الواحد بقالى 3 سنين من اول العقد المميز حتى التثبيت فى 3/1 اللى فات
بيقولوا اللى يشتغل فى الفصل الواح يبقى حظه حلو وفى ناس بيشوفوا واسطة عشان يروحوها
هى بصراحة ليها مميزات كتير لانها عبارة عن فصل واحد فيه كل المستويات انا مدرسة لغة انجليزية برده وكل مستوى بيبقى فيه حوالى بنتين او تلاتة ومعظمهم مش بيحضر يعنى الفصل كله بيصفى على 4 او 5 والشغل فيه بيبقى مريح جدا بتشرح لكل تلت مستويات فى وقت واحد وانت وضميرك عايز تشرح اشرح مش عايز براحتك مش مقيد بحصص والمواد اللى بتدرس عربى وحساب وعلوم وانجليزى وتكوين مهنى انا بشرح انجليزى بس وفيه مدرسة تكوين مهنى و2 بيشرحوا مواد ثقافية وادارية وعامل يعنى هيئة التدريس 5 بس وعامل
دفتر الحضور بيبقى معانا ولو اتاخرت شوية مش مشكلة وبنقدر ظروف بعض فى الغياب بس المشكلة ان البنات بيبقى سنهم كبير شوية لانهم بيبقوا متسربين من التعليم وقدرتهم على الاستيعاب بتبقى قليلة جدا لانهم بيبقوا مش فى دماغهم التعليم هتتعب معاهم فى الشرح وبنطبق عليهم النظام القديم بتاع امتحانات الشهر وكله روتين لانهم مش بيحضروا اصلا
وبالنسبة للمرتب زى المدرسة العادية بالظبط وبناخد حوافز زيادة عن المدارس العادية 40 جنيه ودى مدرسة حكومية كل اللى بيطبق على المدرسة العادية بيتطبق على الفصل الواحد بس كنا بناخد بنات بس السنة دى قالوا هناخد ولاد كمان والمدرسين بيبقوا ستات بس باستثناء العامل بس اكيد طالما هياخدوا ولاد السنة دى ممكن يكونوا هيجيبوا مدرسين رجالة وطبعا بتتبع نفس مديرية التربية والتعليم لكن لها ادارة تعليمية خاصة بيها بصراحة الشغل فيها مريح جدا بس ربنا يستر والمادة العلمية ماتضيعش توكل على الله ولو عايز تسال عن اى حاجة انا موجودة

معلمى الفصل الواحد.......افيدونى
 

[QUOTE=Hazem41;4026205][center][size=7][color=purple][b]بسم الله الرحمن الرحيم
هى ايه ياجماعه مدارس الفصل الواحد وايه نظام الشغل فيها وكمان ايه الفرق بينها وبين المدرسه العاديه
اتمنى من اى مدرس هنا يفيدنى .......انا خريج تربيه نوعيه -لغة انجليزية وفى فرصة للتعاقد بس متردد
أفيدونى بالله عليكم
[