29 أكتوبر مليونية للمعلمين أمام مجلس الوزراء
 

اتفق المشاركون في المؤتمر العام لمعلمي مصر واللجان التنسيقية لاتحاد المعلمين المصريين على تنظيم مليونية المعلم في 29 أكتوبر الحالي تحت شعار "المليونية المجتمعية للمعلم المصرى" أمام مجلس الوزراء.

وأكد المشاركون خلال المؤتمر الذي عقد في نادي نقابة معلمي فايد بالإسماعيلية بحضور عدد كبير من معلمي مصر، على مواصلة النضال والانتفاضة من جانب المعلمين أمام التفاف وزارة التعليم على المطالب الرئيسية لهم.

كما اتفق المعلمون المشاركون في المؤتمر على وضع شارة خلال المليونية تعبر عن غضب المعلمين وتتمثل فى شريط أصفر أعلى منطقة الجيب.

وجددوا المطالبة بسرعة تشكيل مجلس وطنى للتعليم بمصر، وتطهير منظومة التعليم، وإقالة وزير التربية والتعليم الحالي، وصرف حافز 200% دون المساس بالكادر والمكافأة ووضع حدين أقصى و أدنى للأجور.

http://www.el-balad.com/show.aspx?29...A8%D8%A8%D8%AF

ربنا سهل بجد افشل من ده وزير محدش شاف حسبى الله ونعم الوكيل

مع الاضراب المستمر للمعلمين وان لم تحقق مطالبنا سوف نغلق المدارس

هذه المليونية دعا اليها الاخوان ويريدون من المعلمين المشاركة بعدما سبوهم واتهموا من اضرب من المعلمين بعدم الوطنية
انا لن اشارك مع هذه الفئة الانتهازية وسادعو لذلك كما كنت ادعوا من قبل للاضراب

نفسى اعرف احنا ليه اعتصمنا وليه فكينا الاعتصام كل ده عشان 50جنيه ولسه مخدنهمش عايز اقول لكم انى احنا هبل جدا اكبر غلطة اننا انهينا الاعتصام مفيش اى فايدة او اى مكسب هيتحقق من غير اعتصام احنا اعتصمنا بدون هدف وانهينا الاعتصام برضه بدون هدف

لابد من المشاركة من الجميع

معلمو النوبارية مع الاضراب ولا تنسو مطلب تثبيت المعلمين المؤقتين

ان شاء الله جميع المطالب تتحقق

من هتافاتنا المعلمين يوم 29 أكتوبر &&&& بأذن الله
انزل يا عصام استاذك واقف تحت
مسرحية مسرحية ...... والعصابة هيه هيه
ارحل يعنى إمشى يالى مبتفهمشى
طول ما فيه تعتيم لا دراسة ولا تعليم
بص تحت و بص فوق يا معلم اصحى وفوق
اسمع منى أخر كلام لا ابتدائية ولا اعدادية ولا ثانوية هذا العام
اسمع منى اخر تصريح لا امتحانات ولا تصحيح
يا عزيزى ويا عزيزى ......... المشير ده كان تلميذى
يا عزيزى يا عزيزى ............ الوزير ده كان تلميذى
بسم الله الملك الحـــــــــق … جينا نقول للباطـــــــل لاء
علىّ وعلىّ وعلىّ الصوت … صاحب الحق مش بيموت
شد حيلــــــــك يا معلــــــم … دافع دافع واوعى تسلــــم
قوم يا معلم صح النــــــوم …احنا بقينا أخر القـــــــــوم
قوم يامعلم ساكــــت ليـــة … عاجبـــك حالك ولا ايـــــة
لا دهــــــــــب ولا مــــاس … المعلـــــــم ما بينـــــداس
ارحــــل احــــل يا وزيـــر … المعلــــــم فى التحريــــــر
ارحــــل احــــل يا وزيــــر … التعليـــــم عايز ضميـــــر
ارحــــل احـــل يا وزيــــر … المعلــــــم مش اجيـــــــــر
يا مشيــــــر يا مشيـــــــر … يسقــــط يسقــط الوزيـــر
يا جمــــال يا مغــــــــرور … بكــرة جاى عليــــك الدور
يا وزيــــر السياســــــات … المعلــــــــم هنا مــــــــات
يا وزيــــر صح النــــــوم … النهــــــاردة أخـــــــر يوم
يا وزيــــــــر يا وزيـــــــر … ملكــــش دعوة بالتعليــــم
مش ماشين مش ماشيـن … غيــر ومعانا قرار تعيـــين
شلنا مبارك شلنا شفيـــق … وأنت دورك فى الطــــريق
يا جمال اوعى تدوسنــى … اوعـى تغلـط غلطة حسنــى
يا شـــــرف فينك فينــــك … الوزيـــــــر بينا وبينـــــــك
مسرحية مسرحية ...... والعصابة هيه هيه