الوزير الكذاب
 

اسمع بقى
*وزيرك كذاب ليه
1- قال بالحرف ان معلمى مصر فى طليعة موظفى الدولة .........وهذا مخالف للواقع
2-قال ليس من الوطنية الاضراب عن العمل ........مع العلم ان الاضراب حق قانونى وكل من اضرب لايقل وطنية عن الوطنيين الاحرار
3- قلٌب الرأى العام والاعلام على المعلمين.
4- كان الامر الطبيعى لمعالى الوزير الكذاب ان يرد على المنافقين أمثال ( سيد حجازى فى مقالته القذرة الرخيصة ) والتى اخطأ فيها خطأ جسيماًعندما اهان المعلمين الاحرار

ايه رايك .................

مين سيد حجازى ده شخص مريض ياجماعة

شوف انا هاجاوبك بلسان الوزير وبعدين اقوللك رأيي
المعلم في طليعة موظفي الدولة ده صحيح بحساب النسبة الصماء للاجر المتغير يعني كادر ومكافأة وخلافه
ليس من الوطنية الاضراب اذا كان الاضراب بالصورة اللي حصلت لأن المتضرر الاساسي لأن المتضرر الاساسي كان الغلابة فقط اما الاغنياء مش فارقة معاهم( احنا والغلابة في مركب واحدة...صح؟)
أما الرأي العام فكان منقلب على المعلمين من قبل الوزير ما يتكلم واحنا السبب لأننا معملناش اجراءات تجذب الرأي العام في صفنا.....كنا اضربنا عن الدروس كمان ...الناس كانت تحترمنا
اما سيد حجازي فالوزير ماردش عليه لأنه بصراحة الراجل قال اللي كل الناس حاسة بيه ناحية المدرسين...ولا انت مبتسمعش الناس في كل مكان بتقول علينا ايه؟
ثم ان الوزير مابيردش على اللي بيشتموه هو شخصيا(شوف الدرر في منتدان ده)
ثم بالله عليك انا شايف ان اي معلم حر النهاردة يجب ان يلتف حول نقابته المنتخبة انتخابا حرا اما لو كل واحد اشتغل بدماغه فيبقى ده خروج على رأي الجماعة
نفسي نعمل حاجة تنفي عننا تهمة الجشع والانتهازية اللي ترسخت عند الناس واللي محتاجة اجيال عشان تصلحها وده كله بسبب الهواة والمغرضين والسفهاء اللي تولوا قضيتنا بلا استئذان فأساءوا لها
المعلم له حقوق ... مادية واجتماعية...وانا واثق انه من غير اضرابات تاني انها هتحقق لأن مصر الثورة بتعيد ترتيب اوضاعها وقادرة تشوف ان الحصان لازم يكون قدام العربية ...امنحوها وقتها ...وفروا لها مخاضا آمنا بدل ما تفطس في ايدينا ولا نطول بلح الشام ولا عنب اليمن

على اى حال دى وجهة نظر
انا عارف ومتأكد ان اباطرة الدروس ضيعوا سمعتنا بكل تأكيد
شخصيا ............................معنديش استعداد اتناقش فى الموضوع ده تانى