مسألة فيزياء فى الفصل الثالث ارجو حلها
 

مسئلة من نماذج الوزارة
سق
شعاع ضوئى ابيض بزاوية سقوط 45درجة على احد اوجه منشور ثلاثى متساوى الاضلاع مصنوع من زجاج له معامل انكسار 1.67للضوء الازرق ذو الطول الموجى 450nmوله معامل انكسار 1.64للضوء الاحمر ذو الطول الموجى 700nmاوجد زوايا خروج اللون الازرق واللون الاحمر على التوالى من الوجه المقابل للمنشور
فأرجو حد يحلها بس انا متهيألى ان احنا مش هنستخدم الطول الموجى انا اعدت فيها ساعتين

المساله سهله جداا

اول حاجه لازم تعرف ان زاويه السقوط واحده للونين لان الضوء الابيض هو اللى سقط

وتشتغل بقانون سنل كل لون على حدى

اولا تجيب زاويه الانكسار الاولى للون الازرق لما تجبها تجيب زاويه السقوط التانيه و تعمل ده بانك تطرح زاويه الانكسار الاولى من زاويه راس المنشور اللى هى 60

بعد ماتجيب زاويه السقوط التانيه طبق سنل هطلع زاويه الانكسار التانيه على طول اللى هى زاويه الخروج

وتعيد الخطوات للون الاحمر

ايوه بس انا سئلت واخد صحبى بيقولى خدت منى 4 ورقات فى الحل وشكرا

انا بيتهيا لي الحل كدة بردة
مش هنستخدم فيها الطول الموجي
هي مسألة انكسار عادية بس هو عاوز يلخبطنا فجابهم ضوئين

شكرا ليكوا لاني ماكنتش واخدة بالي من حكاية ان زاوية السقوط للونين واحدة

شوية تركيز بقى
زاوية السقوط واحدة =45
A=60
Nb=1.67
بتطبيق قانون سنل * 1.67 =sin 45 /sin seta
sin sets = ......... واعمل شفت سين انسر للرقم الى حيطلع
زاوية الانكسار (ثيتا) = 25
زاوية الراس = 25 +زاوية السقوط 2
تعويض مباشر = زاوية السقوط 2 = 35
طبق قانون سنل تانى = 1.67=SIN seta2/sin fay 2
حتطلع فى الاخر زاوية الخروج للضوء الازرق =73.31
وكمل بقى زيها الاحمر ******** ملحوظة الطول الموجى لن يتم استخدامة لكن موضوع للتوضيح كتجربة حقيقية .

قانون سنل انت كاتبة غلط والمسالة انت كده حليتها غلط ..... متزعلش مني

زاوية انحراف اللون الاحمر = زاوية الراس ( معامل انكسار اللون الاحمر -1 )
زاوية انحراف اللون الاحمر = 60 * (0.64 ) =38.4 درجة

زاوية انحراف اللون الازرق = زاوية الراس ( معامل انكسار اللون الازرق -1 )
زاوية انحراف اللون الازرق = 60 * (0.67 ) = 40.2 درجة

زاوية انحراف اللون الاحمر = زاوية السقوط + زاوية الانكسار للون الاحمر - زاوية الراس
38.4 = 45 + زاوية الانكسار للون الاحمر ( زاوية الخروج ) - 60

زاوية الانكسار للون الاحمر ( زاوية الخروج ) = 53.4 درجة
وبنفس الطريقة زاوية خروج اللون الازرق = 55.2 درجة

شباب خدو بالكم من اجابات كتاب النماذج لان فى اسئلة محلولة خطأ

الى يواجه مشكلة يتجة للمدرس او يناقش معانا هنا افضل