|
****القوامة****
السلام عليكم و رحمة الله و بركاته
ازيكم يا جماعة عاملين ايه ؟؟؟؟؟؟؟؟يارب تكونو كلكم بخير انا كنت قبل كده عملت موضوع عن المساواة بين الرجل و المرأة و صراحة كنت عاملاه عشان اشوف راى البنات اكتر بس المرة دى كعدل و مساواةههههههههه انا عايزة اعرف راى الشباب اكتر طبعا كلنا عارفين ان الرجال قوامون على النساء بس هل القوامة انه يضرب اخته _طب بلاش اخته دى_هل القوامة انه يضرب زوجته او يهينها حتى لو مش ضرب يهينها معنويا يعنى هل القوامة انه يمشى كلامه فى حاجة هو اصلا مش ليه حق فيها هل القوامة ان الابن يخرج و ييجى اخر الليل و البنت لا طبعا انا عارفة ان البنت استحالة انها تخرج بالليل كده بس الولد ده بالنسبة له ادب و البنت لا و لا الاتنين مش ادب و لا القوامة دفاع عن البنت الرقيقة اللى مش بتقدر تدافع عن نفسها .............و لا القوامة انه يحميها مش ضرورى انها تبقى اخته كفاية انها اخته فى الاسلام .........و لا.........و لا..........و لا.............. طيب انا نفسى اسال سؤال للشباب بس الرد عايزاه يكون بكل صراحة...................بيبقى احساسك ايه و انت واقف فى الشارع و شايف بنت محترمة جداااااااااااا و ملتزمة جدااااااااااااا و واحد.....بيبرد عليها و انت واقف تتفرج ليه مش بتحس انها اختك ليه مش بتطبق القوامة هنا و تحميها و انت عارف انها مش هتقدر ترد ع الانسان ده ؟؟؟؟؟؟؟؟؟؟؟؟؟ القوامة رجولة.........القوامة عطاء..........القوامة حنان.........القوامة رحمة........القوامة انفاق...........القوامة بذل..........القوامة احتضان.............القوامة تربية............القوامة رعاية..........القوامة حب |
شكرا ليكى ارق ملاك
انا فعلا كتير كنت بسمع عن القوامة بس مكنتش فاهمه معناها وادينى عرفت شكرا وفعلا عندك حق فى كلامك كله جزاك الله خيرا |
و شكرااااااااااااااا ليكى يا ملك يا سكرة ع مرورك اللى بيسعدنى دايما
|
اقتباس:
إنت رده على الموضوع أهوه ********** أما سؤالك ؟ مين قال إننا بنقف نتفرج ! ملحوظه أنا بتكلم عن نفسى جزاك الله خيراً |
اقتباس:
بس بجد قلنا بتعمل ايه لما تلاقى بنت محترمة بتتعاكس يعنى يمكن ولاد يعملو زيك لانى بجد ببقى محتقرة الولاد اللى مش بيعملو حاجة |
ايه يا شباب مش شفت حد يعنى بيقول هو بيعمل ايه بالقوامة فعلا بيدافع عن البنت و لا هو اول واحد بيضرها
|
انت عرفتي القوامة في اخر الموضوع ...
اما الي انت بتقوليه في اول الموضوع دي حاجات تبع المجتمع الشرقي ... اما حكاية الولد يمشي كلاموا اعتقد فيه حاجات لو الزوج والزوجة اختلفو فيها كلمة الزوج هيا الي تحصل علشان هو الي متحمل المسؤولية مش الزوجة ... |
شكرا يا مللك الموضوع فعلا مهم و انا عمرى ماقتنغت بالمساواه بين الرجل و المرأة
طبعا الرجال قوامون على النساء بس مكنتش بحب أقول كده علشان حدش يفهمنى غلط لكن خلاص انت اتفضلت بذكر معنى القوامة جزاك الله خيرا |
اقتباس:
فعايزة اعرف ايه القوامة اللى الشباب شايفينها و ازاى مش بيعتبرو نفسهم مسئولين عن البنت حتى لو مش تقربله:( |
اقتباس:
|
انا معاكى ان القوامه حب ........ عطاء القوامه رجوله.......ورحمه وكل ده بس ليه صحيح الولد مبيدفعش عن البنت لانها لانها على القل بنت من بلده اسمها لوحتى فى كل مكان بنت بلده ادافع عنها زى اختى بس للاسف كله بيبحث فقط عن الشهوه وكله بيقول انا مالى هى حره بكل بساطه وهو ده انا شايفاه فى مجتمعنا الان بدل ما يدافع عنها ويبعد الر بعكسها يبدأ يساعده ويعكسها صح والا انا غلطانه وارجو الرد
|
ميرسى ليكى على الموضوع الجميل ده
|
لا انت كده ملخبطة يا ارق ملاك
انك تشوف واحدة حد بيضايقها وتحميها او ما شابه ذالك ... لو البنت تستاهل مش هنتكلم في النقطة دي اما لو بنت محترمة وروحت ساعدتها ده مش اسمو قوامة ايه دخل القوامة هنا ؟؟؟ ده اسمو نخوة او غيرة على نساء المسلمين يعني لو تفتكري فتح عمورية ... مش لازم اذكر القصة بس لما رجل مسلم وجد امرأة مسلمة بيحصلها كده غار واخذته النخوة فاخذ يدافع عنها حتى سقط جريحا فلما صرخت وا معتصمااه مش فاكر بالظبط بس فيما معناه قالها والله لابلغن بها المعتصم ... وكان ما كان ... المهم يعني دي دي تسمى نخوة مش قوامة |
اقتباس:
|
الصراحة يعنى انا حصل لى الموقف دة مرتين والمرتين دول كانو فى القاهرة مرة كنت انا واولاد خالتى مشين فى الشارع وبنت عدت من امامنا فابن خالتى عاكسها فضربت ابن خالتى مع انه اكبرمنى بس ربنا قدرنى وعرفت اضربة والمرة التانية كنت ماشى بردة فى القاهرة فى باب الشعرية لو تعرفوها امام النساجون الشرقيون كان فى ولدين بيعاكسوا بنت والبنت محترمة جدا الموقف استفزنى وربنا قدرنى بردة وضربتهم بس دول كانو قدى المهم ضربتهم والخناقة كبرت نظرا للحوادث اللى حصلت واحد دماغة اتفتحت والتانى جرى خبطة عربية ورحت القسم واتحجزت هناك والناس اللى شافوا الخناقة من اولها شهدوا معايا وطلعت منها
يا بنتى الشهامة فى عروقنا وخصوصا الفلاحين (اللى معظم الناس بتتريق عليهم ) يعنى الكلام دة والمعاكاسات دى بتحصل فى القاهرة والجيزة والمدن الكبيرة دى لاكن الارياف اللى انا منها مفيش نهائيا وحكاية الزوجة والضرب دى حكاية تانية عايزة دماغ رايقة زيك كدة انا الان قايم ازاكر |
| جميع الأوقات بتوقيت GMT +2. الساعة الآن 07:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.