أطالب بعودة يوم السبت دراسة
 

انا معلمة الحاسب الآلي و متضررة من اجازة يوم السبت لاني بقية الاسبوع نصيبي الحصص الثامنة و التاسعة و يقلص وقت الحصة لعشر دقائق فقط و غالبا لا ادخلها بالمرة:angry2: لانه خلاص الساعة و المعهد كله روح و مفيش الا انا و بيمشوني!!:av4056bb7jp3:
فيه فصول ما اخدوش و لا حصة كمبيوتر واحدة من اول السنة:angry2:
ايه فايدتي انا بقى شغلوني في الازهر ليه عشان اقعد العب سوليتير طول اليوم!!
و ايه الاستخفاف بالكمبيوتر امال تطوير التعليم ازاى !!
و ليه الكمبيوتر مش بيضاف للمجموع و لا له امتحان
هو معنى ازهرى ان الواحد يبقى حافظ قرآن و حديث انما جاهل بوسائل التكنولوجيا الحديثة؟!
و الا مسئولين الازهر بيعتمدوا على ان الطلاب بيتعلموا عل الكمبيوترات في بيوتهم!! امال مشغلين مدرسين كمبيوتر و بيدوهم مرتب ليه!!
انا بصراحة افكر جديا في عدم تجديد عقدي مع الازهر نهاية هذا العام و حشتغل مدربة حاسب في اى مركز كمبيوتر..قال ازهر قال :slap1qk6:

اولا دى مشكلة ادارة المعهد اللى حضرتك شغالة فيه وليس له علاقة بعودة السبت دراسة من عدمه حتى لو الثبت دراسة هو المعهد بتاعك شكلة مش معترف ان الكمبيوتر ده مادة فدى مشكلة ادارية بحتة

وهذا هو ما يحدث مع الكمبيوتر فى معهدى أيضا

وكمان فى معظم المدارس
لا وجود للحاسب الآلى فى اغلب مدارس مصر

اى مدرس حاسب عنده مشكله فى الحاسب الالى يبحث عن رابطة معلمى الحاسب الالى بالازهر على الفيس
وهناك هتلاقو الحل

والله معهدى مافيه حتى لوحة مفاتيح

هذه مشكلة ادارة المعهد فعلى الاداره ان تتقى الله فى ابناءا

في معاهد الكمبيوترات من ساعة ما وصلت من اربع سنين وهي في الكراتين منورة وقاعدة في مكانها

انا متهيألي ان الاتاري بتاع زمان زاد في الأزهر

دي حاجة تحرق الدم

استاذة سالى حاولى تاقلمى نفسك على الوضع اللى انتى فيه لانه مش هيتغير، وممكن تشغلى هواية التدريس عندك بانك تشتغلى مدربة حاسب الى او دورات icdl ونمى نفسك ذاتيا فى المجال والا ممكن تلاقى نفسك بعد كام سنة نسيتى كل حاجة ومش عارفة الوندوز من كوز الدرة،، اسف على الصراحة المفرطة بس دى الحقيقة.

نعم هو ده اللى حاصل فى جميع المعاهد ان مدرس حاسب الى وبنواجه نفس المشاكل انا الحصص فى اخر اليوم
ودى مشكله لازم الازهر ينظر لها لان المعاهد غير مهتم بالوسائل الحديثه وانما كل الاهتمام على القران الكريم واللغه العربيه ارجو النظر الى مادة الحاسب الالى بجانب هذا المواد

احمدى ربك على اللى انتى فيه احنا فى سوهاج يوم السبت دراسة وباخذ فى اليوم الواحد 6 حصص على الاقل علشان انا منتدب فى 3 معاهد