|
الحقونى يا جدعان انا بضيع !!!
بص يا جماعة اولا بسم الله الرحمن الرحيم انا فى تانية اعدادى و عندى 14 سنه و شاطر اوى فى الانجلش و الرياضيات و العلوم و الدراسات و العربى تسعين فى الميه عشان انا فى النحو ابيض خالص المهم ان شاء الله انا عايز اخش ثانوى علمى عشان اخش كلية هندسة قسم بترول وتعدين يا ترى هاقدر اعمل كده ؟؟؟!!! عشان الجماعة عندى محبطين اوى الواحد بيبقى نازل مدح ويقولولى مش هاتحصل غير صنايع ولما اجى اقعد على الكومبيوتر نص ساعة تفاريح امى تقولى ادى دقنى ان نفعت . ههههههههههههههه :o مش عارف اعمل ايه و ياترى يا جماعة انا فعلا مش هاخش ثانوى واخرى صنايع ؟؟؟؟؟!!!!! |
انت على كلامك بتقول ان مستواك كويس هما بس فى البيت خايفين عليك اوى وده طبيعى فى اى بيت بس من حقك ترفه عن نفسك شوية وهما لازم يبقوا عارفين ده كويس محدش هيذاكر 24 ساعة فى اليوم نظم وقتك يعنى وما تقعدش كتير على الكمبيوتر بالتوفيق |
حاول تقوى نفسك فى النحو إبدأ من الأول لان النحو تراكمى
وبعدين البيت بيحاول يخليك تتحدى نفسك وتثبت لهم انك شاطر وماما لو كانت بتقول كلامها ده فلانها خائفة عليك ربنا يوفقك يا ابنى وتجيب أعلى الدرجات ان شاء الله |
النحو مش بالصعوبه اللى تخاف منها ده زى الرياضه بالظبط
ومعلش فى تعقيب صغير هندسه تعدين وبترول دى كليه لوحدها مش تبع كليه هندسه على حد علمى يعنى |
انت حاول تقوى نفسك فى النحو ومتفضلش مادة على غيرها
وحاول انك تخلى مستواك عالى لأ هندسة بترول من اكبر الكليات فى التنسيق وربنا يوفقك |
اقتباس:
التعقيب ده هو الى لفت نظرك اوك انا عايز اطلع مهندس بترول بس وشكرا لردك |
اقتباس:
|
اقتباس:
ان شاء الله يا ميس اجيب اعلى درجات بس انا فى النحو ميه ميه بس فى شوية دروس كده مش با فهمة خالص بحس انى هيا معقدة وشكرا لردك يا ميس |
اقتباس:
ان شاء الله يا استاذ اجيب اعلى درجات بس انا فى النحو ميه ميه بس فى شوية دروس كده مش با فهمة خالص بحس انى هيا معقدة وشكرا لردك يا استاذ |
اقتباس:
اخى الفاضل انت عارف قلب الام لو ذاكرت اليوم كله برضه هتخاف عليك |
دا شيء طبيعى ان اي اب واي ام بتمنوا ان ابنهم يكون افضل واحسن من اي حد وعاوزينه يذاكر 24 ساعه هما بشكل دا بيكونوا خايفين عليك وانت ما تخليش اي احباط يوصلك او اي كلام سلبى يأثر عليك وعادى تقبل كلام بابا وماما لانهم بيحبوك
اهم شيء انك تكون مؤمن بربنا وعندك ثقه في نفسك ولازم يكون عندك هدف ونبقى صريح مع نفسك تشوف ايه السلبي والضعف اللي عندك وتجاهد عشان تقويه وان شاء الله ربنا يوفقك ونظم وقتك دا اهم شيء |
ربنا معاك وان شتء الله ربنا هيوفقك
بس انت ذاكر كويس وتقل حبتين عالنحو وان شاء الله هتجيب درجات كويسة ومن طلب العلا سهر الليالى ولا ايه |
دى طريقة غلط فى التربية والمذاكرة انت من حقك تاخد وقت راحة تعمل فية اللى انت عاوزة علشان لما ترجع تذاكر تانى يبقى عندك نشاط اكتر من الاول وبعدين على كلامك انت كدة كويس وان شاء الله تدخل الحاجة اللى نفسك فيها مش اللى هما عاوزينك تدخلها ولازم تحب الحاجة اللى بتعملها علشان تقدر تعملها وانت مبسوط ومرتاح
|
والدتك خايفة عليك انت تذاكر دروسك كويس خصوصا النحو وتفهمها انك بتذاكر وبتعمل اللى عليك ومتكترش من قعدة النت كفاية ساعة كل يوم حلو قوى بس متهملش مواد معينة زى النحو وتقول انا ضعيف فيها ومش فاهم لان ده مش هيحل المشكلة والحل انك تذاكر المادة دى اكتر وتركز عليها وتسال المدرس عن اى حاجة مش فاهمها وبالتوفيق يا مصطفى.
|
ممكن ادلك على حاجة هتفرق معاك جداً فـ حياتك وهتأثر عليك بالايجاب وهتفيدك جداً جداً سواء من الناحية الجسمانية او الناحية العقلية لانها بتقلل التوتر والتشتت اللى بيكون عند الانسان وبتعلى التركيز جداً وكمان بتدى باور رهيب جداً وكل دة من غير اى اضرار ولا أى اعراض جانبية وكتير اوى من المشاهير بيستخدموها زى بكيهام وكريستيانوا واحمد حسن كمان ... استنانى انا بعمل موضوع دلوقتى وهديلك لينك الموضوع ... تحياتى
|
| جميع الأوقات بتوقيت GMT +2. الساعة الآن 08:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.