رجاء من معلمى الدقهليه
 

المعلمون المعينون بالقرار 133 بتاريخ 30/30/2011 .. هل فعلا فيه درجات ماليه ولا ايه ؟
لان الاقاويل متضاربه الر جاء الرد وشكرا

مفيش مدرسين من الدقهليه فى المنتدى
اين زملاء الكفاح فى ثورة الاربعاء امام المحافظه مارس 2011
اين ثورة 25 يناير ( دكتورة اللغه اعرف انها ماستر صغيره ) - لمسات - the best- وكل زملاء نبروه الثوار
عاوز اعرف الاخبار بتاعت الدرجات الماليه ...

لاتوجد أى اخبار عن الدرجات المالية اريد رجااااااء حار ان نتفق على اعتصام امام المحافظة لإرجاع حقوقنا المالية المسلوبة (ونعرف راسنا من رجلينا فى موضوع الدرجات) مع العلم اننا ماديا من اقل المحافظات وعن نفسى لم ارى اىىىىىىى اهتمام من المحافظ بالمعلمين جميع المحافظات صرفت تكملة حافز 200 % ما عدا الدقهلية لابد من اعتصام والذين يقولون ( انتوا كدا بتوقعوا ابلد ) احب اطمنهم الاعتصام دا هيكون يوم اجازة وكماان الفلوس دى اتصرفت فى محافظات كتيير ما عدا احنا يعنى فى سرقة علنى فى المحافظة او المديرية ارجووووو منكم التعاون

احنا تعين 22/8 قرار 410 واحنا بنعمل بيان حالة مكتوب فية الدرجة الثالثة التخصصية مش عارفة هى مش كدة موجودة ولا؟
وبعدين احنا فعلا اقل مرتبات واخر ناس في كل حاجة وكل محافظ يجي يتشطر علينا شوية فاكرين موضوع محو الامية اللى كان لعقود 2009المحافظة الوحيدة اللى ليها الشرط دا
الدقهلية محححححححححححححححححححححححححححححححظظظظظظظظظظظظظظظظوظ ظظظظظظظظظظظظظة

فعلا اسوأ ادارة على مستوى الجمهورية هى ادارة طلخا واسوا محافظة محافظة الدقهلية عل فكرة احنا ام نقبض اى زيادات بالرغم من ان ادارة شربين قبضت 7و8

انا اعمل بادارة طلخا ولكنى لست من نفس الادارة عملت طلب نقل وذهات به للمديرية تعرفوا حصل الموظف اللى بيستلم الطلبات ضحك بكل صخرية وقال مش لما تبقوا تاخدوا درجة مالية الاول تبقوا تعملوا طلب نقل ارموه هنا وابقوا تعالوا السنة الجاية واللا اللى بعدها وللا اللى بعدها اعملوه بصرحة تركت المديرية وانا بشتم فى الوزير ووكيل الوزاره والموظف بس قلت لنفسى هو ده الشعب المصرى

اخوانى الاعزاء
 

كفاااااااانا كلام لسنا مقطوعين االأيدى لنتكلم فقط نرجو الدعوة لمظاهرة امام مقر محافظة الدقهلية ومقابلة المحافظ الذى لم نرى منة اىىىىىىى شيئ ايجابى فى حق المعلمين الذى قام وبالشهود بالاستعلاء على زملائنا بأدارة نبروة عندما اعتصموا امام مدرسة المنصورة الاعدادية بنات عند زيارة الوزير ولم ينظر لهم

يا جماعة بخصوص الدرجات
انا كنت في المديرية يوم الخميس اللي فات وسالت عن الدرجات في موازنة حصر الوظائف في الدور الثالث
الموظف اللي هناك قال لي بالحرف الواحد احنا بعتنا التنظيم والادارة عشان يوفر الدرجات لان احنا عندنا في الدرجة الثالثة في اكتر من 8000 درجة حالية واحنا بعتنا لهم المطلوب في محافظة الدقهلية اكتر من 6000 درجة هووراني المذرة المرسلة الي التنظيم والادارة وفيها الدرجات بالظبط المطلوبة منهم في درجات مكتبية الدرجة الرابعة
وقال لي انها مجرد ايام ويتم توفير الدرجات

فعلا ياستر محمد الشربينى اصل انا من كوكب بلوتو بلقاس
لاقبضنا 50ولا75ولااى حاجة وشكل كدة شهر 10علي قديمة برضو وربنا معانا

انا عملت استمارة موظف من الادارة وكتبوا فيها الدرجه التالته ورحت الاحصاء وعملوا التعديل

بس تحت عند الوظيفة على الكادر مكتوب غير مستوفى الشروط


ادارة السنبلاوين

لسه مفيش جديد


حتي زمايلنا لما راحو ياخدو اجازة الموظف قال لسه مجاش ليكم قرار بخصوص الاجازات

بالنسبة للخمسين في الميه احنا خدناها قريب 3 شهور مجمعة بعد الخصم واللذي منه 292 جنيه

لو حد فيكم قرأ قرار التعيين يلاقي مكتوب فيه تعيين ع الدرجة التالتة التخصصية

والنعمة اسوأ محافظة

المرتب 450 ج علي فكرة

وفي محافظات تانية اكتر

والاساسي 219

فى محافظة المنيا
الحمد لله بالنسبة لمن اجتازوا اختبار الكادر 1/4/2011 تم تثبيتهم على الدرجة الثالثة ولهم كل الحقوق فى النقل والاجازات وخلافه أما المعلمين المساعدين فلهم أيضا الحق فى طلب النقل ما دام هناك مكان شاغر وهناك عجز به ولا بد أن ترخم وتبلم وتستهبل وتعمل كل حاجة ممكنة علشان تريح نفسك ومتسبش حد يسخر منك لأنه مش هيقبضك من جيب أمه وشكرا لكم

نزلنا درجة مالية وروحوا قسم الاحصاء ظبطوا ورقكم ع النت
انا رحت والاستمارة بتاعتي ال ع النت بقى فيها درجة مالية
وفقكم الله