|
انا بعتبره زي اخويا . وانا بعتبرها زي اختي , انا بحبه زي اخويا . وانا بحبها زي اختي
انا بعتبره زي اخويا . وانا بعتبرها زي اختي انا بحبه زي اخويا .وانا بحبها زي اختي الموضوع اللي هنتكلم فيه شفته كتير قوى الايام دى واسمحولى انى اكلم معاكم بالعاميه وكأنى بكلم نفسى بصوت عالى لانى شفت اخوات واخوان كتير من المجتمع حولى بيقعوا فى مصائب من تحت عبارة ده زى اخويا او دى زى اختى طيب الموضوع ده عارفينه من زمان!!!!!! لكن اللى فجر المشكله الحوار اللى حصل تعالوا نشوف المحادثه س / فى انهيار شفتى ايه اللى حصل ؟؟؟ ايه خير ان شاء الله س/ فلان حصل منه كذا وكذا ليه كده طيب ايه اللى وصل الامور لكذا وكذا س/ اصل انا كنت بعامله زى اخويا!!!!!!!!!!!!!!!!!!! قلتلها يعنى ايه فلان ده زى اخوكى ؟؟؟؟؟ س / قالتلى كنت بعامله كأنه اخويه بمشاعر أخويه ؟؟؟ بكلم معاه عادى بنيه صافيه بنضحك بنهزر وهكذا من غير ما احط حاجه فى دماغى اى غدر ولا خوانه قلتلها بأنهى حق ؟؟ مين اللى ادالك الحق تعتبريه اخ هل هو من المحارم ؟؟ اخوكى ابوكى حماكى هو فقط من المحارم وحتى لو من المحارم المؤقته ليس لديك الحق اعتباره اخ لان مافيش اخ غير الاخ من الاب والام او من احدهما والقرأن حدد لنا مين هم محارمنا والدليل ان الرسول حذرنا حتى من اخ الزوج وده من المحارم المؤقته وقال ان الحمو ------ الموت سمعتها وانا طالبه وتعلقت بذهنى حتى الان وقلت لنفسى فمابالك من زوج الخاله وزوج العمه . وفهمت ان تحذير رسولنا هو صدق لانه لا ينطق عن الهوى وخوفه علينا من حدوث ما لم نتوقعه ولا نقصده من خطأ قد يؤدى الى كارثه قطع صله الارحام ولقد سمعنا هذه الايام من المصائب والحوادث التى نتجت عن عدم طاعه الرسول فى ذلك الامر فكم زوجه قد تتبسط فى الكلام مع اخوا زوجها او تخرج متبرجه امامه واحيانا هناك من تخرج بدون حجاب تحت شعار انه اخو جوزى زى اخويا ومن هنا تبدأ الكارثه ونسينا التحذير الحمو الموت وفي الحديث المتفق عليه ) عن عقبة بن عامر قال : قال رسول الله صلى الله عليه وسلم : " إياكم والدخول على النساء فقال رجل : يا رسول الله أرأيت الحمو ؟ قال : " الحمو الموت " في تحفة الأحوذي [ جزء 4 - صفحة 281 ] قال وإنما المراد الأخ وبن الأخ والعم وبن العم وبن الأخت ونحوهم مما يحل له تزويجه لو لم تكن متزوجة وجرت العادة بالتساهل فيه فيخلو الأخ بامرأة أخيه فشبه بالموت وهو أولى بالمنع من الأجنبي انتهى طيب ازاى بقه نعتبر ابن الخال ولا ابن العم ولا الجار ولا الزميل فى الدراسه او العمل او العضو اللي في منتدي زى اخونا مينفعش بكل المقايس والاعتبارات سيبك من العادات لانها ساعات بتبقى غلط احنا دينا ونبينا حذرنا حتى من اننا نخضع فى القول حتى لا يصيبنا مكروه من اللى فى نفوسهم مرض ( وهن زوجات النبي صلى الله عليه وسلم رضي الله عنهن ) في زمن فيه الرجال أطهرهم وأبعدهم عن الفتنة ( وهم الصحابة رضي الله عنهم ) أمرهن بعدم الخضوع في القول وأن يقلن قولاً معروفا . فكيف الحال في زماننا وقد كثرت الشهوات وتنوعت وأتت من كل حدب وصوب ؛ تجر إلى مكانك جيوشها إلا أن يشاء الله . فقال الله تعالى " فلا تخضعن بالقول فيطمع الذي في قلبه مرض وقلن قولا معروفا " أي لا تتكسر إحداكن في مخاطبتها للرجال ، وقلن كلاماً معتدلاً في مادته وبلسان معتدل في كيفيته . والآية تشمل عموم النساء ، وعلة التحريم في القول : منع الفتنة ، حتى لا يطمع من في قلبه مرض الشهوة . مجرد اللين فى الكلام تم تحذيرنا منه يبقى ازاى نضحك ونحكى ونفضفض ونعتبر فلان زى اخونا عشان كده حرم الاختلا ط الا فى الضروره وتحت حدود قويه فمينفعش تقولى احنا بنتعامل زى الاخوات انت عرفتى الغيب دخلتى دماغ اللى قصادك تقدرى تترجمى مشاعره الخفيه مهما كانت خبرتك فى الحياه س/ ايه الكلام الكبير ده انت هتعمللنا فيها ست الشيخه ؟؟؟ لا والله لاشيخه ولا حاجه بس التجارب اللى الانسان شفها من الاخرين والقصص اللى سمعها عرف ان مفيش اخ غير الاخ وارجع واقول ما أحنا لو طبقنا دينا صح مش هيقع الغلط اصلا ولا هنتجرح ونمر بمواقف محرجه س/ انت مش كنت بتشتغلى وليكى زمايل ولا عمرك مادخلتي منتدي وكلمتي شباب ولا وكان ليكى قرايب ؟؟ عمرك مكلمتيهم اما عن القرايب فمكانتهم عندى هى القرابه يعنى لو اجتمعت بيهم لازم اكون بكامل حجابى وفى وسط اهلى بوجود محرم لى يعنى ولاد عمى ولا ولاد خالى كان ممنوع يدخلوا بتنا الا فى حضور والدى او اخويا وارحب بهم فى بيتا ترحيب الضيف ترحيب معقول لا يكون مبالغ فيه ولا اتباسط معهم ولا اتجهم فى وجههم اما عن الشغل والجامعه لا كنت بشتغل وليه زمايل بس عمرى ما كنت بعتبر حد زي اخويا يعنى ده زميل عمل او جامعه وبس كلامنا فى حدود العمل فقط كلام جدى بدون هزار او تطاول او تبسط فى الكلام او التحدث فى الخصوصيات مع الاحتفاظ بالالقاب لوضع دائما اشاره حمراء ان هناك حدود فلا يطمع من فى قلبه مرض وموضوع احنا شله ولا جروب ولا لالالالالالالا كله ده بينتهى بمشاكل احيانا لايمكن تداركها والعضو هكلمه قدام امه لا اله الا الله كلها يعني قدام كل الاعضاء بحضرتك ويافندم وسيادتك يعني بحفظ الالقاب وعمري ماهتجرأ واناديه بأسمه ولا ابعتله رساله خاصه ولا اعمل موضوع عشان اكلمه فيه ولا اقعد اهزر في موضوعه ولا اقعد احكيله قصه حياتي ولا ولا ولا ولا منقوووووووول |
جزاكى الله كل خير وجعله فى ميزان حسناتك يا رب :)
|
واللهى كلامك صح مية فى المية
|
جزاك الله خيرا
الموضوع فعلاً هام وللاسف فيه ناس كتير بتتساهل فيه |
اقتباس:
طب ممكن اعرف هو حصل منه ايه بس عشان اتفاعل مع الموضوع:rolleyes: المشكلة انك بتتكلمى بصيغة الدين وانا عن نفسى_للاسف_مبصليش واعتقد ان عقاب تارك الصلاة افظع مليون مرة من زى اخويا او زى اختى واعتقد_برضوه_ان عدد مش قليل من الرجالة والبنات مش بيصلوا صح ولا لأ فمينفعش تكلميهم اصلا بصيغة الدين اللى هم مهملينه ولا ايه رايك:bosyht9: |
اقتباس:
يعني انت مأجل كل حاجه ف دينك علشان مش بتصلي اكيد انك صمت رمضان صح ولا لأ اكيد كمان بتعمل حاجت كتير وخير كتير رغم انك مش بتصلي والأكيد كمان انك حاسس بذنب كبير علشان مش بتصلي وان شاء الله هييجي اليوم اللي هتصلي فيه وقريب جدا ان شاء الله فيه حاجات كتير حتى لو مش بنصلي مينفعش نعملها لانها حرام المهم ف تركك للصلا ميكونش انكار ليها لانه كده كفر والعياذ بالله اما غير ذلك فإن شاء الله مؤقت |
اقتباس:
مش عارف ارد عليك اقولك ايه معظمنا مش بيصلى اللى هو ركن من اركان الاسلام يبقى ازاى هيحس بان الحاجات التانية حرام:o |
اقتباس:
مش بتبقى مكسوف من ربنا انه مغرقك ف نعمه وانتا للاسف مابتصليش خلي بالك عينك اللي انتا شايف بيها دلوقتي ممكن تصحى الصبح تلاقيها مقفلة!! الحق نفسك محدش عارف اجله جاي امتى وربنا بيقبل الكل |
اقتباس:
ربنا يهدى الجميع |
اقتباس:
|
| جميع الأوقات بتوقيت GMT +2. الساعة الآن 07:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.