|
ياترى فيه بنات محترمة ؟
السلام عليكم ورحمة الله وبركاته ازيكم يا جماعة ؟ نفسى اتكلم عن حاجة غريبة (على الاقل من وجهة نظرى) كل مرة بشوفها ، ومش عارف العيب عندى وانا معقد ولا عندهم !!! المشكلة إنى لما بروح اى حتة فيها اختلاط بلاقى حجات غريبة بتحصل كأبسط مثال انبارح كنت فى النادى عندى تدريب وتقريباً اعمار كلها اعدادى وثانوى وكل بنت واقفة مع ولد او كل بنتين مع ولدين واخر هبل بشوفه بصراحة ! اللى يخطف منها الموبايل واللى تجرى وراه وتضربه واللى قاعدين مافيش بينهم 2 سم ولا بلاش دى البنات اللى 24 ساعة فى الجروبات على الفيس بتتكلم مع اى حد رايح جاى وتقبل اى Friend request (طلب صداقة) ومش بعيد رقم موبايلها ولا تنزل معاه .. ياريت محدش يقول ان الكلام ده مبيحصلش عشان دى حصلت ادامى 184896 مرة لغيت دلوقتى ولا اللى واللى واللى واعتقد فيه امثلة كتيرة يعنى. فين اهل الناس دى ؟؟ ياترى انتم موافقيني الرأى ولا انا اللى معقد واروح انتحر احسن ؟؟ وياترى فيه بنات محترمة وولاد محترمة ولا كل سنة وانتم طيبين ؟؟ |
بالتأكيد مش كل البنات واعتقد أيضاً الولد اللى يمشى مع بنت أو يكلم بنت أيضاً مش محترم |
فيه بنات كتير محترمات وكمان ولاد ماشاء الله عليهم ما بيفوتوش صلاة في الجامع و انا بشوف كتتتتيييير ماشاء لله عليهم ونعمة
التربية لكن يمكن حضرتك ومتزعلش مني الي عايش في بيئة كل الناس الي فيها كدة عشان كدة حاسس ان مافيش غير كدة |
كلامك جميل ..وفعلا اللى انت بتقول عليه ده موجود ....وعكسه موجود
فواجب علينا اننا نختار الطريق السليم ..اللى هيوصلنا لبر الأمان بعيد عن اى كلام عن تفاصيل وليه هما بيعملوا كده او اهلهم عارفين او مش عارفين منقدرش نمنعهم انما نقدر نمنع نفسنا . لك خالص تحيتي ع الطرح . ونتمنى من الله ان يثبت قلوبنا ويبعد عنّا شر الفتن |
كن جميلاً تر الوجود جميلاً
خليك انت كويس وزي الفل وسيبك من الباقي ونقي ناس محترمة تتزوج منهم عشان تخلف محترمين وبس على فكرة الدنيا مش وحشة والله بس احنا اللي بنحط عنينا على المشاكل يا عم سيبها لله أنا بروح النادي وبطنش الكلام ده , هو موجود أنا معاك , وبكمل رياضة وزي الفل وأشهد الله أني ما كلمت بنت في حياتي كلام زي مانت فاهم كل اللي أعرفه اني أقول , في الكلية , المحاضرة المحاضرة الجزئية الجزئية يا محمد عايزين كذا أو شوفلنا كذا وخلاص دمت بخير وأكرر تاااااااااااااااااااني خليك جميل عشان تشوف الوجود جميل |
والله احنا بنشوف الكلام ده ونستغرب وندعي بالهدآيـة ممكن نعالج المشكلة دى بأن احنا نكلم الناس دى وننصحهم أي نعم في كتير هيقول وانت مالك كل واحد يعمل اللى على راحته بس يبقى عملنا واجبنا و نهيناهم عن ده ... وننكر الكلام ده بقلبنا وذلك أضعف الإيمان اللهم اهدِ جميع شباب وبنات المسلمين .. آمين |
كل مجتمع فيه الصالح و فيه الطالح و انت في حياتك هتلاقي الكويس و الوحش و مش عايزين نركز بس علي الجزء الفاسد و طبعا فيه بنات محترمين جدا و متربين كويس و طبعا فيه شباب كويسين و محترمين و بالنسبه للجزء الطالح حاول تتجنبه و ان قدرت تنصحهم يبقي كتر خيرك و نصيحتي لك افعل الصواب دائما حتي تكون مرتاح البال و لا تهتم بمن يحيد عن آدابنا و عن ما تربينا عليه تحياتي |
اقتباس:
وانا بقول ان الناس دي عامله كدا عشان مش لاقيه اللي يفوقها ويحسسهم انهم فاهمين الدنيا غلط |
موضوع جميل اشكرك عليه ولكن هناك الطالح والصالح سواء بقا بنت او ولد يعنى انا بنت فى مرحله جامعيه والجامعه بقا عالم تانى اختلاط بطريقه غبيه:mad: ولكن فى النهايه هيه مسأله تربيه فى بنات واولاد ما شاءالله عليهم مبيتأثروش بأى حاجه تحصل اودامهم عندهم مبادئ ميقدروش يخالفوها لأنهم مقتنعين ان الصح صح والخطأ خطأ ولكن هناك بنات واولاد عايزين الحرق آه والله وبجاز كمان:slap1qk6: يعنى اتفرج على لبس البنات فى الجامعه:cool: حاجه تقرف طول ما انا ماشيه فى الجامعه افضل اقول الله يخرب بيت اللى اخترع الموضه:bosyht9: مش عارفه ناقص يخترعوا ايه تانى؟! وغيره من المناظر فى المدرج بيبقوا قعدين يحبوا فى بعض والدكتور قاعد:blush: والله بجد مش عارفه اقول ايه ولا ايه؟! ولكن هناك كثير من المحترمين وايضا لديهم زمايل اولاد ولكن كل شئ بحدود فعليك ان تدرك بأن المجتمع فيه الصالح والطالح فابقى مع الصالح واستفد منه وان قدرت على ان تصلح الطالح بافعل وان لم تقدر فادعو له بالهدايه ربنا يهدى الجميع آسفه للأطاله تقبل مرورى..:) |
ليست المشكلة في النت او فيس بوك او منتدي او قبول اضافة او رفضها
المشكلة تكمن في نهج تربية حيث لا يوجد من يقول هذا خطأ وهذا صواب الأب منشغل في تدبير مصاريف الأسرة والم ما بين عمل خارج المنزل وعمل خارجه والأهل كلا في حاله وقيم اهتمام الجيران والمعرف بابناء بعضهم البعض قد اندثرت فنشأ جيل جديد لا يعرف معني للاحترام ولا توقير كلمة من كبير * مما ادي لخشية البعض من توجيه النصح واللوم فنتج كل ما نحن فيه ولكن مازال هناك عند البعض ضمير ووعي وقيم واخلاق فتش بين الأشواك تجد وردة * فتش بين الرماد تجد جمرة |
اكيد فى بنات محترمه بس للاسف مش بيبانوا من كتر البنات الغير محترمات لان فى الزمن ده هما اللى غالبين وباينين عشان كده المحترمات مش ظاهرين وفعلا السبب بيكون راجع للتربيه من اساس وده بقا على مشهد منى فى اكتر من بيت لانى مدرسه وبتعامل مع اولياء الامور بقا نادر اليومين دول
|
بس التربية هي الاساس البيت الاول والاخلاق والحياء وطبعا الدين وبعدين اعتقد ان المصريات لديهم قدر كبير من الحياء والادب
|
اظن انك مزودها شويه
ممكن اللى فى النادى دول قرايب او صحاب مش معقول اى بنت واى ولد بيشوفو بعض فى النادى بيروحو يكلمو بعض من غير مايكونو عارفين بعض اما الفيس ف ده عادى يعنى بس ماظنش انو بيخرجو مع بعض هو كلام وخلاص على الفيس انما فى الحقيقه ممكن يكونو محترمين جدا |
جزاء الله خيرا
|
اقل شىء يذكر انى مرة سجلت بمنتدى
فوجئت بما لا يحمد داخله تصرفات بلا حدود ولما تكلم اخ فى الله ان كدا غلط والمفروض يكون فى حدود للحوار بين الجنسين قامت ا لدنيا عليه الا من رحمه ربى بصراحه بالنت والشارع كل شىء مختلف عن تربيتنا ومبادئنا واخلاق دينا وسنه الحبيب ا لمصطفى ولما بنخرج فى الشارع وبنشوف كدا ولانه غريب غصب عننا بنشاهد فينا اللى يقول انا مال وفينا من يوجه النصح لمن يستحق الموضوع ظاهرة منتشرة وبنكبر مع الوقت |
| جميع الأوقات بتوقيت GMT +2. الساعة الآن 01:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.